Касетны рывайвл

Сёння, калі амаль што ўся міравая музыка існуе ў акіяне нулёў і адзінак, а колькасць падпісантаў стрымінг-сэрвісаў павялічваецца на некалькі мільёнаў кожны год, людзі пачынаюць успамінаць пра прывабную рэчыўнасць фізічных носьбітаў. Таксама як папяровая кніга ці часопіс, яны за шкірку выцягваюць нас з лічбавай прасторы і засяроджваюць на тым, што тут і цяпер ляжыць у нашых руках. Ты напэўна ўжо сто разоў чуў(-ла) пра вяртанне вінілу, але гэты артыкул не пра яго. Ён пра кампакт-касеты. Не, гэта не трыб’ют, не прыступ тэхнафобіі і не чарговы «хіпстарскі заскок». Для большасці гэта падасца сюрам, але касеты дагэтуль жывуць не толькі ў нашых успамінах. Scroll it!

 

 

 Buzz age 

 

Я нарадзіўся, калі час аўдыякасет ужо прайшоў. Магнітола ў бацькоўскай машыне не працавала, а плэер старэйшай сястры пыліўся на паліцы. Скрыначкі, што хавалі змесціва за папяровымі ўкладышамі, з прадчуваннем адкрываліся, і знутры на мяне глядзелі касеты. Вось я, задаволены, вярчу гэтыя дзіўныя пластмаскі ў руках, а вось звяртаю ўвагу на нешта іншае і паспешна хаваю іх назад па каробачках, блытаючы ўсё ў пух і прах. Вядома, тады я не разумеў, што песціўся з сімвалам цэлай эпохі.

У 1963-м Philips прадставіў першую кампакт-касету, і музычную індустрыю, якая звыклася з паважным стылёвым вінілам, пачало ліхаманіць. Таннасць, партатыўнасць, простасць і большая даўжыня запісу сталі прычынамі поспеху аўдыякасет. DIY-культура квітнела, маркеты былі заваленыя бутлегамі. Гэта сур’ёзна раздражняла мэйджар-лэйблы, якія гублялі немалыя грошы. А непрывабны кусок пластмасы з магнітнай стужкай унутры працягваў дзёрзка і хутка заваёўваць рынак.

 

«“Hotel California” ставілася на “луп” – і вось ты ўжо герой ці гераіня роўд-муві»

 

З 70-х па 80-я адбыўся сапраўдны культурны бум. Касетныя дэкі, бумбоксы, магнітолы і хай-фай плэеры дазволілі слухаць музыку літаральна паўсюль. Фаны Joy Division зачынялі дзверы ў пакой і ў адзіноце слухалі змрочны постпанк. Брэйкдансеры і рэперы не расставаліся са сваімі джэмбоксамі і батліліся, пакуль не садзіліся батарэйкі. А калі ты меў(-ла) машыну і ўзнікала жаданне паехаць куды вочы глядзяць, «Hotel California» ставілася на «луп» – і вось ты ўжо герой ці гераіня роўд-муві. У 79-м на музычным рынку з’явіўся Sony Walkman. Не нашмат большы за саму касету, партатыўны плэер быў марай кожнага. Касеты давалі магчымасць кастамізаваць музыку праз запіс мікстэйпаў. А зручны і танны Walkman стварыў такую сувязь паміж музычным прадуктам і слухачом, якой яшчэ не было. Адначасова музыка стала больш асабістай, а касетная культура дасягнула крытычнай масы і ператварылася ў мэйнстрым. Індустрыя купалася ў грашах, як Скрудж Макдак.

