Вакансіі: vol.11

Падборка свежых вакансій – для тых, чые сэрцы патрабуюць пераменаў. Самы час вылазіць з зімовай спячкі і дзейнічаць!

 

 

 

Шэф-рэдактар. «Имена»

 

Анлайн-часопіс «Имена» – гэта не проста сродак масавай інфармацыі, а яшчэ і пляцоўка для дапамогі праектам, важным для грамадства. Калі ў табе спалучаюцца прафесійны медыяменеджар, рэдактар, журналіст і гатоўнасць вяршыць вялікія справы, змяняць свет і краіну да лепшага, чэкай вакансію! Абяцаюць годны заробак, афіцыйнае працаўладкаванне і акіян сацыяльнай значнасці.

 

Асноўныя патрабаванні да шэф-рэдактара:

вопыт працы ў СМІ;

вопыт працы медыяменеджарам, галоўным рэдактарам, рэдактарам аддзела, журналістам;

аналітычны склад розуму, уменне працаваць з дадзенымі;

арганізацыя рэдакцыйнай працы;

пошук герояў, гісторый, тэм, інфанагод;

праца з аўтарамі і валанцёрамі;

рэдагаванне артыкулаў.

 

Лакацыя: Менск.

 Кантакты: Сайт  |  FB  |  VK  |  Twitter  |  OK  |  Пошта imenamag@gmail.com

 

 

 

Памочнік менеджара. RedGraphic

 

RedGraphic – каманда монстраў звышінтэрактыўнага агенцтва. Яны распрацоўваюць digital-стратэгіі і робяць гэта выдатна. Цяпер на цёпленькае месца шукаюць чалавека з добрым сэрцам і ўважлівымі вачыма, гатовага скокнуць з месца ў кар’ер. Акрамя атмасферы digital-шоу, прапануюць жорсткі, але самарэгулявальны графік і модны штаб з відам на дахі старога горада.

 

Асноўныя патрабаванні да памочніка менеджара:

вышэйшая адукацыя;

бездакорная пісьменнасць;

валоданне англійскай мовай на ўзроўні advanced;

дапамога менеджарам;

уважлівасць;

дапытлівы розум і самаіронія.

 

Лакацыя: Менск.

Кантакты: Сайт  |  FB  | Пошта nz@redgraphic.com

 

 

 

Асістэнт, ПРААН Беларусь

 

Праграма развіцця Арганізацыі Аб’яднаных Нацый шукае асістэнта ў менскі офіс. Кантракт дзейнічае з 1 сакавіка па 30 верасня 2017 г. Аднак па заканчэнні ёсць магчымасць працягнуць яго яшчэ на тры гады. Заяўку трэба падаваць па-англійску. Дэдлайн падачы CV – 24 лютага да 17:00 па менскім часе.

 

Асноўныя патрабаванні да асістэнта:

добрае валоданне рускай і англійскай мовамі;

скончаная сярэдняя адукацыя;

вопыт адміністрацыйнай працы не менш за год;

класіфікацыя і афармленне дакументаў;

вядзенне папяровай карэспандэнцыі;

адказ на тэлефонныя званкі;

пераклад дакументаў з/на англійскую/рускую.

 

Лакацыя: Менск.

Кантакты: Сайт  |  FB  |  Пошта anastassia.nesterova@undp.org

 

 

 

Сталяр, памочнік у майстэрню. izDereva.by

 

Сямейны праект izDereva.by – сталярная мануфактура, якая вырасла з любові да справы і драўніны. Гэта і майстэрня, і каворкінг, і школа. Цяпер у каманду шукаюць таленавітага сталяра і яго памочніка. Да рэзюмэ просяць далучаць суправаджальны ліст.

 

Асноўныя патрабаванні да сталяра:

салідны вопыт працы з масівам драўніны;

пяты разрад;

уменне вырашаць пастаўленыя задачы своечасова;

камунікабельнасць.

 

Асноўныя патрабаванні да памочніка:

сталяр як мінімум чацвёртага разраду;

веданне тэхнікі бяспекі;

прыём і апрацоўка заявак;

дапамога і кансультацыя наведнікаў.

 

Лакацыя: Менск.

Кантакты: Сайт  |  FB  |  VK  |  Instagram  | Youtube

 

 

 

Акаўнт-менеджар. GetBob

 

Каманда крэатыўшчыкаў з digital-агенцтва GetBob ханціць менеджара з вопытам кіравання праектамі ў рэкламных агенцтвах, аддзелах маркетынгу або IT-кампаніях. Абяцаюць годную аплату і перспектыву вырасці ў акаўнт-дырэктара.

 

Асноўныя патрабаванні да акаўнт-менеджара:

вопыт працы з інтэрнэт-рэкламай або лічбавымі прадуктамі;

схільнасць да аналітычнай дзейнасці;

уменне працаваць з вялікім аб’ёмам інфармацыі;

кіраванне праектамі ў сферы digital-рэкламы;

камунікацыя з кліентамі;

планаванне, складанне таймінгаў і бюджэтаў.

 

 Лакацыя: Менск.

Кантакты: Сайт  |  FB

 

 

 

Маркетолаг. «Кофе Саунд»

 

Кавярні сеткі «Кофе Саунд» рассыпаныя па ўсёй Беларусі. У амбітны праект шукаюць маркетолага спачатку на часовую занятасць (чатыры гадзіны ў дзень), а далей – ужо на поўную. Калі тваё рэзюмэ зацікавіць працадаўца, атрымаеш тэставае заданне. Там глядзі ўжо сам(а) – не дай пудла!

