Што такое .PUNKT?

  • 31.07.2017
  • Аўтар: 34mag
  • 0

 

Медыйны сіндыкат 34 існуе даўно (не за гарамі дваццацігоддзе), і яго арцелі толькі множацца. Калісьці была «Студэнцкая думка» і CD Mag, потым з'явіўся 34mag, нядаўна адзначаў два годзікі 34travel. Настаў час распавесці пра наш новы адукацыйны плагін – афлайн-пляцоўку .PUNKT.

 

  Што такое .PUNKT?  

Гэта ўтульны лофт плошчай 54 м2 у былым будынку гарбарні.

 

  Навошта мы яго адкрылі?  

Мы разумеем, што будучыня за ведамі, а мы назапасілі іх шмат. Таму жадаем дзяліцца.

 

  І што ў вас тут адбываецца?  

Усё, што мае адукацыйную форму. Мы ладзім як свае івэнты, так і запрашаем да ўдзелу партнёраў. Дыскусіі 34 Media Days з Альгердам Бахарэвічам, бразільскім амбасадарам і palasatka. Майстар-класы на выжыванне ад школы крэатыву «ИКРА». Сімпозіум эксперыментальных агароднікаў. Паказы рэгбісцкага кіно. Карацей, усё, пра што марыў Гары Потэр, калі першы раз ехаў у Хогварц.

 

 

  Колькі лофт змяшчае чалавек?  

Пры тэатральнай рассадцы камфортна сядзе 40. «Зялёныя» на кінафэст збіралі біток за сотню.

 

  І як тады іх пракарміць?  

Побач ёсць кавярні ENZO, «ЛАВКА», «ДЭПО», «ХУЛИГАН», ULTRA BAR. Можна загадзя дамовіцца на абеды.

 

  Акей, а якія яшчэ ёсць нішцякі?  

Мы маем адмысловае тэатральнае асвятленне і гук, таму можам лёгка стварыць табе атмасферу Сайлент Хіла.

Пры супадзенні з рэдакцыйным інтарэсам бонусам можа ісці медыйная падтрымка ад 34mag (фотарэпорт, тэзісы з лекцыі).

 

 

  Супер! Дзе вы знаходзіцеся?  

Сядаеш на метро да «Першамайскай», адтуль 7 хвілін пешшу ўглыб Кастрычніцкай. Арыенцір – паркоўка ля кавярні ENZO. Каардынаты: вул. Кастрычніцкая, 23А, другі паверх (53.890140, 27.575450).

 

  Магу я зладзіць у вас івэнт?  

Канешне, пішы на punktnotdead@gmail.com, у Facebook-суполку або тэлефануй +375 44 795 13 97.

 

  А калі свабодна?  

Тэлефануй!

 

 


КАМЕНТАРЫ (0)

КАМЕНТАВАЦЬ