Вакансіі: vol. 2

У рубрыцы «Вакансіі» мы працягваем зводзіць прафесіянальныя канцы з канцамі, каб было everything in its right place. Нам падабаецца ідэя, што ў пэўны момант нехта камусьці абавязкова патрэбен, таму гартай нашую наступную падборку вакансій – і дзейнічай! Жадаем табе поспехаў!

 

 

 

Кухар-барыста. «ДЭПО»

 

Наша ўлюбёнае «ДЭПО» прарастае каранямі ў самыя тусовачныя вуліцы Менска: цяпер смачнейшыя блінцы будуць гатаваць не толькі на Кастрычніцкай, але і на Зыбіцкай. Калі ты хочаш часцей бываць у самых гарачых кропках горада і рабіць карысць, то гэтая вакансія для цябе.

 

Асноўныя патрабаванні да кухара-барыста:

дзяўчаты да 25 гадоў;

уменне гатаваць з любоўю;

напісанне натхняючых слоў для аматараў блінцоў.

 

Лакацыя: Менск.

 Кантакты: Instagram  |  FB  |  Пошта smachna.food@gmail.com

 

 

 

Адміністратар. Свабодная прастора «Кто такой Джон Голт?»

 

Паспяшайся: на гэтую вакансію нямала жадаючых! «Кто такой Джон Голт?» – гэта 400 квадратных метраў для працы, вучобы і задавальнення: тут пастаянна праводзяцца адукацыйныя і культурныя мерапрыемствы, у каворкінгах нараджаюцца новыя праекты, у бібліятэцы з’яўляюцца новыя класныя кнігі. Ад працы адміністратара тут адзін профіт: і шмат новага даведаешся, і з прасунутай моладдзю пазнаёмішся.

 

Асноўныя патрабаванні да адміністратара:

узрост 18-25 гадоў;

сустрэча гасцей, захаванне парадку і чысціні, стварэнне прыемнай атмасферы;

графік працы 2/2 з 10 да 22 гадзін.

 

Лакацыя: Менск.

Кантакты: Сайт | Пошта johngaltmanager@gmail.com

 

 

 

IT Recruiter. Wargaming

 

Вядучаму беларускаму распрацоўшчыку гульняў патрэбны рэкрутар. У абавязкі ўваходзіць пошук розных спецыялістаў, у тым ліку з Расіі, Украіны і іншых краін Усходняй Еўропы. Таксама неабходна распрацоўваць эфектыўныя метады пошуку кадраў, праводзіць гутаркі, дапамагаць свежым работнікам асімілявацца на новым месцы.

 

Асноўныя патрабаванні да IT Recruiter:

вопыт работы ад 1 года;

арыентаванне на рынку працы Беларусі і СНД;

выдатнае веданне англійскай мовы;

уменне праводзіць інтэрв’ю і весці перамовы;

разуменне працэсу пошуку спецыялістаў.

 

Лакацыя: Менск.

Кантакты: Пошта hr.it@wargaming.net

 

 

 

Art-дырэктар. GetBob

 

Нашы прыяцелі з агенцтва GetBob хочуць папоўніць свой штат art-дырэктарам. GetBob займаецца стварэннем сайтаў, вэб-прадуктаў, прыкладанняў, анлайн-гульняў і многім-многім іншым. Мы часам падглядаем за іх працай і можам запэўніць, што крэатыўны працэс там сапраўды бурліць пастаянна.

 

Асноўныя патрабаванні да art-дырэктара:

досвед працы ў web-студыях не менш 2-х гадоў;

базавае разуменне вёрсткі;

комплексны падыход да UX / UI;

навучальнасць і цікавасць да сферы маркетынгавых камунікацый.

 

Лакацыя: Менск.

Кантакты: Сайт  |  FB  |  Пошта contact@getbobagency.com

 

 

 

Вядучы прамога эфіру. «Радиус FM»

 

Гэтая вакансія будзе відавочна цікавая выпускнікам аўдыёвізу, якія сканчаюць размеркаванне, бо тут асабліва чакаюць журналістаў з вышэйшай адукацыяй. Калі ў папярэднім выпуску «Вакансій» працадаўцы шукалі сакратара на радыёстанцыю, то тут прапануюць акунуцца ў самую гушчу эфіру. Умееш гаварыць без перапынку на любыя тэмы? Аперыруеш мноствам фактаў? Маеш велізарнае кола знаёмстваў? Паспрабуй даказаць гэта.

