Вакансіі: vol.6

Выходзім з рэжыму публікацыі свежых вакансій раз на два тыдні, таму што варыянтаў працы не становіцца менш. Мы аддаем перавагу думцы, што крызіс – гэта час пераменаў, а не пакутаў.

 

 

 

Журналіст, кантэнт-рэдактар, фатограф інтэр’ераў. Artox

 

Artox вядомы як мінімум такімі беларускімі праектамі, як relax.by, dom.by, 103.by. Цяпер кампанія пашыраецца і адкрывае сайт relax.ua – нескладана здагадацца, які яго кантэнт. Калі ты любіш Кіеў так жа моцна, як мы, то вось табе некалькі класных вакансій:

 

Асноўныя абавязкі журналіста:

выпускаць 8-9 вялікіх тэкстаў у месяц (у фармаце рэпартажу, фотарэпартажу, інтэрв’ю, агляду, падборак месцаў і гідаў);

весці актыўнае гарадское жыццё і пісаць кожны дзень кароткія нататкі аб апрабаваных установах і выпрабаваных забаўках, анлайны з асноўных падзей (накладныя выдаткі пакрывае кампанія);

досвед працы ў журналістыцы або вядзенні ўласнага фуд-блога.

 

Асноўныя абавязкі кантэнт-рэдактара:

стварэнне персанальных старонак кліентаў, напаўненне кантэнтам, развіццё старонак кампаній;

абнаўленне каталога тавараў;

узаемадзеянне з капірайтарамі, фатографамі на этапе стварэння персанальных старонак кампаній;

праца з водгукамі на персанальных старонках кампаній: мадэрацыя, камунікацыя з кампаніямі і карыстальнікамі, вядзенне справаздачнасці па водгуках.

 

Асноўныя патрабаванні да вакансіі фатографа інтэр’ераў:

вопыт работы ад 2-х гадоў (інтэр’ерная здымка);

свая апаратура, якая дазваляе рабіць якасныя фатаграфіі (фотаапарат з паўнакадравай матрыцай, звышшырокавугольны зум-аб’ектыў (працоўны дыяпазон фокусных адлегласцяў − 16-18 мм), штатыў).

 

Лакацыя: Кіеў.

Кантакты: Сайт  |  FB  |  VK  |  Instagram  |  Пошта info@artox.com

 

 

 

Журналіст. Relax.by

 

Спасылка на дадзеную вакансію можа здацца даволі дзіўнай, але павер, гэты тэкст прыдасца табе перад тым, як уладкоўвацца журналістам у беларускі relax. Пасля найму гарантавана апусканне ў сытае жыццё сталіцы.

 

Асноўныя патрабаванні:

разуменне мэтаў, кантэнту і аўдыторыі relax.by;

досвед працы;

прытрымліванне правілаў з гэтага тэксту.

 

Лакацыя: Менск.

Кантакты: Сайт  |  FB  |  VK  |  Instagram  |  Пошта d.blisch@artox.com

 

 

 

Прадавец. MOON CERAMIC

 

MOON CERAMIC – гэта гісторыя пра любоў да сваёй працы. Пачаўшы сур’ёзна займацца ганчарнай справай, сямейная пара Берднікавых заснавала студыю, зрабіла сабе імя і майстэрню. Іх можна ўбачыць на шматлікіх маркетах і фестывалях, дзе яны вучаць абыходжанню з глінай. У MOON CERAMIC таксама ёсць крама, у якую цяпер патрабуецца прадавец, закаханы ў прыгажосць.

 

Асноўныя патрабаванні:

занятасць 2-3 дні на тыдзень (субота – з 11 да 19, нядзеля – з 11 да 17, часам будні дзень);

досвед працы ў продажах;

мінімальныя веды Photoshop, Word, Excel;

пунктуальнасць і адказнасць.

 

 Лакацыя: Менск.

Кантакты:  VK  |  Instagram  |  Пошта berdnikau@gmail.com

 

 

 

Брэнд-менеджар

 

Праца, якая даказвае, што запал да алкаголю можа прыносіць грошы, а не толькі патрэбу зліваць іх у касы бараў. Толькі ў дадзеным выпадку для гэтага трэба быць прафесіяналам у сферы брэнд-менеджменту, мець вышэйшую адукацыю і свой аўтамабіль, выдатна валодаць ангельскай, мець стратэгічнае мысленне і аналітычны склад розуму. Усяго.

 

Асноўныя абавязкі брэнд-менеджара:

пазіцыянаванне некалькіх алкагольных брэндаў;

вядзенне, распрацоўка стратэгій развіцця брэндаў;

аналіз канкурэнтаў і трэндаў;

арганізацыя і правядзенне розных маркетынгавых мерапрыемстваў;

вопыт у арганізацыі маркетынгавых мерапрыемстваў;

вопыт у кіраванні брэндам;

вопыт работы на аналагічнай або сумежнай пасадзе ад двух гадоў.

 

Лакацыя: Беларусь.

Кантакты: Пошта ko@ko.by (з пазначкай «бренд-менеджер»).

