Вакансіі: vol.4

Традыцыйная рубрыка эпізадычных панядзелкаў, якая нясе вецер пераменаў і свежасць новага досведу. Папярэднія серыі працоўнага серыяла тут – one, two, three. Пачэкай – мо там усё яшчэ шукаюць цябе? А мы едзем далей.

 

 

 

Маладыя прафесіяналы. Сакратарыят ААН

 

Сакратарыят ААН штогод праводзіць набор талковых спецыялістаў ва ўзросце да 32 гадоў для ўдзелу ў праграме маладых прафесіяналаў Арганізацыі Аб’яднаных Нацый. Спіс краін, грамадзяне якіх могуць удзельнічаць, мяняецца штогод, і ў 2016-м аплікантамі могуць выступаць грамадзяне Беларусі. Цяпер шукаюць бакалаўраў для работы ў сферы эканомікі і ўстойлівага развіцця, а таксама ў галіне інфармацыі і тэлекамунікацыйных тэхналогій. Дэдлайн падачы CV – 19 ліпеня. Ляці на свет!

 

Асноўныя патрабаванні да маладых прафесіяналаў:

вышэйшая адукацыя;

спецыяльнасць у дыпломе павінна адпавядаць іспыту, які збіраецца праходзіць кандыдат;

свабоднае валоданне ангельскай або французскай мовай;

узрост да 32 гадоў.

 

Лакацыя: Адыс-Абеба / Бангкок / Жэнева / Найробі / Нью-Ёрк / Санцьяга / Вена / Бейрут / Іншая.

 Кантакты: Сайт

 

 

 

Маладыя прафесіяналы. Сусветны банк

 

Сусветны банк таксама шукае маладых і бадзёрых, таленавітых і адукаваных спецыялістаў у галіне эканомікі, фінансаў, адукацыі, аховы здароўя, грамадскіх навук, інжынерынгу, гарадскога планавання, сельскай гаспадаркі, прыродных рэсурсаў і г.д. Дэдлайн падачы CV – 27 ліпеня.

 

Асноўныя патрабаванні да маладых прафесіяналаў:

грамадзянства краіны-сябра Сусветнага банка (Беларусь уваходзіць у ліст);

узрост да 32 гадоў;

доктарская або магістарская ступень, працоўны досвед (мінімум 3 гады);

вольнае валоданне ангельскай мовай;

пажадана валоданне адной з працоўных моваў Сусветнага банка: рускай, арабскай, кітайскай, французскай, партугальскай ці іспанскай;

спецыялізацыя ў галіне эканомікі, фінансаў, адукацыі, аховы здароўя, грамадскіх навук, інжынерынгу, гарадскога планавання, сельскай гаспадаркі, прыродных рэсурсаў, камунікацый, інфармацыйных тэхналогій, кадраў, карпаратыўных фінансаў.

 

Лакацыя: Сусвет.

Кантакты: Сайт | FB | Twitter | LinkedIn

 

 

 

Сацыяльны работнік. Клуб дзелавых жанчын

 

Грамадскае аб'яднанне «Клуб дзелавых жанчын» у Берасці прапануе вакансію сацыяльнага работніка. Спецыяліст мусіць аказваць сацыяльнае суправаджэнне жанчынам, якія трапілі ў складаную жыццёвую сітуацыю. Трэба працаваць па 20 гадзін на тыдзень з ліпеня па снежань 2016 года. Дэдлайн па прыёме рэзюмэ – 15 ліпеня. Ад сябе дадамо, што вельмі ганарымся наяўнасцю такой НДА.

 

Асноўныя патрабаванні да сацыяльнага работніка:

вышэйшая адукацыя ў галіне педагогікі, псіхалогіі, грамадскіх навук;

досвед працы ў сацыяльнай сферы ці НДА на працягу 3-х год;

веданне беларускага заканадаўства ў пытаннях аказання дапамогі дзяржструктурамі;

досвед працы з жанчынамі, якія апынуліся ў цяжкай жыццёвай сітуацыі (беспрацоўе, пацярпелыя ад дамашняга ці сэксуальнага гвалту, інш.).

