Вакансіі: vol.13

«Чайхана» – гэта лаўнж-кафэ, якое спецыялізуецца на ўзбекскай кухні. Калі ты цяміш у тым, якая табака самая смачная і як трэба мяняць вугаль, вакансія кальяншчыка – тое, што табе трэба!

Асноўныя патрабаванні да кальянчшыка:

вопыт працы як мінімум год;

камунікабельнасць і пачуццё такту;

уменне знайсці індывідуальны падыход да кожнага госця;

санкніжка;

падрыхтоўка і сервіроўка кальянаў;

чыстка, замена вуглёў;

камунікацыя з гасцямі.

Лакацыя: Менск.

 Кантакты: Сайт  |  VK  |  Instagram

Юрыст. Офіс па правах людзей з інваліднасцю

Вакансія «два ў адным» – юрыст, які абараняе правы людзей з інваліднасцю. Калі ты падзяляеш каштоўнасці Канвенцыі і хочаш дапамагаць вырашаць прававыя праблемы людзей з інваліднасцю, тэрмінова падавай рэзюмэ. Дэдлайн – 23 сакавіка.

Асноўныя патрабаванні да юрыста:

прыём кліентаў;

кансультаванне людзей з інваліднасцю па тэлефоне і электроннай пошце;

афармленне скаргаў у дзяржаўныя органы;

складанне аналітычных дакументаў;

удзел у варкшопах, круглых сталах, публічных дыскусіях;

гатоўнасць працаваць у камандзе;

вопыт працы ў сферы людзей з інваліднасцю.

Лакацыя: Менск.

Кантакты: Сайт  |  FB  |  Пошта info@disright.org

Галоўны рэдактар. Bel.biz

Bel.biz – бізнэс-партал Беларус, дзе можна і агляды рынкаў пачытаць, і пра lifestyle дзелавых людзей даведацца. Калі словы «апцыён» ды «ф’ючэрс» для цябе не пусты гук, а яшчэ ты можаш ствараць і прасоўваць кантэнт, фармаваць і матываваць каманду, – вэлкам! Офіс рэдакцыі знаходзіцца на вуліцы Фабрыцыуса – яшчэ адной патэнцыйнай артэрыі сталіцы.

Асноўныя патрабаванні да галоўнага рэдактара:

вышэйшая адукацыя;

вопыт рэдактара інфармацыйнага рэсурсу;

вопыт кіравання праектамі ў інтэрнэце;

вопыт карыстання аналітыкай і метрыкай;

свежыя ідэі;

веданне англійскай мовы;

кіраўніцтва працай каманды;

рэдактарская праўка аўтарскіх матэрыялаў;

падрыхтоўка матэрыялаў, пошук аўтараў, напісанне ўласных артыкулаў.

Лакацыя: Менск.

Кантакты: Сайт  |  FB  |  Twitter  |  Instagram  |  Youtube

Бармэн, афіцыянт. Svobody 4

Добрая навіна ў тым, што лета coming soon, а значыць бар пра віно, модныя дзвіжухі і выдатную музыку шукае ў класную каманду бадзёрых хлопцаў і дзяўчат. Дастаткова любіць віно, быць на стылі і з замежнымі турыстамі даць рады патрындзець. Вопыт і веды атрымаеш падчас звышінтэнсіўнай практыкі.

Асноўныя патрабаванні да бармэнаў і афіцыянтаў:

любоў да сябе і працы;

уменне камунікаваць на розныя тэмы;

цікавасць да віна і ўсяго, што з ім звязана;

жаданне шмат вучыцца;

пачуццё стылю і пачуццё гумару;

свабоднае валоданне англійскай мовай;

акуратнасць і патрабавальнасць да сябе.

Лакацыя: Менск.

Кантакты: Сайт  |  FB  |  Instagram

Кіраўнік гасцініцай. Менскі міжнародны адукацыйны цэнтр імя Ёханэса Рау

Гасцініца «IBB» – падраздзяленне адукацыйнага цэнтра імя Ёханэса Рау. У каманду шукаюць чалавека-рухавіка, які будзе кіраваць гасцініцай. Праўда, вакансія не для пачаткоўцаў: патрабуецца няхілы бэкграўнд і каласальны вопыт працы. Але па ўмовах цудоўна ўсё: і канкурэнтная зарплата, і прафесійны калектыў, і офіс ля метро.

Асноўныя патрабаванні да кіраўніка гасцініцай:

вышэйшая профільная адукацыя (напрыклад, ВШТ, эканамічная);

вопыт працы ў сферы гасцінічнага бізнэсу не менш за тры гады;

веданне англійскай і нямецкай моў;

веданне гасцінічных аперацыйных праграм: Intellect Style, booking.com, Travel line;

уменне ствараць каманду і кіраваць ёй;

вядзенне і своечасовае прадстаўленне кіраўніцтву справаздачы аб гаспадарча-фінансавай дзейнасці гатэля.

 Лакацыя: Менск.

