Відэа-нявідэа: галоўныя кліпы лета

Узгадалі, што мы трэндсэтары і культуртрэгеры, і падрыхтавалі падборку самага смачнага музычнага відэа, што выйшла на экраны гэтым летам. Хай твае вочкі адпачнуць ад таблічак эксэля! Увага: кліпы апублікаваны ў храналагічнай паслядоўнасці.

 

 

Jamie XX – Gosh

 

 

У самы першы летні дзень наш любімы Рамэн Гаўрас грымнуў эпічным відэа для Jamie XX. Хоць трэк выйшаў яшчэ ў красавіку 2015-га, слухаць яго можна і праз год, і праз два. (Для даведкі: сам Джэймі, апроч іншага, уваходзіць у топ-100 дыджэяў па версіі Residentadvisor). Як гэта прынята ў французскага рэжысёра – усё зроблена сваімі сіламі, у кліпе няма ніякай камп'ютарнай графікі ці 3D-эфектаў. А здавалася б! 400 хлопцаў, некалькі альбіносаў і сапраўдны кітайскі горад з копіяй Эйфелевай вежы. Прэзентацыя кліпа адбылася наўпрост у Apple Music, а зараз яе чамусьці адтуль выпілавалі. Відос знайшоўся тут.

 

 

 

 

Луна – Расстояние

 

 

Узыходзячая поп-дзіва з Кіева прэзентавала млявы і плаўна-танцавальны кліп. Няма звыклай для спявачкі VHS-най эстэтыкі 90-х, але ёсць бліскаўкі і ландышы.

 

 

 

Folkpro Musique – Так и живем

 

 

Чым жыла Масква летам 2016-га, распавядае джангл-эмси Folkpro Musique. Хіт!

 

 

 

 

Aphex Twin – CIRKLON3

 

 

Гэтым летам Aphex Twin выпусціў першы кліп за 17 гадоў! 12-гадовага ірландскага школьніка Раяна Ваера і яго непапулярны влог нагнаў казачны поспех, калі сам Aphex Twin, запрыкмеціўшы яго на YouTube, папрасіў зняць і спрадзюсаваць кліп, як той умее гэта рабіць. Вынік – больш за мільён праглядаў!

 

 

 

Death Grips – Eh

 

 

Эксперыментальны кліп ад Death Grips выйшаў у сярэдзіне ліпеня і не атрымаў асаблівай папулярнасці, але аматары глітчу яго зацэняць. Калі змогуць даглядзець да канца. Спойлер: там ёсць сэкс. Быццам бы.

 

 

 

 

Tommy Cash – WINALOTO

 

 

У сярэдзіне ліпеня прагрукатаў рэп-суперстар фром Эстонія Томі Кэш. Кліп, які, дарэчы, зрэжысараваў сам Томі, набраў ужо больш за 1,5 млн. праглядаў. У відосе WINALOTO выкарыстанне аголенасці цела і іншая сэксуальная аб'ектывацыя, якой так перасычаныя тыповыя рэперскія кліпы, даведзена да абсурду. За тое мы і любім гэтага крэйзі мэна.

 

 

 

Massive Attack, Ghostpoet – Come Near Me

 

 

Напрыканцы ліпеня Massive Attack выпускае атмасферны кліп пра нездаровыя адносіны. Гэты трыпхоп-дуэт з Брысталя сёлета ў прынцыпе не пакідае стужкі навінаў. То апантаны мастэрпіс, зроблены сумесна з Young Fathers – Voodoo In My Blood (які ў пэўнай ступені нават стаў трэндсэтарам, дастаткова ўспомніць апошнюю рэкламу Kenzo). А потым з'явіўся і загадкавы ўкід, што ўдзельнік Massive Attack Дэль Ная і ёсць Бэнксі.

 

 

 

 

Wild Beasts – Big Cat

 

 

Кінематаграфічны кліп на лепшую песню з альбома брытанцаў Wild Beasts. Дарэчы, калі ты яшчэ не слуха_ла ўвесь альбом, то нават не пачынай глядзець кліп. Гэта ўсяго адна цукерка з усёй скрынкі! Хутчэй шукай і пампуй альбом у плэер цалкам.

 

 

DJ Shadow ft. Run The Jewels – Nobody Speak

 

 

Тлустая кропка ў падборцы кліпаў лета-2016. Рэп-дуэт Run the Jewels і DJ Shadow стрэлілі з шыкоўным відэа пра сусветную палітыку. Да стварэння шэдэўра прыклаў руку ўкраінскі прадакшн Radioaktivefilm, а сам відос, кажуць, здымалі ва Украінскім доме, што месціцца ў цэнтры Кіева.

 

 

 

 

TULIPS ft. Gill Bates – Tigerilla

 

 

Ну, і бонус-трэк, каб не сумаваць! Аўстралійскі свяжак актуальны да пачатку навучальнага года.

 

Руку на пульсе музычнай відэаіндустрыі трымала Sheeborshee

 


КАМЕНТАРЫ (5)

Раман
Раман | 2016-10-13 21:10:09

Видео с пометкой "не для всех"
DJ Shadow ft. Run The Jewels – Nobody Speak класс!
Tommy Cash – WINALOTO - еще лучше, "мясной" немного))

Пескоструйка
Пескоструйка | 2016-09-07 00:42:50

Плюсую за Wild Beasts и Tigerilla

Патимейкер
Патимейкер | 2016-09-07 00:04:37

Што гэта за дзярмо???? Дзе пацімэйкер?
Гамон!

скенк
скенк | 2016-09-08 13:43:00

патимэйкер на онлайнере смотри ;)

траблмейкер
траблмейкер | 2016-09-07 12:37:31

И хорошо, что его нет.

КАМЕНТАВАЦЬ