MIA выкочвае трэк з візуалам а-ля Gustav Goodstuff, дражэ Skittles ахвяруюць колерам у гонар ЛГБТ+, Queens Of The Stone Age напрапалую лгуць паліграфу, а гэтаму гораду зноў патрэбны герой/гераіня – Асмалоўку топяць у цябе на вачах.
З Асмалоўкі хочуць зрабіць поўны фарш – са шматпавярховікамі, гандлёвай вуліцай і бізнэс-цэнтрам. Чыноўнікі не слухаюць ні архітэктараў, ні гісторыкаў, ні эколагаў, ні жыхароў раёна. Здаецца, бабло перамагае ўсё. Каб потым не было пакутліва сорамна, прыходзь 26-га чэрвеня ў 18:30 да будынка адміністрацыі Цэнтральнага раёна на абмеркаванне праекта забудовы самага душэўнага раёнчыка Менска.
Культавы электроншчык DJ Krush святкуе 25-годдзе творчай дзейнасці эксперыментальным рэлізам. У якасці feat'оў на плытцы Kiseki фігуруюць круцейшыя прадстаўнікі японскага хіп-хоп андэграўнду. Тэрмінова кідай у плэер!
«Не кісні – на вясёлцы завісні!» – гэты дакучлівы слоган Skittles страціў актуальнасць у сувязі з LGBT Pride Month у Вялікабрытаніі. Вытворца выпусціў абмежаваную серыю бескаляровых дражэ ў бясколернай упакоўцы. Усё з той нагоды, што «падчас прайду толькі адна вясёлка мае значэнне».
Глядзі, у што ператвараецца зялёная даліна пад націскам адкідаў горназдабыўчай вытворчасці. Пад рудой вадою ўжо схаваліся вясковыя могілкі і царква, а ўсё, што яшчэ маячыць над роўняддзю таксічнага возера, намагнічвае прафесійных фатографаў і непрафесійных інстаграмераў. RIP, Джамана.
Улоў збіралі Zamandarin, Sheeborshee і Manaxrom
Прыходзь, калі ў цябе ёсць ідэя, але ты баішся пачаць.
Не ведаеш, што пачытаць? Звярні ўвагу на гэты спіс.
Каманда прафесіяналаў дапаможа стварыць кантэнт, што заменіць публічнае мерапрыемства.
Выдавецтва для візуалаў, містыка, «Маленькі прынц» на мікрамове.
«Ні з чым не параўнальны досвед перажывання любові».
«Я токсік, я душніла, і мне жывецца так шчасліва».