Дзе тусіць на 8 сакавіка і вялікіх выходных?

 Дата:  08.03 

 Час:  19:00 

 Месца:  «Брюгге» 

 Кошт:  ад 15 BYN 

Магілёўскія гітар-хіроўс цяпер у разгары запісу новага альбома. Надоечы яны выпусцілі першы адтуль сінгл «Усе песні спетыя», выкананы ў незвычайным для гурта сінтэзатарным стылі. З ім яны і наведаюць сталічны «Брюгге». Спадзяемся таксама пачуць яшчэ некалькі музычных абновак, бо цяпер артысты граюць выключна сольныя двухгадзінныя канцэрты з няспешным паглыбленнем у меладычны дэкаданс-рок.

 Дата:  08.03 

 Час:  19:00 

 Месца:  «Молодость» 

 Кошт:  ад 10 BYN 

Фронтмэн берасцейскага панк-гурта «Дай Дарогу!» адмыслова імчыцца ў Менск, каб скарыць сэрцы слухачоў абаяльнай акустыкай – такога, напэўна, мы не чулі. Сюррэалізму дадае месца правядзення канцэрта: тэхна-клуб «Молодость», які звычайна прапампоўваюць басавітыя дыджыкі, а тут – гітарная няшка ад закаранелага панка. Сходзіш – раскажаш!

 Дата:  08.03 

 Час:  23:00 

 Месца:  «Брюгге» 

 Кошт:  10 BYN 

Euthanasia Promo пачала свой рух у 2003 годзе ў ДК МТЗ. Сёлета псіхадэлічныя рэйверы адзначаюць 15-годдзе і ладзяць буйны фестываль на чатыры танцпляцы. Psychedelic Trance, Hardcore, Drum and Bass, Chill Out – усё, як мы любім, калі перасоўванне па музычных пляцоўках само па сабе пераўтвараецца ў самастойны экспірыенс. Карацей, далучайся да гісторыі! А перад паходам зацані вялікі фоталетапіс дзейнасці прома, які мы запілілі толькі ўчора.

 Дата:  09.03 

 Час:  20:00 

 Месца:  «Графiцi» 

 Кошт:  ад 10 BYN 

Іншаземныя госці, якія стала прапісаліся ў беларускіх музычных рэаліях, даюць невялічкі канцэрт у «Графіці» – месцы, у якім адбываюцца фантасмагорыі яшчэ з незапамятных часоў. Дарэчы, «Кассиопея» паволі рухаецца па сваёй арбіце: нядаўна гурт выпусціў ашаламляльны сінгл «Веревочка», не за Сонечнай сістэмай – новы альбом.

 Дата:  09.03 

 Час:  20:00 

 Месца:  Prime Hall 

 Кошт:  ад 30 BYN 

«Салодкая парачка твікс» нарэшце прэзентуе сваю новую плытку ў Менску. Пасля трыумфальнага трампліна «Еўрабачання» ў мінулым годзе з гуртом адбылося куча ўсяго: Brutto стаў іх патронусам, у снежні выйшаў чацвёрты альбом «Адной дарогай», у лютым – кліп з танцавальным перформансам ад Станюты, а самі Ксюша і Арцём рыхтуюцца стаць бацькамі. У пятніцу будзем замілоўвацца іх закаханымі позіркамі на галоўным канцэрце гурта за апошнія паўгода.

 Дата:  09.03 

 Час:  19:00 

 Месца:  «Ok16» 

 Кошт:  уваход вольны 

Artemp – гэта музычная суполка, якая робіць сучасную класіку моднай. На пачатку сакавіка яны ладзілі невялічкі адукацыйны курс з заезджымі выкладчыкамі Сяргеем Неўскім і Марцінам Шутлерам. Яго фіналам стане адкрыты канцэрт у «Ок16», дзе госці-кампазітары выканаюць творы для віяланчэлі, фартэпіяна, флейты, кларнета, скрыпкі і «жывой электронікі». Чытні перад выхадам нашае інтэрв’ю з адной з заснавальніц Artemp Марыяй Калеснікавай, каб зразумець, што хутка прыйдзе час, калі класіка будзе вабіць не менш за рэйвы.

 Дата:  09.03 

 Час:  19:00 

 Месца:  «Бар ili Клуб» 

 Кошт:  10 BYN 

Украінская альт-поп-спявачка Кацярына Яроменка прыязджае ў Менск ужо ў трэці раз – і кожны яе візіт збірае залы (хоць і невялікія). На гэты раз на яе канцэрт прадаецца толькі 150 квіткоў, і дзесьці мільгала інфа, што ўжо амаль солд-аўт. Кампанію ёй складзе Паліна Рэспубліка.

