Як DOTYK-2018 ледзь не закрылі

 Верасень 2017 

Пачатак падрыхтоўкі да фестывалю. Урачыстае адкрыццё запланавана на 6 красавіка ў «Сталоўцы XYZ», што знаходзіцца на тэрыторыі завода «Калібр». Даты правядзення выбраны з улікам занятасці міжнародных удзельнікаў.

 

 2 красавіка 2018 

На пошту «Нашай Нівы» прыходзіць ліст ад праваслаўнага псіхатэрапеўта з Магілёва, які абураны правядзеннем квір-фестывалю падчас велікодных святаў.

 

 4 красавіка 2018 

Завод «Калібр» звяртаецца ў адміністрацыю Маскоўскага раёна Менска з запытам аб правядзенні маніторынгу.

 

 5 красавіка, 10:31 

У «Сталоўку XYZ» прыходзіць ліст аб тым, што ў 14:00 будзе праведзены маніторынг. Патрабуецца даць доступ да ўсіх памяшканняў.

 

 5 красавіка, 14:00 

Прыходзяць прадстаўнікі МНС, Цэнтра гігіены і эпідэміялогіі Маскоўскага раёна Менска, ідэалагічнага аддзела адміністрацыі Маскоўскага раёна Менска.

 

 5 красавіка, 16:23 

На факс арэндадаўцы прыходзіць ліст ад адміністрацыі Маскоўскага раёна з патрабаваннем прыняць захады па забеспячэнні пажарнай бяспекі. Паўгод таму «Сталоўка XYZ» паспяхова прайшла праверку і прыняла ўсе належныя захады па забеспячэнні пажарнай бяспекі. Прыкладна ў гэты ж час у адрас завода паступае прадпісанне ад Цэнтра гігіены і эпідэміялогіі адміністрацыі Маскоўскага раёна Менска аб прыпыненні работ і паслуг.

 

 5 красавіка, 18:00 

Завод «Калібр» складае Акт аб нядопуску да памяшканняў, якія арандуе «Сталоўка XYZ». Самі памяшканні зачыняюць і апячатваюць, і арганізатары і арганізатаркі фестывалю пазбаўляюцца доступу да іх. Уся тэхніка і асабістыя рэчы застаюцца там. Пачынаюцца пошукі новых памяшканняў для правядзення «Дотыку».

 

 

 6 красавіка, 10:00 

Ані Лок – дырэктарцы Культурна-асветніцкай установы «Кінаклуб Дотык» – пачынаюць паступаць званкі з незнаёмых нумароў. 4 разы ананімныя мужчыны абражалі яе.

 

 6 красавіка, 15:00 

У іншую прастору, дзе павінна было прайсці адкрыццё фестывалю, прыходзяць 10 чалавек з маніторынгам: прадстаўнікі МНС, супрацоўнікі аддзела ідэалогіі раёна, праваахоўных органаў і санстанцыі. Гэтая рэзервовая пляцоўка таксама становіцца немагчымай для правядзення DOTYK.

 

 6 красавіка, 17:45 

Арганізатары і арганізатаркі фестывалю прымаюць рашэнне правесці ўсе мерапрыемствы ў сакрэтных месцах пры папярэдняй рэгістрацыі.

 

 6 красавіка, 19:00 

Урачыстае адкрыццё праходзіць у закрытым фармаце.

 

 7-8 красавіка 2018 года 

Усе лекцыі і варкшопы паспяхова праходзяць у розных лакацыях.

 

 9 красавіка 2018 года 

Прадстаўніцы DOTYK ладзяць прэс-канферэнцыю.

 

 

 Uku Lember: «Remarks about time, place and oneself in oral histories with homosexual men in Estonia»

  Яніс Озаліньш (Латвія): «Латвійскі ЛГБТ+–рух і наратыў нармалізацыі»

  Уладзімір Валодзін (Беларусь/Італія): «Крымінальны пераслед гомасэксуалаў у Савецкім Саюзе ў 1946-1991 гадах»

  Інэта Ліпша (Латвія): «Аб амністыі ў сувязі з 60-годдзем Вялікай Кастрычніцкай сацыялістычнай рэвалюцыі: нечаканае ў судовых рашэннях па крымінальных справах гомасэксуалаў у Латвійскай ССР»

  Павел Голубеў (Расія): «Лёс мастацкай і літаратурнай спадчыны Канстанціна Сомава»

  Павел Чапыжоў (Расія): «Друкаваныя выданні як сведчанне жыцця і праблематыкі ЛГБТ у 1630х-1940х гадах: досвед кніжнага збору»

  Публічная лекцыя: «Гомасэксуальныя суб'ектыўнасці ў шматнацыянальным СССР»

  Гутарка: «Познесавецкі квір: асобы, падзеі, успаміны»

  Варкшоп: «Манiфест бяспечнай прасторы»

  Публічная лекцыя: «Архіў свабоды ці “гей-прапаганда”? Расійская ЛГБТ-прэса ў 1990-х гадах»

  Вечарынка: YES EVERYTHING NOW – rosemary loves a blackberry LIVE

  Канцэрт Вольгі Краўзэ

  Вечарынка: YES EVERYTHING NOW – Moonilena LIVE

  Вечарынка: YES EVERYTHING NOW – Фера Ледяева LIVE

  Прэс-канферэнцыя: вынікі квір-фестывалю DOTYK-2018

 

 

 Наста Лойка, праваабаронца:

Хачу адзначыць два моманты.

Па-першае, падчас праверкі супрацоўнікі аддзела ідэалогіі Маскоўскага раёна пазначылі, што правядзенне фестывалю супадае з Вялікаднем, што магло абразіць пачуцці вернікаў.

Па-другое, была здагадка аб тым, што гэта несанкцыянаванае масавае мерапрыемства.

Свабоднае выказванне свайго меркавання гарантавана Канстытуцыяй Рэспублікі Беларусь і міжнароднымі актамі. Гэта значыць, што рэлігійныя святы не з'яўляюцца прычынай для адмены іншых мерапрыемстваў, у тым ліку квір-фестывалю DOTYK. Тым больш пры ўліку таго, што ён не быў тэрытарыяльна звязаны з гарадскімі лакацыямі і цэрквамі. Сам факт таго, што ў нейкіх менскіх прасторах праходзіць квір-фестываль, не з'яўляецца прычынай для яго адмены.

Ёсць рэчы, якія не падабаюцца дзяржаве, і яна выкарыстоўвае свой адміністрацыйны рэсурс для абмежавання выказванняў і ўзняцця пэўных тэм. Гэта істотнае абмежаванне правоў чалавека. І зразумела, што праверкі з боку пажарнай інспекцыі – гэта выдуманая прычына для абмежавання дзеянняў.

 

Фота: Ганна Сцяколенка