«Ў» абвяшчае конкурс для мастакоў

Пад недыскрымінацыяй тут разумеецца «роўны, адкрыты падыход да ўсіх людзей, незалежна ад іх расавай, палавой, узроставай, сацыяльнай, фізічнай, ментальнай і іншых ідэнтычнасцей».

Свае задумы па тэме пажадана прадстаўляць у выглядзе фотак, відэа-арту, саўнд-арту, інсталяцыі, перформансу ці аб’екта публічнай прасторы. Усё гэта трэба неяк упісаць у лакейшаны вуліцы Кастрычніцкай. Сэнс у тым, каб гэтая вялікая вуліца і «ўсе яе энергетычныя кропкі» сталі open-minded прыкладам для ўсяго горада-героя.

 Ад мастакоў чакаюць: 

  кароткае CV, спасылку на сайт/партфоліа;

  апісанне ідэі працы/праекта (не больш за старонку тэксту);

  эскіз працы з указаннем тэхнікі выканання;

  бюджэт на рэалізацыю (прыблізна).

Заяўкі прымаюцца на электронную скрыню info@ygallery.by з паметкай «Кастрычніцкая: усё ўключана, усе ўключаны!». Дэдлайн – 26 чэрвеня.

Імёны пяці пераможцаў агучаць 28 чэрвеня. Аўтары атрымаюць ганарар і бюджэт на рэалізацыю сваіх праектаў.

Чакаецца, што ўся недыскрымінацыйная прыгажосць з’явіцца на Кастрычніцкай ужо ў ліпені 2019-га. Галерэя сучаснага мастацтва «Ў» таксама зладзіць адпаведную выставу з 9 ліпеня па 28 жніўня.