  Дата:  09.03 

 Час:  19:30 

 Месца:  «Брюгге» 

 Кошт:  ад 20 BYN 

Электронны праект Мірабэлы Кар’янавай існуе ўжо даўно, але толькі летась пачаў заязджаць у Менск. Пакуль Міра не прадстаўляла новага матэрыялу, але і старыя трэкі вартыя, каб пачуць іх жыўцом і памерці. Разам з Ishome сыграе беларускі электроншчык Dirty Owl.

  Дата:  09.03 

 Час:  24:00 

 Месца:  «Молодость» 

 Кошт:  ад 10 BYN 

Калі ты любіш постструктуралісцкую тэорыю і тэхна, тады табе дакладна на «Сияние». Звышканцэптуальныя тусоўкі ў новым клубе «Молодость» – гэта як чытаць Дэрыда ў электрычцы Менск – Маладзечна, толькі ноччу.

  Дата:  10.03 

 Час:  23:59 

 Месца:  «Молодость» 

 Кошт:  ад 5 BYN 

Даўно нічога не было чуваць ад менскай групоўкі Minsk’81. Рабяты, як сапраўдныя рокеры-прывіды, урываюцца ў цюнінгаваную сучаснасць размашыстымі снэрамі і лазернымі хукамі 80-х, каб напомніць, колькі актаў мае Yamaha DX7. Першая туса пасля доўгага перапынку.

  Дата:  10.03 

 Час:  17:00 

 Месца:  «Брюгге» 

 Кошт:  ад 8 BYN 

У пляжнага фестывалю з плаваючай музычнай канцэпцыяй праходзяць адборачныя туры маладых артыстаў. Першы канцэрт быў прысвечаны індзі і электроніцы: на ім адыгралі Immerse, Black Buttons, VAL, Oili і Tempo Bay. Наступны этап – гэта рэп і хіп-хоп. За перамогу рубяцца Groove Dealers, Бакей, ТоНа, The Empry і Martwin. Прыходзь падтрымаць сваіх герояў!

  Дата:  10.03 

 Час:  19:00 

 Месца:  Re:Public 

 Кошт:  ад 45 BYN 

Гэта ўжо другі прыезд Луны ў Беларусь і другая спроба: канцэрт мусіў адбыцца восенню, але быў перанесены на сакавік з-за «тэхнічных прычын». Крысціна вязе ў Менск новы альбом «Остров свободы», які выйшаў напрыканцы 2017-га, – і чакаецца поўны аншлаг. Апранайся пазручней!

  Дата:  10.03 

 Час:  23:00 

 Месца:  Squat 

 Кошт:  15 BYN 

Новая прома-група з назвай, якую прыдумаў сам Даль, ладзіць у гэтую суботу тусоўку на новай тэхна-пляцоўцы са смачным лайнапам. У гасцях маскоўскі электроншчык OL з «Гост Звук», грузінская хаўс-дыджэйка Jino Dollini і загадкавы Stardancer з Калінінграда. Імпрэзу хосціць менскі дуэт Maximalism, які, хутчэй за ўсё, і з’яўляецца стваральнікам прома.

  Дата:  11.03 

 Час:  18:00 

 Месца:  Re:Public 

 Кошт:  ад 10 BYN 

Нядзельны канцэрт у «Рэпабліку», на якім выступае скрозь перспектыўны маладняк: Бакей, Сіджэй, CokeBoy, Kakora, Мікіта Масцяк, Папіон, Piggy Bang, Блэкі з Бангі, The Freddy Red, Naum, Lastend, Ground, blaque u. Зацані толькі іх відос-запрашальнік!

  Дата:  09-11.03 

 Час:  розны 

 Месца:  DIY бар, «Этаж Larry» 

 Кошт:  10 BYN 

Ты, мабыць, не ведаў(-ла), а ў Менску досыць развіты танцавальны хаўс-рух, мы распавядалі пра яго летась. Арганізатары Body Talk, буйнога фестывалю па тэме, ладзяць у гэты ўік-энд вялікі трохдзённы івэнт з французскім хэдлайнерам, майстар-класамі, кантэстамі, джэмамі і вечарынкамі. Калі ты нават не танцуеш, схадзі паглядзець, як гэта робяць іншыя.