Шэсць гарачых вакансій у Менску

Калі ты натхніўся(-лася) нашым мануалам па пяшчотным звальненні, але яшчэ не разумееш, дзе цябе, такога(-ую) smart & cool, чакаюць не дачакаюцца, прабяжыся вокам па гэтых вакансіях. Мо гэта і ёсць твой лёс.

 

 Менеджар(-ка) па рэкламе. «Большой» 

Агенцтва «Идея Консалт» і гарадскі часопіс «Большой» (той самы, дзе штомесяц сярод іншага посцяць дзяўчыну ню з вершам беларускага аўтара) шукаюць чалавека, які будзе шпарка гандляваць рэкламнымі паслугамі. Абяцаюць, што паспяховы кандыдат або кандыдатка папрацуе з партнёрамі па ўсіх франтах: ад анлайну і стварэння матэрыялаў у папяровы часопіс да афлайнавых івэнтаў.

 

 Галоўнае: 

  патрабуюць 3-6 гадоў досведу;

  поўная занятасць на поўны працоўны дзень;

  офіс у цэнтры горада, на м. «Няміга» (можна прызначаць дзелавыя сустрэчы ў пякарні Brioche);

  ёсць магчымасць дадатковага навучання;

  памер з/п – як дамовіцеся.

 

 Асноўныя патрабаванні: 

  камунікабельнасць, пісьменная вусная і пісьмовая гаворка;

  актыўнасць, настойлівасць, стрэсаўстойлівасць;

  досвед працы ў сферы продажаў (перавагай будзе праца ў медыя);

  уменне гугліць так, каб знаходзіць патрэбныя адказы і кантакты.

 

 Асноўныя абавязкі: 

  актыўны пошук і прыцягненне кліентаў;

  планаванне і арганізацыя сустрэч з імі;

  правядзенне перамоў і камунікацыя «ад і да», пачынаючы ад адпраўкі камерцыйнай прапановы да рэалізацыі праекта і размяшчэння яго ў часопісе або/і на сайце;

  удзел у распрацоўцы эфектыўнай прапановы для кліента па фармаце магчымай працы;

  кантроль дакументазвароту і дэбіторскай запазычанасці.

 

Лакацыя: Менск.

  Кантакты: +375 (29) 7053670 (можна ў мэсэнджары) | ml@iconsult.by.

 

 Рэдактар(-ка) спецпраектаў. Citydog.by 

Анлайн-часопіс пра ўсё, што робіцца ў Менску, шукае спяца, які выбудуе эфектыўную сістэму генеравання ідэй для праектаў і адшукае ідэальны тэмп выхаду камерцыйных артыкулаў не ў шкоду якасці таму, што ў іх напісана. Тут чакаюць чалавека, які ўмее віртуозна пакаваць ідэі ў розныя формы і фарматы.

 

 Галоўнае: 

  патрэбны досвед працы на рэдактарскай пазіцыі хаця б 2 гады;

  наяўнасць вышэйшай адукацыі.

 

 Асноўныя патрабаванні: 

  валоданне рускай і беларускай мовамі (веданне англійскай стане плюсам);

  разуменне і цікавасць да новых фарматаў і падыходаў;

  сяброўства з таймінгам;

  уменне ставіць задачы камандзе;

  веданне законаў РБ «Аб рэкламе» і «Аб сродках масавай інфармацыі».

 

 Асноўныя абавязкі: 

  распрацоўка ідэй камерцыйных праектаў;

  дапамога камерцыйнай службе ў падрыхтоўцы прэзентацый спецпраектаў;

  арганізацыя прадакшна і менеджмент каманды;

  рэдактура камерцыйных публікацый;

  кантроль тэкстаў на прадмет выканання заканадаўства;

  удзел у перамовах з ключавымі кліентамі;

  нарошчванне KPI.
 
 

Лакацыя: Менск.

  Кантакты: Рэзюме і суправаджальны ліст с расповедам, чаму ты хочаш бамбіць рэкламу менавіта на Citydog, кідай на мэйл citydogby@gmail.com (з паметкай «Рэдактар спецпраектаў»).

 

 

 Журналіст(-ка) у відэапраекты. TUT.BY 

Мегапартал TUT.BY шукае спяца-ўніверсала: журналіста, аператара і мантажора ў адной асобе, які не будзе ляжаць у офісным бінбэгу, чакаючы, што яму паставяць задачу, а здольны генерыць ідэі, вартыя аўтарытэтнага інфапартала.

 

 Галоўнае: 

  патрабуюць 1-3 гады досведу;

  поўная занятасць на поўны працоўны дзень;

  памер з/п – як дамовіцеся.

 

 Асноўныя патрабаванні: 

  ініцыятыўнасць: не чакаеш, калі цябе закінуць на здымку, а прапануеш ідэі;

  досвед працы з праграмамі апрацоўкі відэа;

  наяўнасць партфоліа.

 

 Асноўныя абавязкі: 

  распавядаць крутыя гісторыі пра Беларусь і беларусаў у фармаце відэа.

 

Лакацыя: Менск.

