5 беларускіх фэшн-брэндаў

Мы ўжо распавядалі, дзе знайсці мінімалістычныя жаноцкія аўтфіты ад беларускіх дызайнерак. У гэтым выпуску паказваем, дзе шукаць стылёвы мужчынскі і ўнісэкс шмот. Дарэчы, гэтая ніша пустуе – у цябе ёсць усе шанцы зашыцца працай, калі ты падумваеш стаць дызайнерам(-кай). У некаторых выпадках для гэтага нават ІП адкрываць не трэба. Пагналі!

 

 

 

 MIZH TYM MEN 

Трапяткі падыход да крою і дэталяў і выкарыстанне выключна натуральных тканін – асноўныя слупы, на якіх трымаецца праца Mizh Tym Men. Стваральнікі брэнду – Святлана Паддубная, Вольга Аполька, Яраслаў Алейнік.

Дызайнеры аддаюць перавагу мяккім прыглушаным колерам, а пры выбары матэрыялаў – воўне і бавоўне. Яны зробяць любыя штаны ідэальнымі пад кожнага пакупніка. Яшчэ яны прапаноўваюць пажыццёвае абслугоўванне, калі кліент, напрыклад, схуднее ці калі раптам захоча змяніць даўжыню.

  Instagram  |  VK  |  Facebook  |  Сайт

 

 

 

 

 

 

 RUSLO 

Гісторыя брэнда вядзе адлік з 2013 года, калі слова «світшот» выклікала безліч з'едлівых заўваг. Дзіма Хоміч – стваральнік брэнда – арганізаваў пашыў у Кіеве, таму што ў Менску не мог знайсці добрую швачку. Зрэшты, кіеўскі прадакшн яго таксама не задаволіў, і ўсю калекцыю Дзіма аддаў у дзіцячыя дамы, пасля чаго вырашыў завязаць з вытворчасцю.

Нядаўна ў яго з'явіўся напарнік Ілля, і разам яны задалі новы кірунак RUSLO. Цяпер яны робяць вопратку з якаснай трохніткі без начосу. Тканіна складаецца на 80% з бавоўны і на 20% з поліэстэру, што робіць рэч трывалай і даўгавечнай. Курткі – з 100% поліэстэру з выкарыстаннем падшыўкі, якая складаецца на 92% з бавоўны і на 8% з эластану. Гэтую ж тканіну выкарыстоўваюць і для футболак – яна шчыльная і прыемная.

У свежай калекцыі знойдзеш цікавыя фішкі: махровую вышыўку літары R на штанах і світшотах, друк фолкам на лонгслівах, фетравыя вышыўкі на бомберах.

  VK  |  Instagram

 

 

 

 

 

 

 REBEL YOUTH 

Rebel Youth – гэта творчае аб’яднанне мастакоў, фатографаў, дызайнераў і музыкаў з падобным светапоглядам і густамі да мастацтва. І проста туса блізкіх па духу раздзяўбаеў.

У інтэрв'ю 34mag Acid Topser, стваральнік брэнда, казаў: «Шырокаму колу людзей мы сталі вядомыя дзякуючы нашаму брэнду адзення Random Rebels. На дадзены момант у нас выйшла тры капсульныя калекцыі. Але прыярытэтны напрамак вызначыць становіцца толькі складаней, таму што ўвесь час з’яўляюцца нейкія новыя адгалінаванні, новыя людзі, новыя праекты».

Важная асаблівасць: усе гэтыя рэчы існуюць у адзіным экзэмпляры.

  Instagram  |  VK  |  Tumblr

 

 

 

 

 

 

 OUTCAST 

Світшоты, худзі, лонгслівы, курткі, аноракі, сумкі, аксэсуары – хлопцы робяць усе модныя і цяжкавымаўляльныя дэталі гардэроба. Калабарацыі таксама ёсць: напрыклад, з Minsk'81. Дарэчы, наша калега набыла анорак ад OUTCAST і падчас яхтынгу сапраўды не прамокла.

  Instagram  |  VK

 

 

 

 

 

 

 Manchak Apparel 

«Мне не нужны твои лайки» ці «Я могу объяснить» – гэтыя прынты абавязкова сустрэнеш на чыёйсьці вопратцы падчас менскіх тусовак. Калі першы варыянт – справа рук «Бассоты», то другі – канцэпт дызайнеркі Наташы Манчак.

З часам набор адрывістых фраз на аўтфітах пашырыўся: «Один или ничего», «Один литр», «Один». Дыяпазон вырабляльнага адзення максімальна шырокі: ад ніжняй бялізны да паліто. І яшчэ не так даўно заснавальніца брэнда запусціла другі праект, больш агрэсіўны – CARTEL APPAREL.

  Instagram  |  VK

 

 

 

 


КАМЕНТАРЫ (3)

Сергей
Сергей | 2017-10-29 22:21:34

Очень много слизано у западных брендов.

Сьвета
Сьвета | 2017-10-29 18:59:39

Гогогоша рубчинский - это мой бест френд

А не эта хуета

Артурчик
Артурчик | 2017-10-29 12:04:46

хотел написать что это всё брендированное китайское говно, пока не пролистал до конца и не увидел manchak apparel - вот уж где реальное днище, кризис идей и копирование убогих трендов. Остальные бренды на их фоне выглядят, действительно авторскими вещами.

КАМЕНТАВАЦЬ