«Жывая Бібліятэка» запрашае на варкшоп па арганізацыі анлайн-івэнтаў

Прайшоў ужо амаль год з таго часу, як мерапрыемствы шматлікіх арганізацый і ініцыятыў сталі праводзіцца толькі ў анлайн-фармаце. Але ці ўсе могуць камфортна ў іх удзельнічаць?

 

 

17 сакавіка Цэнтр «Жывая Бібліятэка» ладзіць варкшоп «Інклюзіўныя мерапрыемствы анлайн – (не)магчыма?». Там раскажуць пра захады да павялічвання інклюзіўнасці анлайн-мерапрыемстваў.

Варкшоп разлічаны на арганізатараў і арганізатарак – дасведчаных і пачаткоўцаў, якія хочуць зрабіць свае анлайн-падзеі больш інклюзіўнымі.

У выніку ўдзелу ў варкшопе ты:

  атрымаеш уяўленне пра бар'еры да ўдзелу ў анлайн-мерапрыемствах людзей з розных уразлівых груп (людзей з інваліднасцю, сталага веку, ЛГБТК+, падлеткаў, якія знаходзяцца ў зоне рызыкі хатняга гвалту, і інш.);

  абмяркуеш спосабы пераадолення гэтых бар'ераў;

  зможаш вызначыць, якія з магчымых спосабаў пасуюць менавіта для тваёй дзейнасці.

Варкшоп адбудзецца ў Zoom, з 18:30 да 20:30. Колькасць удзельнікаў(-ніц) абмежаваная, таму неабходна зарэгістравацца.

 Рэгістрацыя і падрабязнасці