Real plastic love

  Улад Скнарын, саліст гурта:

– Кліп не зусім у духу Fyodorovitch., але заўжды цікава спрабаваць нешта новае. Я напісаў знаёмым рэжысёрам з прапановай зняць музычнае відэа, калі выйшаў апошні альбом, – адгукнуўся Алег Рудзін, які і выбраў песню «Пить за любовь». Галоўную ролю ў кліпе сыграў наш басіст Аляксей Кільчэўскі.

  Алег Рудзін, рэжысёр кліпа:

– Гэтым летам да смеццевых бакаў ля майго дома нехта прынёс жаночы манекен. Ён праляжаў там некалькі тыдняў, пакуль адной ноччу наўпрост на маіх вачах пластыкавую прыгажуню не выкралі. З цікаўнасці я вырашыў прасачыць за злодзеем, ішоў за незнаёмцам да яго прытулку ў гаражным масіве і падглядзеў у замочную шчыліну. Тое, што я ўбачыў там, так мяне ўразіла, што я захацеў пра гэта каму-небудзь неадкладна расказаць. Так нарадзіўся кліп.

Раней яна, напэўна, стаяла ў адным з буцікаў, міма якога пастаянна шпацыраваў наш герой. Аднойчы, у чарговы раз праходзячы міма, ён адчуў на сабе яе позірк, спыніўся, паглядзеў на яе праз шкло і зразумеў, што закахаўся. З тых часоў ён думаў толькі пра яе. Доўга не мог вырашыць падысці і загаварыць, але, калі адважыўся, было ўжо позна: яе аднеслі да смеццевых бакаў ля майго дома. Ён змарнаваў некалькі тыдняў на пошукі сваёй каханай, а далей вы ведаеце.