Аж да 2000-х кампакт-касета была адным з двух самых папулярных носьбітаў, спачатку разам з вінілам, а потым і з CD, які пазней выцесніў яе з сусветнага музычнага рынку. Справа ў тым, што касеты ніколі не асацыяваліся з якасным гукам і даўгавечнасцю. На запісе чуліся шумы, плёнка расцягвалася і рвалася, а пластмасавы корпус лёгка ламаўся. Гэта ўсё ж такі быў прадукт, арыентаваны на масавасць і даступнасць. З касетамі атрымалася як з любімай мадэллю кедаў. Ты набываеш іх раз за разам, заношваеш да дзірак і нехаця выкідваеш. І вось надыходзіць момант, калі ты вырашаеш павесіць апошнюю пару на цвік…

 

 

 

 

 Keep on rolling! 

 

Але ж заўсёды ёсць шанец, што калі-небудзь жаданне абуць кеды ўзнікне зноў. Трэба адразу сказаць: касеты ніколі не паміралі. Калі CD быў каранаваны, касеты сотнямі тысяч выкідвалі як смецце, а абсталяванне для вырабу і запісу распрадавалася за капейкі. Гэтым і скарысталіся лакальныя андэграўндныя лэйблы, якія не маглі дазволіць сабе выпускаць дыскі. У іх становішчы перабіраць не прыходзілася, таму яны сканцэнтраваліся на музыцы, якая адпавядала касетнаму фармату. Груба кажучы, гэта былі бэнды, якія шанавалі бруднаваты гук і не мелі грошай. І ўсё ж такі практычнасць, як і раней, суседнічала з упартым рамантызмам. Дзякуючы гэтаму ў 2013-м адбыўся першы Cassette Store Day – штогадовы фэст, удзельнікі якога займаюцца рэлізамі і прамоўшнам касет. У рамках CSD выдаваліся Green Day, Muse, Pixies ды шмат хто яшчэ.

 

«З касетамі атрымалася як з любімай мадэллю кедаў. Ты набываеш іх раз за разам, заношваеш да дзірак і нехаця выкідваеш»

 

Убачыўшы трэнд, варацілы бізнэсу хутка зарыентаваліся. Адной з першых пісьменны маркетынгавы ход у 2014-м зрабіла Marvel Studios. Калі ты глядзеў(-ла) першую частку «Стражаў галактыкі», то, хутчэй за ўсё, памятаеш, як у першай сцэне Зорны Лорд танчыць пад олдскульны мікстэйп з серабрыста-сінім Walkman-ам на поясе. Саўндтрэк пад назвай «Guardians Of The Galaxy Awesome Mix Vol.1» выйшаў на лэйбле Hollywood Records і дасягнуў першага месца ў чарце US Billboard 200. За апошнія некалькі год свае касеты выпусцілі розныя артысты: ад Эмінема і Twenty One Pilots да Бібера і Ланы дэль Рэй. Большасць жадае проста пахайпіць, але нават яны прыносяць легендарнаму фармату карысць: ён становіцца «афіцыйна крутым».

 

 

Касетны рывайвл дабраўся і да Беларусі. Нестарэючы фармат прасоўвае менскі музычны лэйбл FYM Family. Наконт таго, чым яго вабяць касеты, заснавальнік тусоўкі і лідар гурта Fyodorovitch Улад Скнарын гаворыць: «Я атрымліваю асалоду ад фізічнага носьбіта, ад дакранання да таго, што я слухаю. Дыскі я ўвогуле ніяк не ўспрымаю, а вініл для мяне занадта дарагі, таму касеты – лепшы варыянт. Трэба пастарацца, каб знайсці якасныя экзэмпляры, ды і над запісам даводзіцца папрацаваць, але фінальны прадукт мне падабаецца. Безумоўна, гэта яшчэ і належнасць да пэўнай культуры».

