Кожны дзень мы спажываем візуальную інфармацыю ў горадзе і анлайне: праз гарадскія медыя і тэлебачанне, іміджавыя ролікі пра Беларусь і рэкламу казіно ў аэрапорце, на першых старонках глянцавых часопісаў і гэтак далей. Глядзець – значыць не толькі спажываць, але і фармаваць сваё ўяўленне пра навакольны свет. Якія вобразы жанчын дамінуюць у беларускай рэкламе і медыя? Як візуальная рэпрэзентацыя ўплывае на нашае стаўленне да жанчыны і на ўзаемаадносіны ў сям’і і грамадстве? Запрашаем абмеркаваць разам з намі ў наступны чацвер.
34 Media Days vol. II
Гучная гісторыя вакол рэкламнай кампаніі Mark Formelle ускалыхнула медыйную прастору і, як пішуць, някепска падняла рэйтынг самога вытворцы. Аднак рэклама бялізны – не адзіны прыклад спрэчнай візуальнай рэпрэзентацыі жанчын (а пазней і мужчын) у афлайн- і анлайн-прасторы. Узгадаем рэкламныя кампаніі хрэну ABC ці інтэрнэт-правайдара «Шпаркі дамавік». Мова рэкламы і медыя з усіх магчымых носьбітаў падказвае, якія вобразы ды ролі вітаюцца ў грамадстве. Іншымі словамі, рэклама і медыя накіроўваюць свой «нармалізуючы» позірк на кожную з нас.
З іншага боку, некрытычнае ўспрыманне – не адзіны магчымы варыянт развіцця падзей. Што робіць радыкальнае стаўленне да рэкламы ў беларускім кантэксце – наводзіць шуміху ці ўсё ж такі дае адэкватную зваротную сувязь вытворцам візуальных прадуктаў?
Ці тыя выявы, што мы бачым у горадзе і на экранах манітораў, здольныя ўплываць на грамадскае стаўленне да сацыяльнай ролі жанчыны? Запрашаем цябе разам абмеркаваць гэтыя пытанні ў афлайне.
Падзея пройдзе ў фармаце ток-шоу – спачатку госці падзеляцца сваімі думкамі на згаданую тэму, пасля чаго пачнецца адкрытая дыскусія з удзелам мадэратаркі і слухачы атрымаюць магчымасць задаць свае пытанні.
Спікеркi
Лілія Воліна – заснавальніца «Цэнтра па прасоўванні правоў жанчын – Яе правы», юрыстка, экспертка ў галіне правоў жанчын і гендарнай палітыкі.
Віка Біран – працуе на мяжы мастацтва, актывізму і журналістыкі. У 2014-м стала сузаснавальніцай праекту пра гендар і сэксуальнасць MAKEOUT, а ў 2015-м – квір-фестывалю meta-.
Кацярына Барушка – журналістка, фрустрантка ў адвечным пошуку феміністычнага дзэну.
Алеся Песенка – рэдактарка парталу LADY.TUT.BY, у мінулым – спецыялістка па сувязях з грамадскасцю «АРТ Карпарэйшн».
Дзе і калі?
27 красавіка а 19:00
«Корпус» (Менск, пр. Машэрава, 9, корпус 8)
Уваход вольны
Калі ты працуеш у грамадскім сектары, рэкламе ці медыя, прыходзь і раскажы, што думаеш на гэтую тэму. Мы хочам пачуць розныя галасы. Далучайся да падзеі ў Facebook, каб не забыцца на дату і месца сустрэчы.
Iлюстрацыя by Sheeborshee
Усё пачнецца з чароўных Фарэраў.
Зачем молодые люди посещают психотерапевта(-ку) и рассказывают про свои болячки окружающим?
Диджеи рассказывают, где они покупают винил и зачем это делать в 2018 году.
Гісторыі трох людзей, якія з’ехалі з Беларусі, пакінуўшы тут нешта важнае.
Шукаем асабістыя радасці ў велічных залах.
Для ВІЧ-пазітыўных людзей, іх блізкіх і не толькі.
Размова пра дом, перфекцыянізм і працу з маркай Yves Saint Laurent.
Кактэйль з рамантычнай меланхоліі і пустэчы постапакаліпсісу.
КАМЕНТАРЫ (2)
оторванные от жизни журналистки это чтото.
Ой будзе горача