Shuma запрашае на анлайн-медытацыю

Арганізатары бязмежнага івэнта хочуць падтрымаць усіх, хто напалоханы(-ая), стаміўся(-лася) і адчувае недахоп рэсурсу на мірны пратэст. Падчас сеанса ты сфакусуешся на станоўчых эмоцыях: любові, падтрымцы, спагадзе – а потым зможаш накіраваць плюс-энергію туды, дзе яна спатрэбіцца найперш.

Руся кажа, што яе голас дапаможа зняць заціскі, старажытныя беларускія песні зарадзяць цябе сілай каранёў, бінауральныя рытмы і гукі прыроды наладзяць на добрае, а беражлівая электроніка звяжа аўдыяаповед. Мова медытацыі – англійская, але наўрад ці яе няведанне стане перашкодай для рэлаксу.

Медытацыя адбудзецца ў суботу, 24 кастрычніка, у 20:00 па менскім часе.