РТБД запрашае на лабараторыю беларускіх драматургаў(-інь)
- Рубрыка: УЛОЎ
- 28.04.2021
- 2433
Цэнтр беларускай драматургіі пры РТБД распачаў набор маладых драматургаў(-інь) на міжнародную драматургічную лабараторыю, якая адбудзецца з 24 па 29 траўня.
У выніку лабараторыі гатовыя п'есы ўдзельнікаў(-ц) апублікуюць на сайце Цэнтра беларускай драматургіі ды накіруюць у тэатры краін СНД.
Для каго?
Для паўналетніх рэзідэнтаў(-ак) Беларусі, якія пішуць п'есы (на лабараторыі не навучаць асновам драматургіі, але будуць курыраваць самастойную працу драматургаў і драматургінь).
Што будзе?
майстар-класы па раскрыцці драматургічнага патэнцыялу;
стварэнне сінопсісаў п'ес;
прэзентацыя сінопсісаў у ЦБД з удзелам СМІ, тэатразнаўцаў і рэжысёраў;
напісанне п'ес;
сцэнічныя чыткі.
Як падацца?
Для ўдзелу ў лабараторыі дашлі заяўку, матывацыйны ліст і, па жаданні, некалькі сваіх твораў на скрыню cbdrr@yandex.ru да 12 траўня 2021 года.
Лабараторыя будзе выязной і пройдзе на прыродзе. Транспарт, жытло і харчаванне забяспечаць арганізатары(-кі).