Жыццё квіруе: праграма фестывалю DOTYK-2018

Асноўнай падзеяй фестывалю стане адкрытая канферэнцыя, прысвечаная квір-гісторыі і ненарматыўнай ідэнтычнасці на постсавецкай прасторы з удзелам спікераў і спікерак з Беларусі, Расіі, Вялікабрытаніі, Латвіі, Францыі і Эстоніі.

«Даследчыкі і даследчыцы з розных краін Еўропы распавядуць пра жыццё звычайных прадстаўнікоў і прадстаўніц супольнасці ЛГБТ+ у СССР, пра цяжкасці захавання квір-гісторыі, пра бачнасць супольнасці ЛГБТ+ у публічнай прасторы», – кажуць арганізатары.

Даследчыца гісторыі Іра Ралдугіна прадставіць відэазапіс свайго сумеснага праекта з драматургам Валерыем Пячэйкіным. Спектакль заснаваны на ўнікальных лістах раннесавецкіх квір-асоб 1920-х гадоў да Уладзіміра Бехцерава – найбуйнейшага эксперта эпохі, псіхіятра і неўролага. Сяляне і рабочыя адкрыта пісалі яму пра сваю гомасэксуальнасць.

 Расклад мерапрыемстваў 

 6 красавіка (пятніца) 

 19.00  Урачыстае адкрыццё IV Міжнароднага фестывалю квір-гісторыі DOTYK.

 20.00  «Савецкі Харві Мілк? Гісторыя Нікі Палякова».

 7 красавіка (субота) 

 10.00-17.00   Канферэнцыя «Квір-гісторыя былога СССР і постсавецкіх краін».

 17.00  Публічная лекцыя «Гомасэксуальныя суб'ектыўнасці ў шматнацыянальным СССР».

 19.00  Канцэрт Вольгі Краўзэ (Расія/Украіна).

 23.00  Вечарына «Так усё зараз #2».

 8 красавіка (нядзеля) 

 14.00   Варкшоп «Манiфест бяспечнай прасторы».

 15.00   «MAKEOUT, нашто вы робіце друкаваны часопіс у ХХІ стагоддзі?»

 17.00   Публічная лекцыя «Архіў свабоды ці «гей-прапаганда»? Расійская ЛГБТ-прэса ў 1990-х гадах».

 19.00   Гутарка «Познесавецкі квір: асобы, падзеі, успаміны». 

Узроставае абмежаванне для наведвальнікаў і наведвальніц: 18+.

Як прайшло адкрыццё фестывалю летась, глядзі ў нашым рэпорце.