  Кантакты: Трэба кідаць суправаджальны ліст са спасылкай на матэрыялы, якімі ганарышся, на jobs.tut.by.

 

 Спецыяліст(-ка) па адміністрацыйнай падтрымцы ў НДА 

«Менскае веласіпеднае таварыства» шукае спецыяліста(-ку) па адміністрацыйнай падтрымцы на новы тэрміновы праект. Калі ў тэстах па прафарыентацыі табе пісалі, што трэба рабіць нейкую працу па тэгу «канвенцыянальны тып», то вось: удосталь папрактыкуешся з паперкамі і «эксэлем».

 

 Галоўнае: 

  працаваць трэба будзе са жніўня па снежань 2019 года;

  праца ў камандзе з наладжанымі працоўнымі працэсамі;

  магчымасць свабодна вар’іраваць рабочы час;

  офіс на вул. Першамайскай, 18 (цэнтр горада);

  заробак – 750 BYN / месяц (гэта 0,75 стаўкі);

  рэзюмэ прымаюць да 31 ліпеня 2019-га.

 

 Асноўныя патрабаванні: 

  вопыт працы ў некамерцыйнай арганізацыі;

  валоданне Exсel;

  англійская мова на базавым узроўні мінімум;

  станоўчае стаўленне да «зялёных» каштоўнасцей;

  адказнасць, уважлівасць, аналітычны склад розуму і ўсё, што да гэтага звычайна прыкладаецца.

 

 Асноўныя абавязкі: 

  вядзенне дакументазвароту;

  праца з бюджэтам праекта, падрыхтоўка справаздач;

  архіваванне і падрыхтоўка сканаў першасных дакументаў;

  ажыццяўленне закупак згодна з пералікам тавараў і паслуг, праца з пастаўшчыкамі;

  дакументальнае і лагістычнае суправаджэнне рэалізацыі мерапрыемстваў праекта.

 

Лакацыя: Менск.

  Кантакты: Пісаць на nastezh@bike.org.by.

 

 

 Візуальны мерчандайзер(-ка). Reserved 

Менскі Reserved шукае чалавека з густам, які будзе рабіць у краме прыгажосць і стымуляваць кансюмерысцкі імпэт наведвальнікаў. Можна працаўладкавацца нават без досведу, працаваць сабе і купляць брэндавыя штанцы ды кашулі са зніжкай.

 

 Галоўнае: 

  поўная занятасць на поўны працоўны дзень;

  працаўладкаванне па ПК РБ (водпуск і ўсё такое);

  плацяць аклад + матэрыяльныя заахвочванні;

  зніжкі на адзенне.

 

 Асноўныя патрабаванні: 

  наяўнасць лідарскіх якасцяў;

  пачуццё стылю, цікавасць да fashion industry;

  разуменне асноўных камерцыйных паказчыкаў крамы;

  добрасумленнасць.

 

 Асноўныя абавязкі: 

  размяшчэнне тавару ў зале і на манекенах, афармленне вітрыны і гандлёвай залы;

  правядзенне трэнінгаў для персаналу крамы: стылістыка трэндаў, падрыхтоўка крам да адкрыцця, асноўныя прынцыпы падбору камплектаў, праца са стандартамі кампаніі.

 

Лакацыя: Менск.

  Кантакты: +375 (29) 5395435 | svetlana.domorad@lppsa.com.

 

 Digital marketing спецыяліст(-ка). OneSoil 

Рабяты, якія будуць самую вялікую супольнасць фермераў у свеце і кардынальна мяняюць падыход да вядзення сельгаспадаркі (у лепшы, вядома, бок), пашыраюцца і шукаюць новага чэла ў каманду. Аж гарыць як патрэбны дыджытал-маркетынгавы ас.

 

 Галоўнае: 

  натхняльны праект;

  прыгожы офіс на вул. Кірава (з паркоўкай!);

  адсутнасць бюракратыі;

  опцыя «пракаціцца на камбайне».

 

 Асноўныя патрабаванні: 

  выдатная руская і англійская мовы;

  уменне працаваць у камандзе, быць сумленным(-ай) і адкрыта абмяркоўваць праблемы;

  будуць плюсамі – веды SEO, уменне наладжваць рэкламу ў Facebook & Google Ads, дадатковая замежная мова, веды ў аграрным сектары, досвед працы ў IT.

 

 Асноўныя абавязкі: 

  распрацоўка стратэгіі email-маркетынгу, налада аўтаматычных паведамленняў, A/B-тэставанне, аналітыка;

  распрацоўка, падрыхтоўка і рэалізацыя SMM-плана;

  размяшчэнне артыкулаў на Medium, Habr, Vkontakte, Linkedin і ў іншых карысных каналах;

  праца з аналітыкай: Google Analytics, Yandex Metrika, Facebook Analytics.

 

Лакацыя: Менск.

  Telegram @lindorenkovero | v.lindorenko@onesoil.ai.

 

 

Даслаць прыемную і моцную вакансію для публікацыі ў рубрыцы можна на мэйл 34editors@gmail.com.