У Макса Каржа выйшаў новы сінгл «Оптимист»

Макс Корж працягвае эксперыментаваць з гукам. Калі «Стилёво» ўсмактала ў сябе менскае грайм-гучанне, папулярнае ўжо некалькі гадоў, а «Малый повзрослел» расцёкся ў трэпе, то на новым сінгле чуваць запаволены Amen Break, адзін з самых папулярных сэмплаў у электроннай музыцы, асабліва ў драм-н-бэйсе.

Дарэчы, нядаўна ў Каржа была няўдалая спроба зняць кліп. Для гэтага ён кінуў кліч сярод сваіх прыхільнікаў сустрэцца на мінулых выходных на Зыбіцкай і ніяк не паліць, што ідуць здымкі. Але фанацкую любоў было не стрымаць: усе махалі ў аб’ектывы дронаў, прыставалі да Макса з сэлфі і аўтографамі і не давалі ходу яго машыне. У выніку Корж з’ехаў са словамі: «Рабяты, мы зараз уганяем, жадаю вам поспеху, сёння адарвацца нармальна. Я думаю, у любым выпадку я сабраў вас для важнага дзвіжу».