На ulej.by абвяшчаецца збор сродкаў на здымкі фільма Test-730 пра выпускнікоў, якія з’язджаюць у глыбінку адпрацоўваць размеркаванне. Мы пагутарылі са стваральніцай праекту Дашай Кароль пра тое, як падсаладзіць «працоўную высылку» фрылансам, самаразвіццём ды іншымі моднымі нішцякамі.
Праект Test-730 падзяляецца на дзве часткі. Першая – гэта паблікі ў сацсетках, дзе арганізатары скалачваюць суполку размеркаванцаў, якія раяць адзін аднаму, што пачытаць ці паглядзець, якім заняцца хобі ці на якую дадатковую працу ўладкавацца, не з’язджаючы з райцэнтра. Напрыклад, папулярная тэма – вакансіі выдаленай працы праграмістам, SMM-курсы, агляды славутасцей ваколіцы ці натхняльныя заняткі ранішняй аэробікай.
Героі будуць не тыя ж самыя, што ў трэйлеры, бо ён здымаўся год таму і хтосьці ўжо паспеў адпрацаваць сваё размеркаванне. «Я падавалася на шматлікія гранты, але, на жаль, нічога не атрымалася, таму ў нейкі момант я вырашыла змяніць план і паспрабаваць краўдфандынг», – тлумачыць Даша. Першай гераіняй стане Наста – харэографка ў вёсцы Мікалаеўшчына, – якая, нягледзячы на адсутнасць супольнікаў, працягвае танчыць у старой зале вясковай школы і нават вучыцца граць на ўдарных і спяваць. У другім эпізодзе здымецца таксама Наста – выпускніца журфаку БДУ, размеркаваная ў раённую газету Кіраўска, дзе няма нават гарачай вады. Там яна вывучае англійскую і нямецкую. Трэцяе месца ў фільме вакантнае: кожны размеркаванец, які закіне 2 рублі ў агульны кацёл, можа прапанаваць сваю кандыдатуру.
У адрозненне ад «Братэрства арганізатараў студэнцкага самакіравання» (БАСС) праект Test-730 не ставіць сабе задачу ўздзейнічаць на сістэму і адмяніць размеркаванне, хутчэй, ён працуе з настроем выпускнікоў у існай сітуацыі і спрабуе ператварыць гэтыя два гады са страчанага часу ў час, праведзены з карысцю.
Сама Даша скончыла журфак БДУ ў 2014-м і летась удзельнічала ў інтэнсіўных курсах рэжысуры ў Інстытуце Гётэ, тады ў яе і ўзнікла ідэя зняць фільм пра сваіх адналеткаў. «У сваіх працах я імкнуся станоўча ўплываць на жыццё людзей, мяняць светаадчуванне. Таму я пастаянна пазначаю ў нататніку, што адбываецца няправільнага ў свеце. Ужо назапасіўся велізарны спіс, і вось сярод гэтага гармідару было і размеркаванне, – распавядае Даша. – Нават калі мы не збяром грошы на краўдфандынгу, будзем шукаць альтэрнатыўныя спосабы, бо адчуваю, што фільм патрэбна зняць».
Здымкі кіно плануюцца ў жніўні, прэм'ера – увосень. Кінуць грошы ў скарбонку праекту можна на ulej.by.
Чытай болей пра праграму «Распределение: честно и обо всем».
Глядзі падборку вакансій ад 34mag:
Дзясятка адборных міні-фільмаў, замаскіраваных пад кліпы, – з сюжэтам, хвацкай акторскай ігрой і часта нечаканай канцоўкай.
Аповед пра тое, як два сталічныя хлопцы – Дзмітрый Макарчук і Сяргей Бародзіч – самавольна з’ехалі ў вёску Жыліхава, каб выкладаць мовы і прасоўваць нефармальную адукацыю.
І паспрабаваць выйграць ланч з праграмнымі дырэктарамі фестывалю.
Дзевяць музычных кактэйляў, адмыслова замешаных для 34mag сябрамі ды рэзідэнтамі Radio Plato.
Как построить не просто бар, но тусовку на районе.
Как построить не просто бар, но тусовку на районе.
Разговор о смыслах большого искусства.
Правила жизни, работы, отдыха.