Справа ў Белай Царкве

На мінулых выходных у вёсцы Белая Царква, што ў Віцебскай вобласці, прайшоў другі фестываль Sprava. Сёлета яго трапна назвалі «фестывалем месца», бо лайнап мяняецца, а паўвостраў са старадаўняй царквой застаецца. Калі на дэбютны фестываль летась прыехала каля 500 чалавек, то ў 2018-м гледачоў аказалася каля тысячы. Праграма таксама павялічылася і стала двухдзённай, ды і зон актыўнасці з'явілася значна больш: майстэрні, дыяфільмы, экскурсіі па свежых архітэктурных аб'ектах. Фіксуем зменлівае і ўстойлівае.