Вакансіі: vol.12

Калі хочаш сустракаць вясну штодзень 24/7, гоў працаваць у студыю фларыстыкі VETKA-KVETKA. Калектыў – майстры сваёй справы з выкшталцоным густам і безумоўнай любоўю да кветак. Прапануюць тры вакансіі для сапраўдных эстэтаў. Пасля месяца выпрабавальнага тэрміну зможаш перайсці ў пастаянны рэжым працы 2/2 з 9:30 да 21:30.

Асноўныя патрабаванні да фларыста:

вопыт працы ў салоне кветак ад 1 года;

сертыфікат аб праходжанні курсаў або школы фларыстыкі;

веданне касавай дысцыпліны;

валоданне паштовымі праграмамі, а таксама Excel, Word;

камунікабельнасць, стрэсаўстойлівасць.

Асноўныя патрабаванні да памочніка фларыста:

жаданне вучыцца і развівацца;

сертыфікат аб праходжанні курсаў або школы фларыстыкі;

валоданне паштовымі праграмамі, а таксама Excel, Word;

мастацкая адукацыя і вопыт працы ў салоне кветак вітаюцца.

Асноўныя патрабаванні да начнога прадаўца кветак:

мінімальнае веданне асноў фларыстыкі;

вопыт працы ў гандлі;

арганізаванасць, актыўнасць;

камунікабельнасць;

продаж кветак;

упакоўка тавару;

праца з касавым апаратам, тэрміналам.

Лакацыя: Менск.

 Кантакты: Сайт  |  FB  |  Instagram

Калі хочаш быць часткай каманды вядомай радыёстанцыі і ўмееш прадаваць нават непрацоўныя лядоўні на «Куфары», падавайся на вакансію спецыяліста па працы з кліентамі ў Unistar. Пакуль ты застаешся на хвалі, цябе чакаюць прыемныя нішцякі накшталт офіса ў цэнтры горада, сацпакета і аплаты мабільнай сувязі.

Асноўныя патрабаванні да спецыяліста па працы з кліентамі:

вопыт працы ў сферы продажаў ад 1 года;

валоданне праграмамі MS Outlook, MS Word, MS Excel, CRM-Terrasoft;

веданне сферы і спецыфікі рэкламнага рынку ў Беларусі;

камунікабельнасць;

пошук кліентаў (халодныя званкі);

падрыхтоўка камерцыйных прапаноў;

вядзенне дакументазвароту;

кантроль дэбіторскай запазычанасці.

Лакацыя: Менск.

Кантакты: Сайт  |  FB  |  VK  |  Instagram  |  Пошта pleshan.a@unistar.by

«Улей» – краўдфандынгавая платформа, якая дапамагае рэалізоўваць крутыя праекты. Цяпер у каманду шукаюць спецыяліста, які ператворыць працу з сайтам у адно суцэльнае задавальненне. Можа, гэта ты?

Асноўныя патрабаванні да Senior/Middle PHP Developer:

вопыт працы ад трох гадоў;

MySQL 5;

PHP5 + development tools (composer, git flow);

Web-тэхналогіі: HTML/HTML5, CSS/CSS3, JavaScript.

Лакацыя: Менск.

Кантакты: Сайт  |  FB  |  VK  |  OK  |  Пошта e.babariko@ulej.by

«Этажи» – гэта буйное агенцтва нерухомасці. Шукаюць фатографа кватэр. Калі ты ўжо маеш гігабайты картак у сваім партфоліа, то, магчыма, нарэшце пачнеш здымаць афіцыйна. За здымку адной кватэры плацяць 10 рублёў.

Асноўныя патрабаванні да фатографа:

наяўнасць партфоліа;

наяўнасць прафесійнай фотаапаратуры;

камунікабельнасць, уменне камунікаваць з незнаёмымі людзьмі;

наяўнасць шырокавугольнага аб’ектыва і поўнай матрыцы;

здымка інтэр’ераў кватэр;

апрацоўка фотаздымкаў.

Лакацыя: Менск.

Кантакты: Сайт

«Ліберальны клуб» – некамерцыйная арганізацыя, якая сее разумнае, добрае, вечнае пра ліберальныя каштоўнасці ды ідэі свабоды. Цяпер шукаюць PR/SMM-спецыяліста з трэцяга сектара. Праца выдаленая і з гнуткім графікам. Дэдлайн падачы рэзюмэ – 10 сакавіка.

Асноўныя патрабаванні да спецыяліста па сувязях з грамадскасцю:

навыкі працы са СМІ;

уменне пісаць піяр-матэрыялы (у тым ліку і прэс-рэліз);

вопыт вядзення старонак праектаў або арганізацый у сацсетках;

добрае веданне англійскай мовы;

вопыт працы ў некамерцыйным сектары;

павага да ліберальных каштоўнасцяў і ідэй свабоды.

 Лакацыя: Менск.

Кантакты: Сайт  |  FB  |  VK  |  Twitter  | Пошта liberalclub2008@gmail.com.

Junior-рэпарцёр. Tribuna.com

Рэдакцыя беларускага спартыўнага сайта Tribuna.com перад пачаткам футбольнага сезона пашыраецца. Цяпер прапануюць вакансію пад кодавай назвай «вочы баяцца – рукі робяць». Нават без вопыту працы за кароткі прамежак часу з цябе паспрабуюць зляпіць першакласнага спецыяліста і пракачаць усе твае скілы. Засталося толькі даслаць рэзюмэ.

Асноўныя патрабаванні да junior-рэпарцёра:

цікаўнасць да спартыўнай журналістыкі;

любоў да беларускага футбола;

наведванне прэс-канферэнцый;

напісанне рэпартажаў;

падрыхтоўка аператыўных інтэрв’ю;

правядзенне тэкставых трансляцый з матчаў.

