34mag

Цёмныя воіны зулу

Рубрыка: РЭПОРТЫ
10.04.2017
Аўтар: Agatha Poison
7349

У мінулую суботу ў бары «ДК» прайшла тусоўка-анонс адкрыцця новай крамы Clans. За музло адказвала каманда скенкераў з «Бассоты» і прылётныя з Масквы бэйслайн-байцы Zuluwarrior. Было так горача, што падчас стварэння фотарэпорту раз-пораз даводзілася праціраць лінзу.

Clans – ужо даўно больш чым крама з кросамі – вырашыла зрабіць тусоўку перад адкрыццём сваёй новай штаб-кватэры. Да гэтага пытання падышлі карпатліва, ператварыўшы «ДК» на Фабрыцыўса ў чорны-чорны пакой з калідорам, аблепленым афішамі адкрыцця магаза, што нагадвала сюжэты DIY-кліпаў якіх-небудзь англійскіх граймераў. Асобнае месца хлопцы пакінулі фотавыставе з акуратнымі фотакарткамі з інстаграма Clans. Сталічныя моднікі таксама рыхтаваліся: напэўна, чысцілі свае кросы, круціліся перад люстэркам па сто разоў, бо выглядалі ўсе вельмі модна і, што важна, стылёва.

Не ведаем, ці то ад тлустых басоў з калонак, ці праз тое, што ў «ДК» прысутнічалі адразу два хлопцы-мадэлі з Lumpen, у залі было так мокра, што пот цёк нават па сценах, а натоўп слэміўся, нібыта начытаўшыся інструкцыі юнага хардкоршчыка. Напружанне расло, і калі музыку граў Zhit Vredno, а на мікра толькі скончыў чытаць Safer, на танцпляцы вырубілася святло. Трэба было адчуць гэтую плынь энергіі! Хлопцы не згубіліся і пачалі акапэльна спяваць трэк Skepta «Shut Down», а затым легендарную «Лобстар Піцу» ад Кравастока. Святло вярнулася, танцы працягнуліся, плыні энергіі густой чорнай масай плавалі па памяшканні, усмоктваліся ў сцены і падлогу, задаючы планку наступным мерапрыемствам у бары «ДК».

Візуал by poliakowa

ПАДЗЯЛІЦЦА:
7349

Чытаць яшчэ:

Скенк мі аут!

12640

Скенк мі аут!

Выходныя агалцелага драйву на дні народзінаў «Бассоты» скончыліся. Нашая візуальная каманда вытрымала амаль 30 гадзінаў скенку. Фота і відэафлэшбэкі адмыслова для цябе ніжэй.

Модныя Orl’яняты

7508