34mag

34mag: галоўнае за 2017

29.12.2017
Аўтар: 34mag
6334

Паабяцалі сабе і выканалі! Гартай справаздачу 34mag за мінулы год. Ад афлайнавых Media Days і 34 Music Sessions да вяртання сэксу на старонкі часопіса – сабралі ў адным матэрыяле ўсё тое, за што гатовыя даць сабе ўяўную пяцюлю.

Два галоўныя словы 2017-га ў Беларусі – пратэсты і недармаеды. Беларусы пратэстуюць супраць дэкрэта №3. Мы ствараем хроніку падзей, збіраем герояў пратэстаў, пішам інструкцыі пра тое, як пратэставаць па-даросламу і што рабіць, калі тваіх блізкіх затрымалі.

На пачатку года запускаем рубрыку Mediascape – гэтакі мосцік паміж медыя і НДА, дзе збіраем лайфхакі, парады ад экспертаў і экспертак у медыйнай сферы і натхняльныя кейсы працы актывістаў і актывістак.

Рубрыка Mediascape

Робім чатыры афлайн-ток-шоу 34 Media Days – пра скрыжаванні медыя і права на горад, гендару, экалогіі і краўдфандынгу.

У лютым Беларусь часткова скасавала візавы рэжым. Антон Кашлікаў растлумачыў у сваёй калонцы, чаму ўсе так радуюцца гэтай падзеі.

Дэмантуюць «Белэкспа». А мы фантазуем, што пабудавалі б замест будынка былой ВДНГ.

Запускаем рубрыку «Міжнародныя актывісты», дзе натхняемся досведам замежных ваяроў з несправядлівасцю.

Рубрыка «Міжнародныя актывісты»

Стартуе грандыёзны баявік-эпапея «Таймлайн беларускай літаратуры» ў трох частках – ад сівых часоў да апошніх літаратурных дасягненняў.

Праект «Таймлайн беларускай літаратуры»

Рэдакцыя 34travel запускае праект пра падарожжы па Сінявокай Go to Belarus.

У траўні разам з нашымі сябрамі з «Багны» выпраўляемся ў трохдзённы птушыны рай на Палессі пасля навіны аб праекце Е-40, які пагражае Прыпяці.

Чытаць дайв-рэпорт

Адэля Дубавец бярэ першае месца прэміі «Дэбют» з перакладам кнігі Вітальда Шаблоўскага «Танец мядзведзяў», выдадзенай 34mag.

Чытаць кнігу

Робім мануальчык «Як правільна слэміцца» для тых, хто не адрознівае мош ад краўдсёрфінга.

Бамбім фірмовы стыкерпак ад 34mag з дзёрзкімі галубочкамі для Telegram.

Cпампаваць стыкерпак

Разбіраем архівы старога 34mag і збіраем сапраўдныя дыяменты з усіх рэінкарнацый часопіса ў рубрыцы Golden Collection. І гэта яшчэ не ўсё!

У чэрвені наш аўтар Саша Лашкевіч aka Manitu гоніць на піцерскі Versus Battle і прывозіць інсайдарскі рэпорт з месца падзей.

Мяняем канцэпцыю нашага Telegram-канала і ператвараем яго ў афішную тумбу Менска Minsk Not Dead. Без лішніх эпітэтаў анансуем івэнты, дзе можна культурна развеяцца ці накідацца.

Эпапея пра знос гістарычнага раёна Менска – Асмалоўкі – працягваецца. Наша аўтарка Таня Капітонава ідзе на грамадскае абмеркаванне і вяртаецца з коміксавым рэпортам пра татальнае неразуменне ўладамі свайго народа.

Глядзець рэпорт

29 чэрвеня стартуе новы сезон музычнага відэашоу 34 Music Sessions, якое фіксуе значныя культурныя месцы Менска.

Глядзець 34 Music Sessions

Выпускаем гайдлайн па камунікацыях для актывістаў і актывістак ад 34mag. Падборка карысных матэрыялаў для тых, хто хоча праапгрэйдзіць сродкі камунікацыі.

Чытаць гайдлайн

Даем парады заходнім журналістам пра тое, як правільна распавядаць пра Беларусь. За гэтую інструкцыю нам падзякавала нават МЗС Беларусі!

У вялікім фотапраекце Тані Капітонавай «Голас цела» новыя героі і гераіні паказваюць і распавядаюць нам пра сваё цела: Бакей і Віталіна, транссэксуалка Дыяна, цяжарная Аня Александронкава і шмат іншых персанажаў.

Праект «Голас цела»

Збіраем мянушкі беларускіх гарадоў з дапамогай нашых дарагіх чытачоў. Больш за ўсё каментароў – пад ім.

Кастрычніцкую зноў скалынае Vulica Brasil у верасні. Мы тут як тут!

Аналізуем усе шырока вядомыя фарматы публічных івэнтаў у грандыёзным гайдлайне. З чаго пачаць, калі хочаш зрабіць уласны фестываль(-чык)? Адказ тут.

Вялікі перазапуск: «Пяршак» становіцца сайтам пра музыку.

За 2017-ы выпускаем 16 рэлізаў. Самы паспяховы – TonqiXod «Колер якога няма».

Стартуе наша рубрыка «Рэч», дзе мы распавядаем пра рэчы цікавых герояў і гераінь.

Рубрыка «Рэч»