 

Асноўныя патрабаванні да вядучага прамога эфіру:

узрост ад 23 гадоў;

абавязковы вопыт працы ў прамым радыёэфіры;

уменне самастойна працаваць за пультам;

наяўнасць партфоліо, запісаў эфіру;

веданне музыкі «нулявых».

 

 Лакацыя: Менск.

Кантакты: Сайт  |  Пошта radius-fm@mail.ru   |   FB   |  VK

 

 

 

Mobile apps UI Artist, Junior Software Developer, Android Developer. INVENTAIN

 

Inventain імкліва і паспяхова ўварваўся ў сферу распрацоўкі мабільных гульняў і таму прапануе выдатныя ўмовы для працы: і сучасны офіс у цэнтры горада, і тэхніка Apple, і зарплата зайздросная. Зараз адкрыты амаль дзясятак вакансій – мы абралі некалькі. Больш варыянтаў тут.

 

Асноўныя патрабаванні да Mobile apps UI Artist:

праектаванне і адмалёўка элементаў інтэрфейсу для мабільных прыкладанняў;

вопыт распрацоўкі мабільных інтэрфейсаў (iOS / Android);

валоданне пакетамі 2d графікі (Adobe Photoshop, Illustrator);

навыкі UX дызайну.

 

Асноўныя патрабаванні да Junior Software Developer:

пажаданы досвед працы з C (C ++; Objective-C);

рэалізацыя ігравога функцыяналу мабільных гульняў з выкарыстаннем розных фрэймворкаў;

арыентаванне ў Open GL (ES).

 

Асноўныя патрабаванні да Android Developer:

праектаванне і рэалізацыя мабільнага прыкладання пад аперацыйную сістэму Android;

вопыт работы ад 2,5 гадоў;

глыбокае разуменне OOP, design patterns;

валоданне Java core, collections, multi-threating, IO;

досвед працы з UNIX-based OS, Shell.

 

Лакацыя: Менск.

Кантакты: Сайт  |  FB  |  Пошта info@inventain.com

 

 

 

Мадэльер-канструктар. Mark Formelle

 

Ведаем, што сярод вас ёсць швейных спраў майстры. Калі з рамесніцтвам зараз няпроста, то паспрабуй падацца ў буйную карпарацыю і зрабіць сабе гучны запіс у працоўнай кніжцы. Праўда, зараз шукаюць мадэльера мужчынскага асартыменту – так што ты не будзеш бачыць вакол сябе раскіданую жаночую бялізну, нават калі гэта і першая асацыяцыя з Mark Formelle. Працоўнае месца знаходзіцца ў Заслаўлі.

 

Асноўныя патрабаванні да мадэльера-канструктара:

веданне асноў канструявання мужчынскага адзення (верхні і бялізнавы трыкатаж);

навыкі працы ў праграме САПР Gerber;

пабудова канструкцый вырабаў, градацыя на размерным шэрагу, прымерка вырабаў на постаці, унясенне карэкціровак у канструкцыю, складанне канструктарскай дакументацыі.

 

Лакацыя: Заслаўль.

Кантакты: Пошта rabota@markformelle.by  |  Сайт  |  FB

 

 

 

Мэнэджэр па продажах. Kufar

 

Як бачыш, мы зноў прапануем табе паглядзець ў адваротны бок люстэрка – і на гэты раз убачыць сябе з боку прадаўца паслуг, а не пакупніка тавараў на Kufar. Мяркуючы па расказах вартых даверу крыніцаў, тут сапраўды рэальна ўсё тое, чым звычайна імкнуцца прыцягнуць новых работнікаў: малады і дружны калектыў, офіс у цэнтры горада, плюшкі і бонусы. Магчымыя камандзіроўкі ў Барселону, Стакгольм ці Осла.

