34mag

Відэа-нявідэа: DIY

Рубрыка: ВІДЭА-НЯВІДЭА
14.10.2016
Аўтар: 34mag
9479

Сёння мы раскажам, што рабіць, калі хочацца кліп, сто рублёў няма, а сябры яшчэ засталіся. Каб стварыць запамінальнае атмасфернае відэа, не абавязкова мець паўнавартасную прадакшн-каманду. У асаблівых выпадках не абавязкова мець нават камеру. Як? Глядзі!

Powell – Jonny (ft. Jonny)

Што спатрэбіцца для здымак? Некалькі кавуноў, хэндзікам і дзясятак адсаджаных сяброў з моцнымі лбамі. А калі ў вас досыць фанатаў, як у Powell, то яны самі ўсё зробяць.
Не спрабуй паўтарыць убачанае. Або спрабуй.

Hierophante – Cliches

Тут акрамя акаўнта ў інстаграме табе наогул нічога не спатрэбіцца. Аматары базавых хэштэгаў тыпу #selfie ўвесь кантэнт ужо стварылі. Іранічнае відэа хочацца развіваць і развіваць далей. А сам аўтар скардзіцца, што яго папракнулі ў клішаванай схеме стварэння відэа пра клішэ.

The Shoes – Drifted

А гэты наогул наш любімы. Дастаткова перасоўваць гіфкі па дэкстопе, каб расказаць гісторыю кахання, няўдач і нават сусветнага смутку. The Shoes – геніі камбінаторыкі.

Stromae – Formidable

Для стварэння бюджэтнага відэа заўсёды пасуе любы вулічны перформанс, як, напрыклад, разгульванне па горадзе ў нецвярозым стане. Вось толькі 155 млн праглядаў у цябе набярэцца, калі ў кадры Stromae. Ці 5 мільёнаў, калі зафрыстайліш у электрычцы, як Noize MC.

M.I.A. & The Partysquad – Double Bubble Trouble

Можна зайсці і з другога боку. Збіраем усе трэнды 2014 года: 3D-прынтар, фотаапарат са стэрэаэфектам, дроны, вэйперы – дыслакуемся ў спальным раёне, здымаем тусоўку і ў постпрадакшне разбаўляем гета-пейзажы web-punk эстэтыкай. Гіпатэтычна мы можам паўтарыць такі ход і ў Менску, але, вядома, не будзем. Таму што спазніліся на 2 гады.

Tesla Boy – Fantasy

Калі твой бойфрэнд ці твая гёрлфрэнд умеюць сэксапільна рухацца перад камерай, звані ім у скайпе і здымай на вэбку, як яны здымаюць адзенне. Недарэмна Антон Сявідаў з Tesla Boy і мадэль Даша Малыгіна сустракаліся – ад такога кліпа кроў кіпнем апарвае.

The Black Keys – Lonely Boy

Паводле легенды, нібыта пасля няўдалых здымак і кастынгу сарака чалавек цемнаскуры чувак сам патрапіў у поле зроку рэжысёра. «Станцуеш?» – спытаў яго рэжысёр. «Станцую, як ніхто іншы!» І панеслася. А вось Том Ёрк і сам не супраць станцаваць.

ЛУНА – Осень

Ідэйка кліпа для мілых мам. Усё роўна трэба чымсьці заняцца, пакуль тваё дзіця коўзаецца з горкі. Глядзі, напрыклад, як гэта зрабіла ўкраінская спявачка «Луна» ў звычайным кіеўскім двары.

Антоха МС – Время Ток

Цукерка! Майстар DIY-відэа Антоха МС зняў новы кліп. Лаві свяжак і самога Антоху хутка ў Менску! Знойдзеш у афішы.

Кліпы, якія абяззбройваюць сваёй простасцю, шукала Sheeborshee.

ПАДЗЯЛІЦЦА:
9479

Чытаць яшчэ:

Монстры Насарогава

8223

Монстры Насарогава

Жанчына, монстры, злыя цыгарэты – Насарогаў і doctape media прэзентуюць на 34mag кліп з 10-гадовай гісторыяй.

Зацьміць сістэму

7087

Зацьміць сістэму

Прэзентуем другое відэа і сінгл менскай каманды The Glitchhh – выбуховай калабарацыі музыкаў з берасцейскім андэрдогам Воўкам Плюмбумам.

Відэа-нявідэа: анімацыя

9350

Відэа-нявідэа: анімацыя

Што яшчэ, акрамя Gorillaz? Збіраем спіс кліпаў з анімацыяй, якія страсянуць твой папярэдні візуальны экспірыенс.

Faik No More

8940

Faik No More

Прэм’ера мультыкультурнага гімна ўсім фэйкавым брэндам ад ізраільскіх хардстайл-фрыкаў Orgonite. Глядзі на сваім новенькім iPhonne.

КАМЕНТАРЫ (2)

Mikita Naydzenau | 17.10.2016 10:03

А чаму няма беларускіх кліпаў? Мы, напрыклад, на гэты кліп youtube.com/watch?v=hwfaWdOnRjY не патрацілі ні цэнта. Проста так супала: песня пра Амерыку і дзяўчынка, якая наздымала ў ЗША процьму відэа.

2 1 +1