Менскі міжнародны кніжны кірмаш – на якія падзеі завітаць?

 

  6 лютага

 

 Прэзентацыя зборніка твораў Уладзіміра Караткевіча ў 25 тамах. 

10:30 – 11:00, Нацыянальны стэнд Беларусі.

Івэнт, дзеля якога варта збегчы з працы. Будзе мультымедыйная выстава, пакажуць ілюстрацыі да кніг ды малюнкі самога Караткевіча. З 11:00 да 11:30 тут жа прэзентуюць кнігі «Дикая охота короля Стаха», «Хрыстос прызямліўся ў Гародні», «Колосья под серпом твоим», «Ладья Отчаяния» – гэта твой шанс набыць падарункі для сяброў, што не чытаюць па-беларуску. А ў 11.30 пачнецца прэзентацыя «Паслухайце! Мова твораў Уладзіміра Караткевіча!» з удзелам тэатра «Жывое слова».

 

 Шэраг івэнтаў, прысвечаных падарожжам па ЗША. 

Старт – 11:00, Стэнд пасольства ЗША.

Хто не марыць пра падарожжа ў нацпаркі ЗША? Мы – дакладна марым. Таму завітаем на чытанне ўслых кнігі Марка Вудса «Услед за сонцам: год у нацыянальных парках Амерыкі». Тэму падтрымае інтэрактыўная праграма «Віртуальнае падарожжа па ЗША» з выставай вінтажных плакатаў, публічным паказам мастацкіх і дакументальных фільмаў. У 13:00 Бэтсі Льюіс, першы сакратар пасольства ЗША па пытаннях інфармацыі, адукацыі і культуры, пасольства ЗША ў Менску, распавядзе пра падарожжы па амерыканскіх аўтамагістралях. А з 14:00 амерыканскі пісьменнік Дуглас Мак дасць парады, як пісаць пра падарожжы. Дарэчы, у нас ёсць варыянт ад нашых калег з 34travel.

 

 Паблік-ток з Альгердам Бахарэвічам. 

14:00 – 15:00, Расійскі нацыянальны стэнд.

Разумнага чалавека заўсёды прыемна паслухаць.

 

 Прэзентацыя перакладу кнігі «Трое ў чоўне і пёс з імі» Джэрома К. Джэрома ад выдавецтва «Логвінаў».

16:00 – 16:30, Нацыянальны стэнд Беларусі.

Калі табе патрэбная доля пазітыву, каб дажыць да вясны, – вось яна.

 

 Прэзентацыя даведачнага выдання з дапоўненай рэчаіснасцю «99 знакамітых месцаў Беларусі».  

16:30 – 17:30, Нацыянальны стэнд Беларусі.

Мы ў свой час аглядалі 34 крутыя месцы ў Беларусі. Цікава паглядзець на варыянт ад выдавецтва «Адукацыя і выхаванне».

 

 Прэзентацыя рамана Сашы Філіпенкі «Возвращение в Острог». 

18:00 – 19:00, Расійскі нацыянальны стэнд.

Саша Філіпенка – беларускі журналіст, які працаваў на «Дожде», і беларускі пісьменнік, які атрымаў «Русскую премию» і нават дабраўся да фіналу «Большой книги». Гэта яго пяты раман – пра горад з турмою.

 

 

   7 лютага

 

 Майстар-клас «Як выдаць кнігу: ад рэгістрацыі да першай пакупкі». 

10:00 – 11:00, Расійскі нацыянальны стэнд.

Для тых, у каго ёсць амбіцыі стаць пісьменнікам ці пісьменніцай. Арганізуе «ЛитРес».

 Шэраг івэнтаў, прысвечаных падарожжам па ЗША. 

Старт – 11:00, Стэнд пасольства ЗША.

Усё пачнецца з прэзентацыі пра навучанне ў ЗША ад Кевіна Рэйлінга, рэгіянальнага дырэктара Education USA, потым будуць інтэрактыўная праграма віртуальных падарожжаў па ЗША і паказ мастацкіх і дакументальных фільмаў, а ў 14:00 пісьменнік Дуглас Мак яшчэ раз зробіць увядзенне ў паняцце тэрыторый ЗША. У 15:00 Уладзімір Парфянок, фатограф, супрацоўнік музея-майстэрні Заіра Азгура, распавядзе пра падарожжа па ЗША і гісторыю амерыканскага плаката XX стагоддзя. Прэзентацыя, якую немагчыма прапусціць, пачнецца ў 17:00: «Турызм у ЗША, арыентаваны на знаёмства з мясцовымі алкагольнымі напоямі і півам». Пра гэты важны аспект падарожжаў будзе расказваць Сьюзан Слокум, спецыялістка ў галіне сельскага турызму.