Лакацыя: Берасце.

Кантакты: Сайт | FB | Пошта bpwbrest@mail.ru

 

 

 

Намеснік галоўнага інжынера, бармэн-касір, аператар АГЗС. А-100

 

«А-100» – самая буйная беларуская прыватная сетка АЗС. Супрацоўнікі праходзяць навучанне ў Бізнэс-школе ІПМ, Бізнэс-школе IBA, наведваюць канферэнцыі. Таксама ладзяцца семінары і ў самой кампаніі: па стандартах абслугоўвання, тэхнічным аснашчэнні аўтазаправачнай станцыі ды іншыя.

 

Асноўныя патрабаванні да намесніка галоўнага інжынера:

нагляд за эксплуатацыяй сасудаў, якія працуюць пад ціскам;

метралагічнае забеспячэнне (паверка сродкаў вымярэння механічным спосабам);

адказнасць за прамысловую бяспеку.

 

Асноўныя патрабаванні да бармэна-касіра:

падрыхтоўка гарачых і халодных напояў;

абслугоўванне гасцей у адпаведнасці са стандартамі Кампаніі;

 добразычлівасць.

 

Асноўныя патрабаванні да аператара АГЗС:

сярэдняя спецыяльная або вышэйшая адукацыя; вопыт работы па прафесіі «Аператар АГЗС 5р.»; наяўнасць пасведчання аб праходжанні курсаў у «УЦ БелТЮФ» па прафесіі «Аператар АГЗС 5 р.»;

тэхнічная пісьменнасць, прыстойнасць, адказнасць, уважлівасць, камунікабельнасць.

 

Лакацыя: Менск.

Кантакты: Сайт  |  FB

 

 

 

Спецыяліст па продажы, менеджар-стажор. British American Tobacco

 

British American Tobacco – зайздроснае месца для працы: тут табе і пастаяннае навучанне, і рэгулярныя камандзіроўкі, і сацыяльная адказнасць, і міжнародны калектыў. Калі ты не сумняешся ў сваёй кампетэнтнасці і няроўна дыхаеш да атмасферы серыяла Mad men, мацуйся.

 

Асноўныя патрабаванні да спецыяліста па продажы:

вышэйшая адукацыя;

веданне ангельскай мовы на ўзроўні Elementary і вышэй;

наяўнасць пасведчання кіроўцы катэгорыі «В» (стаж ад 2-х гадоў);

рэалізацыя індывідуальных аператыўных планаў продажаў і мэтаў гандлёвага маркетынгу;

досвед працы ў FMCG кампаніі.


Лакацыя: Мар’іна Горка / Ліда / Барысаў / Смаргонь.

 

Асноўныя патрабаванні да менеджара-стажора:

навучанне на апошнім курсе ўніверсітэта або наяўнасць вышэйшай адукацыі;

свабоднае валоданне ангельскай і рускай мовамі;

упэўненае карыстанне камп’ютарам;

магчымасць ездзіць у камандзіроўкі.

 

 Лакацыя: Менск.

Кантакты: Сайт

 

 

 

Распрацоўшчык ПА для мабільных платформаў, .Net developer, вэб-распрацоўшчык. IBA Gomel

 

IBA-Гомель – гэта кампанія з больш чым 200 спецыялістамі, якая прадстаўляе беларускую індустрыю праграмнага забеспячэння на сусветным рынку. IBA-Гомель уваходзіць у склад альянсу IBA Group. У кампаніі стажыруюцца і праходзяць практыку студэнты мясцовых ВНУ, якія ў далейшым становяцца паўнавартаснымі супрацоўнікамі. Зараз адкрыта мноства вакансій – поўны спіс тут.

