У Варшаве пачынаецца «Варушняк»

У праграме заяўленыя:

  18 гадзін музыкі нон-стоп;

 дзіцячая зона, дзе можна будзе павучыцца спевам і рабіць розныя штукі рукамі;

 цікавосткі ад беларускіх ініцыятыў;

 кірмаш і фудкорт;

​​​​​​​  спевы і танцы ля вогнішча.

Музыкай загадваюць любімыя Shuma, Campdershein (тэхна-паці «Ззянне»), Belarus Outside Sound System, Karma, студыя гуказапісу Shoom. За пультамі начуюць не толькі дыджыкі з Беларусі, але таксама з Бельгіі, Польшчы і Украіны. 

На пляцоўцы Hutarka распавядуць пра культ Сонца ў беларусаў старажытнасці і пра топ-10 пытанняў беларусаў у Польшчы, пройдзе купальскі квіз і адкрыты ўрок польскага слэнгу.

На фудкорце будуць веганскія хот-догі Karma Crew, мясныя – BackDoorBar, сушы-сэндвічы онігірадзу Wabi Sabi, блінцы Razem, сангрыя, гарбата, ліманады. На кірмашы з’явіцца шанец павырабляць нейкія керамічныя штукі і набыць посуд, узяцца за сваю першую самаробную вышыванку, учапіць штось цікавае на вінтажным сэкандзе, набыць рэсайклінг-адзенне, карціны і аўтарскія ўпрыгожанні.

Купалле – першы івэнт «Варушняку», суполкі культурных дзеячаў беларускай дыяспары ў Варшаве. Чакаецца, што далей будзе больш сустрэч і нагод для тых сустрэч. Да «Варушняку» могуць далучацца артысты, мастакі, дызайнеры, прамоўтары, піяршчыкі ды іншыя, хто пакутуе без свайго варушняку ў экзылі. «Разам мы здольныя развіваць сваю культуру і сваю этнічную ідэнтычнасць. Паасобку здзейсніць гэта цяжка», – кажуць стваральнікі суполкі. Яе ўдзельнікі і ўдзельніцы намагаюцца агульнымі сіламі ствараць беларускую культуру, працягваць шлях і ратаваць перарваныя традыцыі.

 Калі:  з 15:00 1 ліпеня да 09:00 2 ліпеня

 Дзе:  Rejs Club, Piotra Bardowskiego 2A

 Колькі:  данаты ад 20 злотых (на патрэбы рэпрэсаваных музыкаў)

  Івэнт у фэйсбуку