Варта паслухаць: трэнінг па жыцці ў «краіне без права»

«Каб разумець, дзе парушаюцца твае правы, – іх трэба ведаць, – заяўляюць арганізатары трэнінгу. – Нягледзячы на тое, што ў беларускім прававым полі застаецца ўсё менш і менш магчымасцей для абароны правоў – пра іх трэба гаварыць, а іх парушэнні – фіксаваць».

Трэнінг падзелены на два блокі: першы прысвечаны правам чалавека ў сучаснай Беларусі і дзейнасці праваабаронцаў у крызісныя часы, другі распавядае аб тым, што важна ведаць і памятаць, стаўшыся ўдзельнікам ці ўдзельніцай адміністрацыйнага або крымінальнага працэсу. Спікерамі выступяць эксперты(-кі) у праваабарончым сектары.

 Удзельнікам абяцаюць даць наступную інфу: 

  якія правы чалавека быццам пакінулі Беларусь;

  як бараніць свае правы і што рабіць, калі гэта здаецца немагчымым;

  што робяць праваабарончыя арганізацыі і як можна ім дапамагаць;

  навошта фіксаваць парушэнні правоў чалавека;

  як паводзіць сябе падчас усіх этапаў адміністрацыйнага арышту;

  як паводзіць сябе, калі становішся ўдзельнікам(-цай) крымінальнага працэсу.

Для ўдзелу неабходна да 3 лютага запоўніць анкету па спасылцы.