Чарговы экафэст «Пастарнак» пройдзе на Кастрычніцкай

Лекцыі

Прадстаўнікі(-ніцы) экалагічных і зоаахоўных арганізацый і сацыяльных бізнэсаў распавядуць пра актуальныя экалагічныя праблемы і падзеляцца лайфхакамі па экалагічным ладзе жыцця, а госці фестывалю змогуць паўдзельнічаць у дыскусіях на тэму экалагічнага асяроддзя ў гарадах.

Творчыя майстар-класы

У межах «Пастарнаку» наведвальнікі(-цы) змогуць паўдзельнічаць у майстар-класах па тэхніках малявання і навучыцца рабіць прадметы дэкору і інтэр'еру з эка-матэрыялаў.

Спектаклі і кіно

Увечары на фестывалі будуць праходзіць тэатральныя пастаноўкі і прагляды дакументальнага кіно.

Маркет

На панадворку «Вершаў» будзе знаходзіцца сэрца фэсту – маркеты і фудкорты ад лакальных экабрэндаў і гастра-энтузіястаў(-ак).  

Дзеці

Для жэўжыкаў арганізуюць гульнявую эказону.

Прыгажосць і здароўе

Экабрэнды прадставяць вялікую колькасць крафтавай, брэндавай і хэнд-мэйд-касметыкі, якая з'яўляецца экалагічнай і не тэстуецца на жывёлах.

Музыка

Усе два дні на фэсце будуць гучаць дзённыя дыджэй-сэты і вечаровыя акустычныя канцэрты і канцэрты класічнай музыкі. У праграме: электронная музыка Triangle і Dodoma, імправізацыі ад Minsk Improvisers Orchestra, аўтэнтычныя амерыканскія песні ад братоў Бланк, тэхна-джазавыя нумары ад «Каларыт Кульмана», класічная музыка ад школы «Авангард».

Спорт

«Пастарнак» запрашае гасцей стаць гледачамі спаборніцтваў па скейтбордынгу і пагуляць у актыўныя гульні.

Арганізатары(-кі) заклікаюць наведвальнікаў(-ніц) прытрымлівацца эпідэміялагічных норм, а таксама прыходзіць з уласнымі торбамі і кубкамі. Уваход вольны, прыходзіць можна з сабакамі – для іх будзе арганізаваная гульнявая пляцоўка.

 Падрабязнасці