 

 

 

Спартыўны журналіст. Чыжоўка-Арэна

 

Мабыць, адна з самых цікавых пазіцый для аматараў паразважаць пра спорт: ёсць магчымасць пастаянна наведваць матчы, сустракацца з прафесіяналамі, праяўляць свае баявыя здольнасці ў дзікіх умовах Чыжоўкі. У Арэне, дарэчы, адкрыта яшчэ мноства вакансій – пачэкай тут.

 

Асноўныя абавязкі спартыўнага журналіста:

стварэнне кантэнту аб спартыўных падзеях Беларусі;

аналіз матчаў і іншых падобных мерапрыемстваў;

досвед працы ў сферы спартыўнай журналістыкі.

 

Лакацыя: Менск.

Кантакты:  Сайт  |  Тэлефоны +375 29 5411126, +375 29 3069172  |  Пошта pr@junost.org

 

 

 

Барыста. Утопия60

 

Кавярня «Утопия60» – малодшая сястра ўпадабанай многімі «Мануфактуры». Таксама знаходзіцца ў цэнтры горада і радуе выдатнай кавай, напоямі, дэсертамі і сняданкамі.

 

Асноўныя патрабаванні да барысты:

любоў да кавы і жаданне развівацца ў гэтай сферы;

адказнасць і ўменне працаваць у камандзе;

пажадана наяўнасць вопыту.

 

Лакацыя: Менск.

Кантакты:  FB  |  VK  |  Instagram  |  Пошта studia.vkusa.by@gmail.com

 

 

 

Бухгалтар рознічнага гандлю. Армянскія каньякі

 

І мы зноў знайшлі вакансію на нашай любімай Кастрычніцкай. Салідная арганізацыя, якая імпартуе бакалейную і алкагольную прадукцыю прэміум-класа, абяцае магчымасць прафесійнага росту і сацыяльны пакет. Гучыць смачна.

 

Асноўныя патрабаванні да бухгалтара рознічнага гандлю:

выдатнае веданне тэорыі бухгалтарскага ўліку ў гандлі і прафесійнае прымяненне яе на практыцы;

веданне 1С: 7.7;

вядзенне ўліку асноўных сродкаў і матэрыялаў;

вопыт працы 3-6 гадоў.

 

Лакацыя: Менск.

Кантакты: Сайт  |  Тэлефоны ‎+375 17 327 20 27, ‎+375 44 743 00 06 | Пошта m.kustova@ak.by

 

 

 

Спецыяліст(-ка) па інфармацыі і камунікацыі. Офіс еўрапейскай экспертызы і камунікацыі

 

Сяброўская НДА шукае чалавека, які падзяляе каштоўнасці дадзенай асветніцкай установы і ў асноўным будзе займацца вядзеннем сацыяльных сетак арганізацыі. Таксама неабходна пісаць артыкулы, праводзіць інтэрв’ю, рыхтаваць справаздачы. Занятасць частковая – 10 гадзінаў на тыдзень, праца ў першай палове дня. Дэдлайн падачы CV – 3 жніўня ўключна.

 

Асноўныя патрабаванні да спецыяліста(-кі) па інфармацыі і камунікацыі:

досвед працы ў СМІ і ў сацыяльных сетках не менш за два гады;

валоданне інструментамі для аналізу ўзаемадзеяння з аўдыторыяй сацыяльных сетак;

свабоднае валоданне рускай, ангельскай і беларускай мовамі, здольнасць выканаць тэставае заданне на адной з іх;

свабоднае валоданне фотакамерай, графічнымі рэдактарамі, пакетам MS Office, сэрвісамі Google, разуменне прынцыпу работы блогавых сэрвісаў (WordPress);

гатоўнасць укараняць гендарна-адчувальны падыход у сваю працу і адсочваць камунікацыю арганізацыі ў адпаведнасці з яе ўнутранымі палітыкамі.

 

Лакацыя: Менск.

Кантакты: Сайт  |  FB  |  VK  |  Пошта oeec.ngo@gmail.com

 

 

 

 

 

Бонус

Думаем, табе знаёмыя фатаграфіі, дзе дзяўчына цягне за руку хлопца і ў кадры ёсць толькі яе спіна, яго далонь i незвычайныя краявіды. Дык вось, праект #followmeto раскацістай лавай вылазіць з рамак стандартных здымкаў. У Наталлі і Мурада Османа зараз ёсць цэлая каманда асістэнтаў, свой часопіс і тэлеперадача. Яны перыядычна шукаюць памочнікаў; праўда, акурат цяпер адкрытых вакансій няма. Але самая славутая пара Instagram усё роўна дае табе шанец праявіць сябе: калі ты сапраўды вельмі крута фатаграфуеш, ілюструеш, пішаш, дасылай CV сюды – info@followmetotravel.com.

 

 

 

Папярэднія выпускі «Вакансій»:

 

 

 


КАМЕНТАРЫ (1)

<a href= Цены на межкомнатные двери " src="/themes/34mag/images/comment_icon.jpg">

КАМЕНТАВАЦЬ