Кантакты: Сайт

Праграмны спецыяліст. ЮНФПА ў Беларусі

У фокусе фонду ААН у галіне народанасельніцтва – рэпрадуктыўнае здароўе, народанасельніцтва і развіццё, гендарная роўнасць. Цяпер шукаюць спецыяліста па пытаннях сэксуальнага і рэпрадуктыўнага здароўя / ВІЧ. У рамках праекта «БЕЛМЕД» гэты чалавек будзе каардынаваць праектныя мерапрыемствы ЮНФПА. Дэдлайн падачы CV – 20 красавіка.

Асноўныя патрабаванні да праграмнага(-ай) спецыяліста(-кі):

адукацыя ў галіне медыцыны, аховы здароўя або сумежнай дысцыпліны;

не менш пяці гадоў практычнага вопыту кіравання праграмамі / праектамі;

досвед працы з ААН / іншымі міжнароднымі арганізацыямі;

выдатнае валоданне англійскай, рускай, беларускай мовамі;

практычны вопыт у галіне сэксуальнага рэпрадуктыўнага здароўя, планавання сям’і.

Лакацыя: Менск.

Кантакты: Сайт  |  FB

Спецыяліст па сувязях з грамадскасцю. Менскі гадзіннікавы завод «Луч»

Пасля рэбрэндынгу гадзіннікі «Луч» – гэта той выпадак, калі не сорамна за «купляйце беларускае!». Калі ты гатовы несці крутыя беларускія прадукты ў народ, магчыма, гэта вакансія для цябе. Узамен прапануюць годны заробак, пашыраны сацпакет і ўтульны офіс каля парку Чалюскінцаў.

Асноўныя патрабаванні да спецыяліста па сувязях з грамадскасцю:

вышэйшая адукацыя (пажадана ў галіне PR / маркетынгу / журналістыкі);

высокі ўзровень пісьменнасці;

веданне рускай, беларускай і англійскай моў;

вопыт арганізацыі івэнтаў і напісання тэкстаў;

напісанне прэс-рэлізаў і іншых матэрыялаў для СМІ;

камунікацыя са СМІ, прадстаўнікамі ўлады, лідарамі меркаванняў;

арганізацыя прэс-мерапрыемстваў;

вядзенне перапіскі з грамадскімі і дзяржаўнымі органамі.

Лакацыя: Менск.

Кантакты: Сайт  |  FB  |  VK  |  Instagram  |  Youtube

Менеджар па продажах і вядзенні рэкламных праектаў. KYKY.org і The Village

The Village урываецца ў беларускае медыяполе і прапануе вакансію менеджара, які можа і прадаваць, і весці рэкламныя праекты. Калі табе мала адной толькі згадкі The Village, то паглядзі, што прапануюць: офіс у цэнтры горада, на Рэвалюцыйнай, пры жаданні – гнуткі графік і калектыў, з якім дакладна не засумуеш. Яшчэ нагадаем, што пошукі галоўнага рэдактара беларускага The Village працягваюцца. І ім можаш стаць ты.

Асноўныя патрабаванні да менеджара:

вопыт працы менеджарам па продажах не менш за год;

добразычлівасць і ўменне дамаўляцца;

вопыт працы з дакументамі (складанне дамоў, актаў, рахункаў);

пошук патэнцыйных кліентаў;

кантроль дэбіторскай запазычанасці;

вядзенне рэкламных праектаў і дакументацыі;

камунікацыя з кліентамі, рэдактарамі, аўтарамі, фатографамі.

Лакацыя: Менск.

Кантакты: Пошта kyky@kyky.org (з пазнакай «Вакансія менеджара»)

Дызайнер. «Минск Кристалл Трейд»

«Минск Кристалл Трейд» займаецца дыстрыбуцыяй алкагольных напіткаў па ўсёй краіне. Цяпер яны шукаюць дызайнера, які будзе распрацоўваць увесь візуал для крамаў і брэндаў. Офіс – на нашай улюбёнай Кастрычніцкай. Спадзяемся, што вогненны бальзам «Чорны рыцар» за шкоднасць выдаваць не будуць.

Асноўныя патрабаванні да дызайнера:

вышэйшая адукацыя, пажадана па спецыяльнасці «дызайн»;

наяўнасць партфоліа;

вопыт працы не менш за два гады;

веданне асноўных графічных пакетаў (Adobe Photoshop, Adobe Illustrator, CorelDraw);

уменне маляваць «ад рукі»;

распрацоўка макетаў рэкламна-паліграфічнай прадукцыі;

рэстайлінг існуючых гандлёвых марак прадуктаў.

Лакацыя: Менск.

Кантакты: Сайт

Калі ты марыш разліваць гарачую каву ў маленькай кавярні на «Інстытуце культуры», вось ён – твой шанец! Працуеш сабе два праз два ў атачэнні вабных водараў і не набіраеш калорый. Гучыць класна, праўда?

Асноўныя патрабаванні да барысты:

крэатыўнасць і стрэсаўстойлівасць;

уменне камунікаваць з людзьмі;

вітаецца досвед працы.

Лакацыя: Менск.

 Кантакты: VK  |  Instagram