 

«Дыскі я ўвогуле ніяк не ўспрымаю, а вініл для мяне занадта дарагі, таму касеты – лепшы варыянт»

 

Аднымі з апошніх касетных рэлізаў у Беларусі зрабілі Weed & Dolphins. Іх альбом «Islandkid Cassette» быў уключаны сайтам Experty.by у топ-10 першага паўгоддзя 2017-га. Антон (вакаліст): «Шчыра кажучы, мы не гналіся за нейкім трэндам. На рашэнне запісаць касету паўплывала некалькі фактараў. Музыка на гэтым альбоме атрымалася «залаўфаеная», ды і назва адпавядае. А яшчэ для туру, у які мы нядаўна ганялі, патрэбны быў недарагі мерч. Але ж асабіста мне нашмат больш падабаецца, як мы гучым у mp3». Арцём (басіст) працягвае: «Мне здаецца, у гэтым рывайвле няма нічога надзвычайнага. Проста мода цыклічная, мабыць, калі-небудзь і дыскі зноў стануць папулярнымі, чаму не? Увогуле ўспаміны аб нечым крутым з мінулага – гэта ж а*уенна!»

Каверза ў тым, што людзям уласціва забываць. Нават самае лепшае: твары сяброў, змест любімых кніг, вясёлыя падарожжы. Але тут у нас ёсць памочнік: рэчы. Тыя, да якіх можна дакрануцца і якія мы беражліва ахоўваем. Яны каштоўныя не самі па сабе, а таму што з імі звязаныя нашы ўспаміны. Сярод іх ёсць і тыя, што шануюцца цэлымі пакаленнямі. Культавая гэта рэч ці асабістая – няважна, чалавек усё адно баіцца яе згубіць. Таму што ў той момант, калі яна губляецца, гіне частачка яго самога. Трэба ўсё ж такі неяк адшукаць той старэнькі плэер і паслухаць якую-небудзь касету, усё роўна якую. А калі запіс скончыцца, адматаць і зноў нажаць на «плэй». А потым пакласці яе не ў тую скрыначку.

 

 

Паглядзі яшчэ наш  фотарэпорт  з фестывалю олдскульных японскіх магнітол Old Audio Fest, які прайшоў месяц таму ў Менску.

 

Фота - Таня Капітонава

КАМЕНТАРЫ (3)

алекс
алекс | 9.01.2018 16:43

за кассетный ревайвл в этой стране ответственен кирилл из проекта kript

0 0
34mag.net | 9.01.2018 22:33

Дзякуй за наводку

0 0
Alex
Alex | 18.08.2018 16:03

А можно подробнее?!
Где в Минске найти и приобрести кассеты с записями?)

0 0
12 главных песен января

12 главных песен января

Преображение фронтмена «Без Билета», беларусский поп, новый Корж – и не только.

7 полезных телеграм-каналов для музыкантов

7 полезных телеграм-каналов для музыкантов

Подпишись, чтобы сделать свою карьеру чуть проще.

Привет со дна. Как я сходил на «Песню года – 2020»

Привет со дна. Как я сходил на «Песню года – 2020»

Экспедиция в загробный мир прошла успешно.

Free Love. У Бакея вышел клип «Наслаждение»

Free Love. У Бакея вышел клип «Наслаждение»

Поговорили с участниками и создателем клипа о любви, свободе и проблеме гомофобии.

Навагоднія міксы 2020

Навагоднія міксы 2020

Дзевяць музычных кактэйляў, адмыслова замешаных для 34mag сябрамі ды рэзідэнтамі Radio Plato.

15 лучших беларусских альбомов 2019 года

15 лучших беларусских альбомов 2019 года

И лучшим альбомом-2019 по версии «Першака» становится...

Dee Tree и минский госпел-хор дарят тебе новогоднее настроение

Dee Tree и минский госпел-хор дарят тебе новогоднее настроение

Фанк, госпел, Новый год!

Таймлайн беларусской музыки: 2010–2019

Таймлайн беларусской музыки: 2010–2019

Вместе с JagerVibes подводим итоги десятилетия в беларусской музыке.

30 мыслей о беларусской музыкальной сцене в 2019 году

30 мыслей о беларусской музыкальной сцене в 2019 году

Главные герои, события и музыкальные сюрпризы – мы вспомнили все.