36 ініцыятыў, на якія варта раўняцца

Падборка ОЕЭК выратуе, калі «патрэбныя ідэі, але ў галаву нічога не лезе». Ініцыятывы трапілі ў спіс па рэкамендацыях ментараў і ментарак, якія ўдзельнічалі ў «Вялікім мазгавым штурме» у мінулым ліпені.

 Вось тыя з ініцыятыў, якія рэалізуцца ў Беларусі: 

  «Аўтавакзал па-беларуску» – адвакатыўная кампанія за тое, каб аўтобусны вакзал у Берасці загучаў на беларускай мове;

  «Дрэс-код мінус дыскрымінацыя» – арт-бяседа ў Купалаўскім тэатры;

  «Жывая Бібліятэка» – антыдыскрымінацыйны праект, у межах якога чалавек можа твар у твар сустрэцца са сваімі стэрэатыпамі і – у ідэале – разбурыць іх;

  «Анёл» – пошукава-ратавальны атрад, што набірае валанцёраў(-ак) у дапамогу міліцыі і МНС для пошуку людзей, якія выйшлі з дому і не вярнуліся;

  «Інклюзіўны барыста» – навучанне людзей з інваліднасцю прафесіі барыста для павышэння іх шанцаў на працаўладкаванне;

  Dyslexia Belarus – ініцыятыва, якая дапамагае людзям з дыслексіяй і іншымі праблемамі навучання;

  34mag.net – гэта мы, і мы шмат пішам пра актывістаў, нават асобны раздзел на сайце прыдумалі;

  «Дыялекты» – тут можна жмякнуць па мапе і паслухаць, як размаўляюць людзі ў розных кутках Беларусі;

  «Тэатр у турме» – у гомельскай калоніі прафесійны рэжысёр ставіць спектаклі з асуджанымі, пра гэта знялі кранальнае кіно;

  Ходасаўскі бізнэс-акселератар – у аграгарадку ў Мсціслаўскім раёне вучаць вяршыць вялікія бізнэс-справы на сяле;

  Urban Myths – гэта ўжо 44 муралы ў Менску і рэгіёнах;

  «Маршыруй, дзетка!» – ініцыятыўная група, якая выступае за эфектыўныя дзяржаўныя інструменты процідзеяння хатняму гвалту;

  БНР100 – бел-чырвона-белае свята, якое мы не забудзем ніколі;

  Freaky Summer Party – гарадскі пікнік, якога менчукі чакаюць кожнае лета (а ён цяпер здараецца не кожнае);

  Sprava – фестываль месца, які адбываецца паадаль ад цывілізацыі і намагнічвае на сабе ўвесь беларускі Facebook (вось як тут было сёлета);

  Vulica Brasil – фестываль вулічнага арту і крэатыўны хаб, які дорыць беларускай сталіцы вайб Рыа-дэ-Жанэйра і прапампоўку ва ўрбанізме;

  «Бананавы фургон» – збор непатрэбных рэчаў і перадача іх тым, каму яны патрэбныя;

  «Зробім!» – суботнікі здаровага чалавека;

  «Новае жыццё ў абмен на крышачкі» – ініцыятыва 2-ў-1: і перапрацоўка пластыку, і дапамога хворым людзям.

Пачытаць падрабязней і пра ўсе-ўсе ініцыятывы можна ў прэзентацыі.