Вакансіі: vol.7

Падборка жывых і амбіцыйных працоўных месцаў – ад сталяра ў аэрапорце да аўтара-вандроўніка і фотарэдактара Vogue. Мы працягваем заглядваць у тваю будучыню.

 

 

 

Аўтар-вандроўнік. TravelAsk

 

Працоўная прапанова ад сайта вандровак. Ты будзеш знаходзіцца дзе заўгодна, пісаць ад свайго імя шчырыя апавяданні, працаваць у вольным графіку і атрымліваць аплату па дамоўленасці. Ці гэта не самая сапраўдная праца мары нашага пакалення?

 

Асноўныя патрабаванні да аўтара-вандроўніка:

аператыўнае напісанне тэкстаў аб’ёмам 5-15 тысяч знакаў;

згадванне як практычных парадаў, так і культурных аспектаў;

уменне эмацыйна і шчыра пісаць без капіпасты.

 

Лакацыя: Сусвет.

Кантакты: Сайт  |  FB  | VKInstagram  |  Анкета

 

 

 

Праектны менеджар. Heta Belarus Dzietka

 

Калі што, кніжка коміксаў «Heta Belarus Dzietka» – адзін з найлепшых падарункаў для тваіх замежных сяброў. Тутэйшым таксама будзе смешна і цікава пагартаць старонкі і знайсці там улюбёныя і да болю знаёмыя сітуацыі, якія трапна пазначылі аўтаркі праекту. Дэдлайн падачы CV – 17 жніўня (заўтра).

 

Асноўныя патрабаванні да праектнага менеджара:

валоданне беларускай і ангельскай мовамі;

пошук інфармацыі і работа над новымі кнігамі;

пошук новых магчымасцяў і супрацоўніцтва;

продаж кніг і прадуктаў Hetа Belarus Dzietka;

адміністрацыйныя задачы.

 

Лакацыя: Беларусь.

Кантакты: Сайт  |  FB  |  VK  |  Instagram  |  Пошта etobelarusdetka@gmail.com

 

 

 

Тэхнічны дырэктар, аналітык, дызайнер. Red Graphic

 

Сайт Red Graphic сустракае такімі словамі: «Маркетынгавы свет прывык называць тое, што мы робім, анлайн-стратэгіяй, дыджытал-платформай, інтэрнэт-прасоўваннем. Праўда ж у тым, што ў нас у крыві – інтэрактыўнасць, камунікацыя з людзьмі і брэндамі, у аснове якой – размова, рэакцыя і... працяг размовы. Мы называем гэта інтэрактыўнай камунікацыяй». Агенцтва займаецца ўсім, што звязана з digital: праграмаваннем, дызайнам, вёрсткай, аналітыкай і аўдытам, капірайтынгам, SMM, фота- і відэаздымкай, нават аплікацыяй і стварэннем гульняў. Карацей, Red Graphic – гэта лічбавы сусвет, у якім ёсць добры заробак і, канешне, цікавыя праекты.

 

Асноўныя патрабаванні да тэхнічнага дырэктара:

валоданне PHP/HTML/CSS/JS/MySQL;

вопыт наладжвання сервераў, хостынгаў, даменаў;

веданне ангельскай мовы;

вялікае сэрца, каб трываць цяжар зносін з творчым калектывам.

 

Асноўныя патрабаванні да аналітыка:

аналіз патрабаванняў кліента;

пастаноўка задач і напісанне тэхнічнага задання;

распрацоўка схем (інфармацыйная архітэктура);

прататыпаванне;

аналітыка актуальных праектаў: падрыхтоўка справаздач аб выніках праведзенага аналізу з апісаннем слабых бакоў сайта і рэкамендацыямі па іх ліквідаванні;

складанне рэкамендацый па паляпшэнні сайта;

вопыт працы не менш за 2 гады.

 

Што будзе рабіць дызайнер:

макеты сайтаў, гульняў, сэрвісаў і аплікацый;

працаваць на iMac і планшэце ў прыгожым крэсле.

 

 Лакацыя: Менск.

Кантакты:  Сайт  |  FB  |  Пошта resume@redgraphic.com

 

 

 

Кіроўца Uber X. ТАА «Экспертные решения»

 

Студэнты, людзі без вопыту работы і нават без адукацыі – аказваецца, вітаюцца ўсе. Галоўнае – ветлівасць, добразычлівасць і адсутнасць судзімасці.

 

Асноўныя патрабаванні да кіроўцы Uber X:

стаж кіравання не менш за тры гады;

наяўнасць смартфона або планшэта на АС IOS або Android;

аўтамабіль не старэйшы за 2001 год выпуску па дакументах;

адсутнасць фірмовых назваў і сімволікі на аўтамабілі;

чацвёра дзвярэй у машыне.

 

Лакацыя: Менск.

Кантакты: Пошта uber@experti.by | Тэлефоны +375 33 6900806, +375 29 1960806

 

 

 

Сталяр. Belavia

 

У святле радасных падзей аб новых ліўрэях нашай авіякампаніі не можам абысці бокам яе адкрытую вакансію. Ёсць жа свая рамантыка ў тым, каб кожны дзень бачыць самалёты і шчаслівыя твары пасажыраў – а там, глядзіш, і вандраваць пачнеш.

 

Асноўныя патрабаванні да сталяра:

узрост ад 25 гадоў;

досвед працы на дрэваапрацоўчым станку.

 

Лакацыя: Нацыянальны аэрапорт «Менск».

