Tok Rukoo: новы кліп

 

Tok Rukoo – менскі гурт, які час ад часу збіраецца разам і грае лёгкі індзі-рок. Калі фанаты ўжо знаходзяцца на мяжы забыцця бэнда, Tok Rukoo выстрэльвае свежымі чэпкімі песнямі. Праз чатыры гады пасля апошняга канцэрта хлопцы прэзентуюць на 34mag свой новы кліп.

 

Некалькі фактаў перад праглядам:
 
Кліпы на песнi Big Lies i The Waves шматразова паказвалі ў метро.
Басіст Ігар Латушка таксама з’яўляецца заснавальнікам The Glitchhh.
Вакаліст гурта Вадзім Хейфец граў у фільме Крыса Нонга «Здымаць на паражэнне».

 

 

 

 

  Ян Карпаў, рэжысёр кліпа:

Я паставіў перад сабой дзве задачы. Атрымаць задавальненне ад здымак кліпа і не здымаць нічога спецыяльна пастановачнага, выдуманага. Выдатная гераіня стварыла пачуццёвую атмасферу, музыкі выканалі песню. Задачы вырашаны.


  Мікалай Амелішко, гітарыст гурта:

Песню Like Never Before мы напісалі вельмі натуральным шляхам. Нехта прынёс рыф на рэпетыцыю, усе падыгралi. Яшчэ пару рэпетыцый, каб аформіць структуру, – і гатова. Не было ніякіх пакут, сумневаў і перапрадзюсавання.


  Вадзім Хейфец, фронтмэн гурта:

Like Never Before была абраная не выпадкова. Гэта песня, якая адкрывае будучую EP Time. Таму кліп было вырашана здымаць менавіта на яе. У нас наогул да ўсіх нашых нешматлікіх запісаных кампазіцый ёсць «візуальныя спадарожнікі», і, спадзяюся, на новым відэа мы таксама не спынімся. Нягледзячы на асабіста маё нястомнае жаданне ўкласці сэнс у кожны кадр, на шчасце, у рэжысёра Яна Карпава быў іншы погляд на ўсю гэтую гісторыю. Ён прапанаваў і нам, і галоўнай гераіні «проста існаваць», ніяк не граючы. У выніку мы вельмі задаволеныя тым, што атрымалася. Што тычыцца Tok Rukoo – так, мы і сапраўды вяртаемся, як бы гэта іранічна ні гучала.

 

 

 

 

Tok Rukoo ў сеціве:

Сайт    Facebook   VK   Youtube    Instagram    Soundcloud   Twitter

 

 

 

 

Фота by Кацярына Арціменя

 


КАМЕНТАРЫ (2)

Артем
Артем | 17.03.2017 10:03

Соглашусь с предыдущим комментатором, на русском было бы лучше. Не в обиду, но английский у вас не очень приятный :(

8 7 +1
Ihar Redin | 16.03.2017 20:27

Почему бы не петь на русском, Вадя? Это было бы прекрасно! Понравилось сведение, аранжировка тоже гуд.

5 2 +3