Куды схадзіць у Менску ў траўні?

Травень не канчаецца шашлыком і салютам: падказваем, як правесці апошні месяц вясны з толкам для тваёй складанай душы.

 

MINSK LARP FESTIVAL 2019

 Калі:  4 траўня, 12:00
 Дзе:  прастора «Другі паверх» (пр. Машэрава, 9, корпус 8)
 Кошт:  ад 15 BYN

Калі хочаш паспрабаваць сябе ў ролевых гульнях (live action role-playing game), прыгледзься да гэтага івэнту: тут зможаш пераўвасобіцца ў іншага персанажа, даведацца пра свежыя навіны са свету ларп-руху і як след пакапацца ў сваёй асобе.

FU-JI KYOTO

 Калі:  5 траўня, 23:00
 Дзе:  прастора «Ok16» (вул. Кастрычніцкая, 16)
 Кошт:  з рэпостам – 5 BYN, без – 10 BYN

Дыджэі Aslamin, Maklai, キパ, D Bison, RedCatz, HollyMolly ды EluYenich выдадуць саўндтрэкі для годных кунаіці і самураяў. Гэта наступная вечарына ў серыі японскіх тусічаў. Першая адбылася ў канцы сакавіка і выглядала гэта вось так. Рыхтуй свае кімано!

КВІР — ГЭТА ШЛЯХ У НІКУДЫ

 Калі:  5 траўня, 18:00
 Дзе:  лакацыю табе раскрыюць пасля рэгістрацыі
 Кошт:  free 

Фестываль DOTYK запускае цыкл лекцый, прысвечаных квір-канцэпцыі. На першай сустрэчы раскажуць, што азначае слова «квір», пашукаюць натхняльныя квір-практыкі і паспрабуюць раскрыць патэнцыял гэтай з'явы. Весці івэнт будзе Тоні Лашдэн – беларуск_ая інтэрсекцыйн_ая фемініст_ка, пісьменні_ца і журналіст_ка. Вось тут пачытай камент лектар_кі пра тое, чаго ад мерапрыемства чакаць.

 

MORGENSHTERN

 Калі:  6 траўня, 19:00
 Дзе:  клуб Re:Public (вул. Прытыцкага, 62)
 Кошт:  40–140 BYN

Відэаблогер Алішэр Моргенштэрн вырашыў узяцца за музыку і беларусаў: у студзені ютубер выпусціў сумесны трэк з Алегам ЛСП, а ў траўні вырашыў прыкаціць да нас у рамках туру «Goodbye». Паслухай апошнія рэлізы артыста і прыходзь зацаніць, як гучыць мемасны рэп у лайве.

АНОРЫ

 Калі:  10 траўня, 18:30
 Дзе:  кінатэатр «Мір» (вул. Казлова, 4а)
 Кошт:  7 BYN

10 траўня стартуе пяты фестываль кіно Паўночных і Балтыйскіх краін «Паўночнае ззянне». Перш-наперш мы рэкамендуем патрапіць на паказ грэнландскага фільма «Аноры», які прадставіць выканаўца галоўнай ролі і па сумяшчальніцтве ўладальніца тытулу Міс Грэнландыя. А далей ужо глядзі наш гайд, абірай кіно на свой густ і атрымлівай асалоду ад раскошнай паўночнай эстэтыкі. На фэсце запланаваныя таксама рэтраспектывы, варкшопы, лекцыі і забаўкі для самых малых.

ДАЙ ДАРОГУ!

 Калі:  10 траўня, 19:00
 Дзе:  клуб Re:Public (вул. Прытыцкага, 62)
 Кошт:  25–30 BYN

Берасцейскія панкі вяртаюцца на сцэну Re:Public са сваімі лепшымі трэкамі. У якасці падрыхтоўкі чытні наша інтэрв'ю з фронтмэнам групы і пагартай кодэкс добрапрыстойнага слэмшчыка

 

375 ELECTRONIC MUSIC FESTIVAL

 Калі:  11 траўня, 23:00
 Дзе:  прастора «Ok16» (вул. Кастрычніцкая, 16)
 Кошт:  да 4 траўня – 10 BYN, да 10 траўня – 15 BYN, у дзень івэнту – 20 BYN

Пляцоўка вечарынкі раскінецца на чатыры танцполы, якія ўзначаляць тусоўкі «Сияние», «1-2-3-4», PANICA і KILLA. За дыджэйскімі пультамі паспеюць пабываць дваццаць дыджэяў. Візуальным афармленнем фестывалю зоймуцца 375 designers, Andy Rock, Ultravisualgang і Blackout Studio: будзе не толькі гучна, але і сакавіта.

ТАК ШТО Ў НАС ТАМ З АДКІДАМІ?

 Калі:  14 траўня, 19:00
 Дзе:  культ. цэнтр «Корпус» (пр. Машэрава, 9, корпус 8)
 Кошт:  15 BYN (можна ўзяць групавы на 5 чалавек за 40 BYN)

На лекцыі Цэнтра экалагічных рашэнняў табе раскажуць, ці існуюць у рэальнасці біяраскладальныя пакеты, ці патрэбны Менску смеццеспальвальны завод і чаму папяровыя кубачкі – гэта не экалагічна. Грошы, сабраныя з івэнту, пойдуць на развіццё анлайн-часопіса Ecoidea.by і розныя экалагічныя ініцыятывы.

VIVA РОВАР!

 Калі:  18 траўня, 12:00
 Дзе:  Парк Перамогі
 Кошт:  free 

Скрозь Менск ужо ў пяты раз пранясецца арда раварыстаў, разадзетых у касцюмы рознай ступені імпазантнасці і вынаходлівасці. Завершыцца велакарнавал конкурсамі і музыкай.

 

АЛЯКСЕЙ ПЫЛЬНАЯ РАДУГА РУМЯНЦАЎ

 Калі:  18 траўня, 20:00
 Дзе:  Graffiti Bar & Club (зав. Калініна, 16)
 Кошт:  30–35 BYN

Лідар групы «Пионерлагерь Пыльная Радуга» вяртаецца ў Менск з акустычнай праграмай. Дарэчы, зараз музыка запісвае другі акустычны альбом: падтрымаць праект можна тут

МЕЧТА 020

 Калі:  18 траўня, 23:00
 Дзе:  клуб Hide (вул. Кастрычніцкая, 19)
 Кошт:  сачы за інфой на FB

Саўнд на юбілейнай «Мечте» забяспечаць музыканты з ЗША, Расіі і Беларусі. Каб падрыхтавацца да таго, што адбудзецца на гэтым рэйве, і падабраць адпаведную падзеі кашулю, зацані рэпорт з папярэдняй тусы

СПЛИН

 Калі:  22 траўня, 20:00
 Дзе:  клуб Prime Hall (пр. Пераможцаў, 65)
 Кошт:  85–130 BYN

«Сплин» вязуць у Менск сваю пятнаццатую плытку «Встречная полоса». Але мы ведаем, што ты пойдзеш на гэты канцэрт дзеля трэкаў пра келіх віна, які падае з рук у разгар весялосці, і пра тое, як сесія ратуе ад жадання залезці ў пятлю.

 

Фота: daryabrr