Кантакты: Сайт  |  FB  |  Twitter

 

 

 

Графічны дызайнер, моўшн-дызайнер. «Инфографика»

 

Агенцтва стварае неабходны сёння кантэнт – інфаграфіку. Лаканічную, дакладную, хупавую. Тут умеюць прыдумляць працы, якія ненавязліва рэкламуюць тавары і выклікаюць прывыканне да створаных выяваў. Калі адчуваеш, што ты таксама лепш тлумачыш малюначкамі, а не словамі, – гэтая кампанія для цябе.

 

Кантакты: Сайт  |  FB  |  Vimeo  |  Пошта ak@infographicsmag.ru / hello@infographicsmag.ru

 

 

 

Куратар, Digital Project Manager, SMM-менеджар. Музей сучаснага мастацтва «Гараж»

 

Некалькі вакансій ад эпіцэнтра сучаснага мастацтва ў Маскве. За кошт магутнай аддачы супрацоўнікаў і багатых укладанняў Рамана Абрамовіча гэты музей стаў адным з самых амбіцыйных расійскіх праектаў. Тут ладзяцца выставы, майстар-класы, інтэрактыўныя экспазіцыі, нават выдаюцца кнігі. Поўны спіс адкрытых вакансій глядзі тут.

 

Асноўныя патрабаванні да куратара (дэдлайн падачы CV – 20 жніўня):

распрацоўваць канцэпцыі выстаў, курыраваць выставачную праграму;

пісаць і рэдагаваць тэксты (прэс-рэлізы, куратарскія тэксты, эксплікацыі, апісанні, этыкеткі, артыкулы для каталогаў, уступныя прамовы, тэксты для буклетаў);

удзельнічаць у распрацоўцы бюджэтаў выставак, а таксама кантраляваць выдаткі па праектах сумесна з менеджарам;

вышэйшая адукацыя (мастацтвазнаўства, культуралогія, філасофія і да т.п.);

бездакорная руская і ангельская мовы;

вопыт арганізацыі выставачных праектаў (пералік пазначыць у рэзюмэ);

досвед працы на падобнай пасадзе не менш за пяць гадоў.

 

Асноўныя патрабаванні да Digital Project Manager:

медыяпланаванне і правядзенне рэкламных кампаній;

праца з бюджэтам і адсочванне фінансавых плацяжоў, вядзенне дакументазвароту;

кантроль за ходам праектаў, аналіз эфектыўнасці рэкламных кампаній у перыяд размяшчэння і пасля (падрыхтоўка справаздач, post-campaign аналіз);

пошук і наладжванне ўзаемавыгадных партнёрстваў, новых фарматаў супрацоўніцтва з медыя і культурнымі інстытуцыямі;

досвед працы ў рэкламных агенцтвах ад года;

навыкі працы з сістэмамі Google Analytics або «Яндекс.Метрика»;

свабоднае валоданне ангельскай мовай.

 

Асноўныя патрабаванні да SMM-менеджара ў кавярні Музея:

вядзенне афіцыйнай старонкі ў Facebook і Instagram;

распрацоўка і рэалізацыя стратэгіі і канцэпцыі прысутнасці ў сацыяльных медыях;

праца з водгукамі і каментарамі;

узаемадзеянне з блогерамі і лідарамі меркаванняў (наяўнасць базы кантактаў пажадана);

досвед працы ў рэкламе/PR/SMM;

веданне ангельскай мовы на ўзроўні не ніжэй Upper-Intermediate абавязкова;

выдаленая праца.

 

Лакацыя: Масква.

Кантакты: Сайт  |  FB  | VK  |  Instagram  |  Twitter  |  Пошта y.guseva@garagemca.org (для вакансіі куратара) / web@garagemca.org (для вакансій Digital Project Manager і SMM-менеджар)

 

 

 

Фотарэдактар часопіса Vogue. Conde Nast

 

Прамацваем межы тваёй амбітнасці. Чаму б не паспрабаваць падацца ў адно з найбуйнейшых часопісных выдавецтваў? Так, гэтая вакансія зноў не ў Беларусі, але ж можна набрацца вопыту і выкарыстаць яго потым тут – нам хочацца верыць, што ты адправіш сваё CV менавіта дзеля гэтага.

 

Што будзе рабіць фотарэдактар:

падбіраць фотаматэрыялы для артыкулаў, рэтушаваць, складаць калажы;

каардынаваць працу фатографаў;

весці каштарыс па набытых фатаграфіях;

працаваць з рознымі фотаагенцтвамі як у Маскве, так і за мяжой;

весці разлікі з фатографамі.

 

Лакацыя: Масква.

Кантакты: Сайт

 

 

 

 

 

Бонус

Беларуская аналітычная арганізацыя «Цэнтр Астрагорскага» шукае матываваных беларускіх студэнтаў з добрымі акадэмічнымі вынікамі для праходжання аднамесячнай стажыроўкі. Месцазнаходжанне інтэрна не грае ролі, паколькі праца «Цэнтра» каардынуецца праз інтэрнэт. Гэта неаплачвальная пасада, але пасля паспяховага праходжання стажыроўкі інтэрн можа атрымаць прапанову аб сталым супрацоўніцтве.


Дэдлайн падачы CV – 5 верасня.

Кантакты: Пошта r.astapenia@ostrogorski.org

Падрабязнасці тут.

 

 

 

Папярэднія выпускі «Вакансій»:

 

 

P.S. Нам вельмі цікава, ці знайшлася табе праца дзякуючы нашай рубрыцы. Пішы ў каментарах.

 


КАМЕНТАРЫ (0)

КАМЕНТАВАЦЬ