Лакацыя: Менск.

Кантакты: Сайт  |  FB  |  VK  |  Twitter  |  Instagram  | Пошта by.editorial@tribuna.com

Акаўнт-менеджар. Monday

Monday – маладое і разумнае performance-агенцтва. Яно стварае мудрыя digital-стратэгіі для любых маркетынгавых і бізнэс-мэтаў. Калі яны цябе такі заханцяць, то прапануюць наступныя ўмовы: афіцыйнае афармленне, офіс ва Уруччы, карпаратыўны кніжны клуб.

Асноўныя патрабаванні да акаўнт-менеджара:

вышэйшая адукацыя (маркетынг, камунікацыі);

вопыт працы ў сферы інтэрнэт-рэкламы як мінімум адзін год;

упэўненае карыстанне MS Excel и Powerpoint;

увага да дэталяў;

валоданне англійскай мовай на ўзроўні Upper-Intermediate і вышэй;

пераклад бізнэс-мэтаў на мову digital;

камунікацыя з кліентамі.

Лакацыя: Менск.

Кантакты: Сайт  |  FB

Дызайнер. DAB

Крэатыўнае агенцтва DAB робіць брэндынг дынамічным, дзіджытал-праекты – інтэрактыўнымі, а моўшн-дызайн яркім і стыльным. Ад дызайнера чакаюць такога ж запалу. Шукаюць спецыяліста з пачуццём густу, вопытам працы і вокам-алмазам. Разглядаюць таксама магчымасць выдаленай працы альбо частковай занятасці.

Асноўныя патрабаванні да дызайнера:

наяўнасць партфоліа (KV, logo, branding, packing etc.);

прага дасканаласці;

крэатыўнасць;

валоданне ключавымі графічнымі праграмамі і пакетамі;

стварэнне ключавых візуалаў;

распрацоўка лагатыпа, фірмавага стылю і ўпакоўкі;

падрыхтоўка матэрыялаў да друку і размяшчэння.

Лакацыя: Менск.

Кантакты: Сайт  |  FB  |  VK  |  Instagram

Абсмажчык кавы. «Караван»

«Караван» – дыстрыб’ютар гарбаты і кавы і транслятар культуры спажывання гэтых напояў. Цяпер кампанія адкрыла вакансію не для слабакоў: шукаюць абсмажчыка кавы на вытворчасці, якое, праўда, знаходзіцца ў аграгарадку Вішнёўка ў Менскім раёне.

Асноўныя патрабаванні да абсмажчыка:

наяўнасць санітарнай кніжкі;

наяўнасць дазволу на працу з газавым абсталяваннем;

уменне беспамылкова адрозніваць адценні колераў;

якаснае абсмажванне сыравіны.

Лакацыя: Менск.

Кантакты: Сайт  |  VK

Усё, што мы ведаем пра Wine’s: у Магілёве адкрываюць першы вінны бар. І калі ты даўно марыў(-ла) кінуць усё і зваліць у Магілёў, каб прасоўваць культуру спажывання віна, гэта твой шанец. Для ўсіх трох пазіцый патрабаванні і ўмовы падобныя. Неабходны вопыт працы на аналагічнай пасадзе ад аднаго года і наяўнасць медыцынскай даведкі. Наўзамен – графік 2/2, поўны сацпакет і карпаратыўныя бонусы.

Лакацыя: Магілёў.

 Кантакты: FB  |  VK  |  Twitter  |  Instagram

Ёсць падазрэнне, што вакансіі ў менскім метрапалітэне незаслужана абдзеленыя ўвагай. Мы капнулі глыбей і знайшлі для цябе прынамсі дзве: маркшэйдара і прыбіральніка памяшканняў. Дарэчы, першы – гэта не ўдзельнік гурта Markscheider Kunst, а спецыяліст па горнай інжынерыі. Каб уладкавацца, патрабуецца вышэйшая чыгуначная адукацыя і навыкі арганізацыі будаўніцтва метро. Для другой неабходнае толькі жаданне і любоў да метро. Заварожваюць прапісаныя памеры заробку: не, яны далёка не астранамічныя, але максімальна дакладныя да апошняй капеечкі: 684,29 рублёў – маркшэйдару і 407,99 рублёў – прыбіральніку памяшканняў. Чэкай і іншыя вакансіі на сайце: як мінімум метро – гэта гучыць рамантычна!

Лакацыя: Менск.

Кантакты: Сайт

У каманду стваральнікаў ровараў AIST жыццёва неабходны спецыяліст, які зможа разбурыць усе стэрэатыпы пра брэнд. Калі ты хочаш ствараць і прасоўваць клёвы прадукт «мэйд ін Беларусь», за які не будзе сорамна на замежных рынках, пэўна, гэтая вакансія для цябе. Важна быць з роварамі на «ты», разбірацца ў інтэрнэт-маркетынгу і рэкламе і нічога не баяцца. Працаваць будзеш з сапраўднымі велагуру.

Асноўныя патрабаванні да менеджара па маркетынгу і рэкламе:

валоданне базавымі навыкамі працы ў Corel Draw, Photoshop;

уменне працаваць з метрыкай Яндэкс і Google Analytics;

базавыя навыкі SMM;

маніторынг рынку велатэхнікі;

арганізацыя ўнутраных і B2B мерапрыемстваў;

планаванне маркетынгавай актыўнасці;

SMM-прасоўванне;

пачуццё гумару.

Лакацыя: Менск.

Кантакты: Міша Малікін