 

Асноўныя патрабаванні да маркетолага:

вышэйшая адукацыя (маркетынг, рэклама, PR);

веданне асноў напісання рэкламных тэкстаў;

высокая хуткасць працы;

распрацоўка і рэалізацыя рэкламных кампаній;

супрацоўніцтва з СМІ;

вядзенне дакументазвароту па праектах;

праца з дызайнерамі.

 

Лакацыя: Менск.

Кантакты: Сайт  |  VK  |  Instagram  |  Пошта coffeesoundteam@gmail.com

 

 

 

Арт-дырэктар аддзела інтэр’ераў. Nota Bene

 

Nota Bene – амбітная дызайн-студыя, якая рэалізуе інтэр’ерныя і архітэктурныя праекты не толькі ў Беларусі, Расіі, Украіне, але і ў Амерыцы і краінах Заходняй Еўропы. Прапануюць вакансію-чэлендж для энергічнага генератара арыгінальных ідэй і суперканцэпцый без межаў у фантазіі. Умовы зайздросныя: аб’екты па ўсім свеце, добры заробак, сацыяльныя бенефіты і нават тэраса для натхнення. Адважвайся!

 

Асноўныя патрабаванні да арт-дырэктара аддзела інтэр’ераў:

профільная вышэйшая адукацыя;

вопыт працы ў архітэктурным бюро ці дызайн-студыі;

наяўнасць партфоліа праектаў;

разуменне тэхналогій для распрацоўкі праектаў (3ds Max, Photoshop, AutoCAD);

распрацоўка канцэпцый інтэр’ераў і экстэр’ераў;

стварэнне візуальных рашэнняў для прэзентацыі заказчыкам і кліентам;

кіраўніцтва працай аддзела інтэр’ераў.

 

Лакацыя: Менск.

Кантакты: Сайт  |  FB  |  Instagram  |  Youtube

 

 

 

Клінер. «Чысты кіт»

 

Для прыборкі кватэр у Менску шукаюць клінераў. Узрост і вопыт – не галоўнае. Для гэтай пазіцыі нават вышэйшая адукацыя не патрабуецца, бо ўсякае бывае. З плюсаў: афіцыйнае працаўладкаванне, разлік раз на два тыдні і самастойнае планаванне працоўнага тыдня.

 

Асноўныя патрабаванні да клінера:

наяўнасць аўтамабіля;

наяўнасць смартфона і доступу ў інтэрнэт;

жаданне вучыцца;

гатоўнасць хутка вырашаць задачы;

стрэсаўстойлівасць.

 

Лакацыя: Менск.

Кантакты: Сайт  |  FB  |  VK  |  Instagram

 

 

 

Instagram Master. PocketRocket

 

У гарачым сэрцы дызайнерскага агенцтва PocketRocket з’явілася яшчэ адна вакансія мары. У бадзёрую каманду шукаюць інста-талент з разуменнем, як за адну хвіліну зрабіць кадр-цукерачку і атрымаць лайк-шок.

 

Асноўныя патрабаванні да Instagram Master:

уласны instagram-акаўнт, якім можна ганарыцца;

камунiкабельнасць і сабранасць;

ідэальны густ;

вопыт рэкламы ў сацсетках (пажадана);

вопыт маніторынгу і аналітыкі ў SMM (пажадана).

 

Лакацыя: Менск.

Кантакты: Сайт  |  FB

 

 

 

Менеджар па працы з партнёрамі. Музей «Краіна міні»

 

«Краіна міні» – першы паўнавартасны музей архітэктурных мініяцюр у Беларусі. Важна, што гэта не нейкі нафталінавы музей, пакрыты пылам, а мультымедыйны і сучасны. Тут у прамым сэнсе можна дакрануцца да гісторыі краіны. Праектам займаецца каманда неабыякавых і апантаных ідэяй людзей. Цяпер шукаюць спецыяліста па B2B продажах, ад якога чакаюць такой жа апантанасці і палаючых вачэй.

 

Асноўныя патрабаванні да менеджара па працы з партнёрамі:

вопыт працы ў сферы паслуг (пераважна – турызм);

валоданне англійскай мовай на ўзроўні як мінімум Pre-Intermediate;

выбудоўванне партнёрскіх адносін са школамі, прафсаюзамі, турфірмамі, гатэлямі;

удзел у распрацоўцы новых турпрадуктаў.

 

Лакацыя: Менск.

 Кантакты: Сайт  |  FB  |  VK  |  Instagram

 

 

 

Адміністратар, цырульнік-барбер, менеджар па продажах цырульных паслуг. Buro 20/16

 

Некалькі гарачых вакансій у мужчынскім цырульным клубе. Чувакі цэняць высокія стандарты прыгажосці і ўзорную дысцыпліну. Калі ты здольны пераўтвараць звычайных барадачоў у ламберджэкаў на стылі, запісвайся на сумоўе. Прыемны бонус: барбершоп месціцца ў Чырвоным дворыку.

 

Лакацыя: Менск.

Кантакты: FB  |  VK  |  Instagram

 

 

 

Галоўны рэдактар. Беларускі The Village

 

Хайп вакол навіны пра беларускі The Village крыху пацішэў, калі сталі вядомыя падрабязнасці запуску папулярнага лайфстайл-рэсурсу. У першую чаргу шукаюць галоўнага рэдактара, які пачне фармаваць каманду. Cумоўі будзе праводзіць у Менску асабіста Аляксей Аметаў, адзін з заснавальнікаў медыяхолдынгу Look At Media. Just do it!

 

Лакацыя: Менск.

Кантакты: Пошта kyky@kyky.org (з пазнакай «The Village»)

 


КАМЕНТАРЫ (0)

КАМЕНТАВАЦЬ