 

Асноўныя патрабаванні да распрацоўшчыка ПА для мабільных платформаў (Android / iOS / Windows mobile):

вышэйшая або няскончаная вышэйшая адукацыя;

вопыт работы ад 1 года;

узровень валодання ангельскай мовай не ніжэй за Intermediate;

вопыт распрацоўкі пад платформу Android / iOS / Windows phone (удзел у рэальных праектах);

вопыт распрацоўкі на Java / Objective-C / Swift / C #;

веданне HTML5, CSS3, JavaScript.

 

Асноўныя патрабаванні да .Net developer:

вышэйшая адукацыя;

вопыт работы ад 1 года;

узровень валодання ангельскай мовай не ніжэй за Intermediate;

практычнае веданне .NET, C #, Visual Basic, ASP.NET MVC, MS SQL Server, Entity Framework, LINQ, CSS, JavaScript, HTML 4/5.

 

Асноўныя патрабаванні да вэб-распрацоўшчыка:

вышэйшая адукацыя;

вопыт работы ад 1 года;

узровень валодання ангельскай мовай не ніжэй за Intermediate;

 веданне HTML 5, JavaScript, PHP, CSS 3 і CSS-прэпрацэсара (LESS, SASS);

веданне папулярных CSS фрэймворкаў для стварэння web-прыладаў (Bootstrap, Foundation);

веданне аднаго або некалькіх сучасных JavaScript фрэймворкаў для front-end распрацоўкі (JQuery, Angular JS, React JS і г.д.).

 

Лакацыя: Гомель.

Кантакты: Сайт  |  Пошта resume@gomel.iba.by

 

 

 

Спецыяліст па працы з кліентамі. velcom

 

Няма сэнсу тлумачыць, хто такі velcom і колькі радасці ён прыносіць людзям. Зараз мабільны аператар гатовы прыняць да сябе некалькіх спецыялістаў на пастаянную працу і студэнтаў на летнюю практыку.

 

Асноўныя патрабаванні да спецыяліста па працы з кліентамі:

вышэйшая адукацыя;

вітаецца валоданне ангельскай / нямецкай мовай;

падключэнне новых абанентаў, заключэнне дамоваў;

продаж тэлефонных апаратаў і абсталявання;

кансультацыі і абслугоўванне кліентаў.

 

Лакацыя: Менск.

Кантакты: Сайт  |  FB  |  VK  |  Twitter  |  Пошта CV@velcom.by

 

 

 

Event coordinator. Minsk Marriott Hotel

 

Буйная міжнародная сетка гатэляў прыадчыняе дзверы ў вялікі свет для спецыяліста па арганізацыі дзелавых мерапрыемстваў. Праца таксама ўключае ў сябе супрацоўніцтва з іншымі дэпартаментамі, так што руціны не прадбачыцца.

 

Асноўныя патрабаванні да event coordinator:

беглая ангельская і руская (веданне іншых моваў вельмі вітаецца);

вопыт працы ад 1 да 3 гадоў у сферы рэстараннай справы;

цудоўныя арганізатарскія і камунікатыўныя здольнасці.

 

Лакацыя: Менск.

Кантакты: Сайт

 

 

 


Нішцяк

Бонус для самых руплівых чытачоў! У чацвёртым выпуску «Вакансій» мы раскажам табе пра мерапрыемства, дзе ты зможаш не толькі навучыцца чамусьці новаму і пашырыць прафесійны кругагляд, але і наладзіць кантакты з магчымымі працадаўцамі.

 

Фестываль Coding Fest
 

Бясплатны адукацыйны фэст, дзе замест дыджэяў – геніі праграмавання, замест танцпляца – клавіятура і экраны манітораў, замест алкагольнага чаду – мазгавыя штурмы. Удзельнікі змогуць пратэставаць свае камп’ютарныя навыкі любых лэвелаў і стварыць свае першыя IT-прадукты.

 

Дата: 20 жніўня 2016 г.

Лакацыя: Менск.

 

 

 

Калі ты ведаеш пра цікавую вакансію, пішы нам на 34editors@gmail.com