Як адзначыць Дзень Волі дома?

Пагойсаць з бчб на святочнай імпрэзе з нагоды Дня Волі сёння не атрымаецца. Але святкаваць 102-ю гадавіну абвяшчэння дзяржаўнай незалежнасці Беларускай Народнай Рэспублікі выключна чаркай на кухні – варыянт так сабе.

 

«Каманда БНР100» з улікам сітуацыі анансавала анлайн-свята. У «Годным Дні Волі» возьмуць удзел вядомыя дзеячы культуры і грамадскія актывісты. Арганізатары святкавання распавялі Euroradio, што плануюць «з дапамогай сучасных новых медыя аб’яднаць беларусаў у розных кутках Зямлі і праз анлайн-трансляцыю з насычанай праграмай і цікавымі гасцямі стварыць атмасферу агульнай еднасці і салідарнасці, злучыць разам беларусаў».

Далучыцца да трансляцыі можна ў 18 гадзін на сайце Hodna.by і ва ўсіх сацсетках.

 

 

Вядома, Дзень Волі без Вольскага нават уяўляць сабе не хочацца. Таму ў 20:00 урубай трансляцыю электрычнага анлайн-канцэрта Лявона Вольскага з пустога Lidbeer-бара. Музыка абяцае «лепшыя песні і адмысловы сюрпрыз».

 

 

Таксама на каранціне нарэшце можна дачытаць кнігу Сяргея Шупы «Падарожжа ў БНР», паглядзець белсатаўскі цыкл «Гісторыя пад знакам Пагоні», пераслухаць усе альбомы N.R.M запар.

Ну і ўспомні, як Менск гуляў на 100-годдзе БНР каля Опернага: вось тут фотарэпорт Касі Сырамалот.