 

 «Публікацыя кніг без выдавецтва: рэальнасць або міф?». 

15:00 – 16:00, Расійскі нацыянальны стэнд.

Дыскусія ды сустрэча з аўтарамі праекта «ЛитРес: Самиздат».

 

 Прэзентацыя двухтомнага выдання Збігнева Герберта. 

17:30 – 18:30, Польскі нацыянальны стэнд.

Збігнеў Герберт – адзін з найлепшых польскіх паэтаў ХХ стагоддзя, якога самі палякі назвалі Каралём паэтаў. У першым томе – вершы і п’есы паэта, у другім – яго эсэістыка. Зборнік прадставіць каманда, якая працавала над выданнем, мадэратарам будзе ўкладальнік Андрэй Хадановіч. Прагучаць арыгінальныя запісы чытання твораў Збігневам Гербертам, а па-беларуску – у акцёрскім прачытанні Рамана Падалякі.

 

 

   8 лютага

 

 Прэзентацыя рамана Віктара Марціновіча «Ноч». 

11:30 – 12:30, Беларускі нацыянальны стэнд.

Калі кніжка ў цябе ўжо ёсць, зможаш атрымаць аўтограф, калі не – набыць. Пачытаць у электронным выглядзе на рускай мове можна тут.

 

 Прэзентацыя кнігі «Транссиб. Поезд отправляется». 

15:00 – 16:00, Расійскі нацыянальны стэнд.

Раскошна ілюстраваная кніжка пра вялікае падарожжа – яшчэ і з парадамі пра гарады па дарозе. Сустрэча з аўтаркай Аляксандрай Літвіной.

 

 «Прыдарожныя кафэ і амерыканская культура». 

15:00 – 16:00, Стэнд пасольства ЗША.

Яшчэ адна цікавая прэзентацыя ад амерканскага пісьменніка Дугласа Мака.

 

 Прэзентацыя кнігі «Яна была. 16 жанчын, якія сталі часткай гісторыі Беларусі». 

16:00 – 17:00, канферэнц-зала.

На сустрэчы калектыў стваральніц раскажа, як рабілася кніга пра 16 выбітных беларусак на трох мовах (беларускай, рускай і англійскай) і чаму 16 беларускіх мастачак вырашылі ілюстраваць гераінь, гісторыі якіх іх натхнілі.

 

 Прэзентацыя новай кнігі Яўгеніі Някрасавай «Сестромам». 

17:00 – 18:00, Расійскі нацыянальны стэнд.

Папярэдняя кніга пісьменніцы пра школьны булінг увайшла ў кароткі спіс прэміі «Национальный бестселлер» у 2019 годзе – тым цікавей, якой атрымалася наступная.

 

 

   9 лютага

 

 Творчая сустрэча з перакладчыцай кнігі Дж. К. Роўлінг «Гары Потэр і філасофскі камень» Аленай Пятровіч. 

12:00 – 12:30, Нацыянальны стэнд Беларусі.

Зможаш даведацца ўсё пра цяжкасці перакладу заклёнаў.

 

 Сустрэча, прысвечаная Петэру Хандке і Эльфрыдзе Елінэк – аўстрыйскім лаўрэатам Нобелеўскай прэміі па літаратуры. 

12:00 – 13:30, Стэнд пасольства Аўстрыі.

Калі памятаеш, рашэнне даць прэмію Хандке выклікала сапраўдны скандал – пяць краін нават байкатавалі цырымонію ўзнагароджвання, бо Хандке падтрымліваў Слабадана Мілошавіча ў час Югаслаўскіх войнаў. Таму можа атрымацца цікавая дыскусія.

 

 «Па ЗША на матацыкле: гісторыя вандроўкі і лайфхакі». 

13:00 – 14:00, Стэнд пасольства ЗША.

Пра падарожжы на матацыкле распавядзе блогерка Анастасія Ленева. Праграму стэнда пасольства ЗША працягне прэзентацыя «Зберажэнне спадчыны ў ЗША – уражанні ад вандроўкі і перспектывы для Беларусі» ад Дзяніса Тушынскага, выкладчыка факультэта міжнародных адносін БДУ.

 

 Прэзентацыя кнігі «История старой квартиры». 

14:00 – 15:00, Расійскі нацыянальны стэнд.

Сустрэча з аўтаркай Аляксандрай Літвіной і размова пра яе кнігу «История старой квартиры», у якой уся гісторыя дваццатага стагоддзя распавядаецца праз жыццё адной кватэры і лёс яе жыхароў.

 

 

 Глядзець поўную праграму