 

Асноўныя патрабаванні да мэнэджэра па продажах:

вопыт актыўных продажаў не менш як 1 год;

скончаная вышэйшая адукацыя;

актыўны пошук кліентаў («халодныя» званкі, сустрэчы, дзелавая перапіска);

напісанне камерцыйных прапаноў;

выкананне штомесячнага плана продажаў па прадуктах і паслугах кампаніі.

 

Лакацыя: Менск.

Кантакты: FB  |  Сайт

 

 

 

Дызайнер, мэнэджэр па працы з кліентамі, маркетолаг.
IMAGURU

 

Стартап-хаб Imaguru – кропка зборкі перадавых розумаў горада. Тут збіраюцца прафесіяналы і прадпрымальнікі-пачаткоўцы, каб ствараць і развіваць свае праекты і малыя бізнэсы. Акрамя гэтага, у Imaguru праводзіцца мноства сацыяльных мерапрыемстваў: фрымаркеты, Social Weekend. Калі па нейкай прычыне табе здаецца, што ў менскім бізнэс-асяроддзі нічога не адбываецца, то прыходзь сюды і адчыняй для сябе новы свет. Калі бізнэс-вотчынга стане мала, паспрабуй уладкавацца сюды на працу.

 

Асноўныя патрабаванні да дызайнера:

распрацоўка дызайн-канцэпцый & KeyVisual;

праца з айдэнтыкай і брэндынгам мерапрыемстваў;

падрыхтоўка матэрыялаў для сацыяльных сетак, simple web;

упэўнены Adobe Photoshop, Illustrator, Indesign;

густ і перфекцыянізм.

 

Асноўныя патрабаванні да мэнэджэра па працы з кліентамі:

наяўнасць вышэйшай адукацыі і вопыту працы ў продажах паслуг;

пошук і прыцягненне новых кліентаў;

вядзенне існуючай базы кліентаў і апрацоўка ўваходных званкоў;

дапамога ў арганізацыі мерапрыемстваў;

каардынацыя работы тэхнічнай каманды, якая абслугоўвае мерапрыемствы;

вядзенне якаснага аналізу мэтавай аўдыторыі;

афармленне дагавораў, рахункаў і актаў, кантроль паступлення плацяжоў ад кліентаў.

 

Асноўныя патрабаванні да маркетолага:

вопыт прасоўвання праектаў у інтэрнэце;

распрацоўка прапаноў па прасоўванні прадукту і іх актуалізацыя;

вядзенне плана маркетынгавых і рэкламных кампаній, іх рэалізацыя і аналіз эфектыўнасці;

уменне працаваць з сістэмамі аналітыкі (Google Analytics, Яндекс.Метрика);

абнаўленне сайта, старонак у сацсетках, падрыхтоўка артыкулаў для знешніх рэсурсаў і інш.

 

Лакацыя: Менск.

Кантакты: Сайт  |  Пошта info@imaguru.co  |  FB

 

 

 

Дызайнер. Vondel/Hepta

 

Рэкламныя магі з агенцтва Vondel/Hepta тэрмінова шукаюць дызайнера. Прапануюць шмат працы і цяжкіх праектаў. У дадатак, апроч зарплаты, цябе чакае моцная каманда, трохпавярховы офіс у Верхнім горадзе са славутым дахам Vondelroof, дзе рэкламшчыкі па вечарах ладзяць як адукацыйныя лекцыі, так і знаныя паціхарды. «Гатовыя прыняць у свае моцныя абдымкі на поўны працоўны дзень з усімі шкоднымі звычкамі і выя*намі, абы чалавек быў добры і таленавіты», – кажуць яны.

 

Перавага аддаецца дызайнеру, які можа пахваліцца наступным:

упэўненае карыстанне праграмамі Adobe;

веданне кампазіцыі, вёрсткі, тыпаграфікі, колеразнаўства і ўменне ўжываць іх на практыцы;

добры густ, што б гэта ні значыла;

мастацкая адукацыя (пажадана);

уменне генераваць і рэалізоўваць ідэі;

праца ў камандзе.

 

Лакацыя: Менск.

Кантакты: Сайт  |  Пошта design@vondel.by  |  FB

 

 

Калі ты ведаеш пра цікавую вакансію, пішы нам на 34editors@gmail.com

 


КАМЕНТАРЫ (0)

КАМЕНТАВАЦЬ