Як будзе выглядаць Vulica Brasil у 2019-м?

У 2019 годзе Vulica Brasil пачнецца 26 ліпеня і будзе доўжыцца да 11 жніўня: яшчэ больш мастакоў і інсталяцый, шмат музычных сцэн і велізарнае гарадское свята даўжынёй у два тыдні.

Мы звязаліся з арганізатаркай фэсту Мілай Коткай, каб даведацца, чым Vulica Brasil здзівіць цябе на гэты раз.

– Галоўная навіна – фестываль будзе. А якім ён атрымаецца – дайце яму нарадзіцца і самі ўсё ўбачыце. Як дзяўчына: «Я цяжарная!» А далей ужо высвятляецца, дзяўчынка ці хлопчык і гэтак далей. Мы даведаліся, што «цяжарныя», яшчэ ў верасні мінулага года. А зараз прыдумляем характар: напаўненне, імёны.

Два гады мы былі на вакацыях, быў час парэфлексавать. Наогул фестываль Vulica Brasil – гэта такое эксперыментальнае дзецішча. Яно заўсёды чымсьці адрозніваецца ад папярэдняга. Мы закранаем новыя тэмы, вынік якіх не ведаем да самага канца. Зараз пачынаецца самая актыўная пара, каб злучыць усе нашы праекты і ідэі.

Галоўнае адрозненне ад мінулых гадоў – мы пашыраем гарызонты. Вырашылі, што ў гэтым годзе час адкрыць фестываль для мастакоў з іншых краін, каб была і іншая геаграфія. Аб'яднаем не толькі Бразілію і Беларусь, але і ўвесь свет. Новае для нас – гэта ўстойлівасць і сталасць намераў. Калі да гэтага кожны фестываль праходзіў і мы не ведалі, што будзе далей, то цяпер прыдумалі пераход на фармат біенале: год на актыў і год на рэфлексію і адпачынак.

Нашы ключавыя кірункі – паблік-арт, урбаністыка і паляпшэнне горада, у якое ўваходзяць экалогія і ўстойлівае развіццё. Пра апошняе вельмі часта кажуць, але прадпрымаюць мала дзеянняў. На мой погляд, экалогія і тое, што адбываецца з ёй, усё роўна ляжыць у плоскасці культуры. І мы паспрабуем перанакіраваць нашы паўсядзённыя звычкі ў больш экалагічнае рэчышча.

За чатыры гады фестываль аброс велізарнай колькасцю сяброў, якія гатовыя сюды вяртацца. Спадзяемся яшчэ раз прывабіць сюды OSGEMEOS – можна сказаць, заступнікаў фестывалю, яны вельмі дапамагаюць у тым ліку і з куратарскай працай. Іншыя імёны пакуль раскрыць не магу, магу толькі сказаць, што фокус будзе на мастаках, якія яшчэ не былі ў нашай краіне. І будзем старацца закрануць тэмы, з якімі мы яшчэ не працавалі.

Ёсць і архітэктурная частка. З намі працягвае працаваць Лаўрэнса Жыменес – клёвы бразільскі архітэктар. Наша важная місія і задача – зладзіць агульнае свята на вуліцы Кастрычніцкай, каб зрабіць яе пешаходнай і аб'яднаць усіх.

Будзем працаваць з будынкамі, на якіх яшчэ няма малюнкаў. Вось у «Ок16» ёсць выдатная сценачкі. Цяпер думаем пра мурал там і ўрбаністычныя інтэрвенцыі, бо гэта новае месца росту на вуліцы. Але мы не мыслім Кастрычніцкай як будынкамі ад «Ок16» да «Мобі Дзіка». Нашы архітэктары даўно глядзяць на яе як на паўвостраў – гэтымі маштабамі і мыслім. Горад можа расці знізу ўверх: ад прыватнага да агульнага. Зараз пытанне толькі ў фінансаванні ўсіх нашых задумак. Для пары муралаў знойдзем месца ў іншых месцах горада, такія «пасхалачкі» Менску ад фестывалю.

За музычную частку адказвае KorneJ. У гэтым годзе будзе велізарнае барабаннае шэсце, гэта ўжо дакладна вядома. Хочам аб'яднаць людзей з розных краін, каб Кастрычніцкая грукатала ад ста барабанаў. Зробім live-сцэну. Будзе дыджэйская зона, «лагодная» чыл-зона, дзе можна будзе нават задрамаць. Будзе месца для рабят са «Свабоды стылю». Большая частка артыстаў будзе з Беларусі: мы ўсё ж не музычны фэст, асноўная частка бюджэту сыходзіць на арт. Думаю, будзе задзейнічана палова творчых сіл Менска.

З партнёраў з намі будзе працаваць «Крыніца». Danone падтрымлівае стварэнне мурала. Але не хвалюйцеся, гэта не значыць, што там атрымаецца рэклама брэнда. Яны прагрэсіўна думаюць і падтрымліваюць свабоду творчасці. У стварэнні мурала нас таксама падтрымлівае Burn. Крута, калі вялікія кампаніі разумеюць мастацтва і дапамагаюць яму. Фестываль прыцягвае людзей, гэта выдатна.

Фота: palasatka