Анансаваныя кінапаказы ў дворыку Азгура

Праграму #shhh, як заўсёды, складае залаты фонд сусветнага кінематографа, а таксама дарагія кінаманскім сэрцам кінашэдэўры:

31.05 – «Болей дзіўна, чым у раі» (1984), Джым Джармуш;

04.06 – «Ліфт на эшафот» (1958), Луі Маль;

07.06 – «Цягнік на Дарджылінг» (2007), Уэс Андэрсан;

11.06 – «Шэрбурскія парасоны» (1964), Жак Дэмі;

14.06 – «39 прыступак» (1935), Альфрэд Хічкок;

18.06 – «Лэдзі з Шанхая» (1947), Орсан Уэлс;

21.06 – «Беражы сваю хустку, Таццяна» (1993), Акі Каўрысмякі;

25.06 – «Вакацыі пана Юло» (1953), Жак Таці;

28.06 – «Эні Хол» (1977), Вудзі Ален.

Фільмы дэманструюцца на мове арыгінала з субцітрамі па-руску – добрая нагода падцягнуць інгліш ці французскую на свежым паветры. Гук ідзе на бесправадныя навушнікі, якія выдаюць на месцы на час сеанса. На выпадак халоднага вечара варта захапіць цёплае адзенне і плед, але нават калі будзе дождж, кіно ўсё роўна пакажуць – толькі ўжо ў скульптурнай зале музея.

Квіткі каштуюць 10 рублёў. Набыць іх можна праз сэрвіс bezkassira.by.