Транквілізатар тыдня: новы альбом Lana Del Rey

Сінхранізуемся з дабрынёй, цеплынёй і пяшчотай новага, пятага альбома Ланы Дэль Рэй Lust For Life.

 

Апошнія паўгода Элізабет Грант (так насамрэч завуць Лану Дэль Рэй) планамерна рыхтавала сваіх слухачоў да сёлетняга тэйк-іт-ізі настрою: у лютым выпусціла хіцяру Love, які дасягнуў, напэўна, усіх радыёкропак свету; затым разам з Уік-Эндам залезла на краёчак шыльды Hollywood, дзе замілавана праспявала тытульную песню альбома; зараз прыйшоў час выкласці астатнія фрагменты абноўленага стылю Ланы Дэль Рэй – сёння свет бачыць пяты поўнафарматнік спявачкі.

Альбом Lust For Life – гэта суцэльная (без ніякіх разнажанравых выбрыкаў) пілюля запавольвання, якую мы раім прапісваць усім перфекцыяністам і летнім працаголікам. Гэта як slow sex, толькі ў музыцы. Лана бярэ ўсю інфармацыйную навакольную мітусню, дзеліць яе на два, а потым расцягвае да такой ступені, што праз шчыліны відаць цеплыню, дабрыню і пяшчоту, якія ніколі і не сыходзілі са спін кітоў і чарапах сусвету, а толькі пакрыліся зеленаватымі варсінкамі занепакоенасці.

 

Шукай таксама Ланачку ў VK, Spotify, iTunes, на торэнтах і файлаабменніках

 


КАМЕНТАРЫ (0)

КАМЕНТАВАЦЬ