Краўдфандынг дня: як «Корпус» змяняе рэйв

Сучасная культурная пляцоўка размывае межы забавы ды імкнецца стаць месцам сілы для кожнага. Таму каманда хоча даць гораду тэхналогію Silent Disco Equipment.

Silent Disco – гэта івэнты, дзе аўдыяшэраг транслюецца праз FM-перадатчык для бесправадных прыёмнікаў, убудаваных у навушнікі.

Бясшумныя мерапрыемствы – гэта не толькі канцэрты або кінапаказы, але і выставы, прэзентацыі, трэнінгі, канферэнцыі, гукавыя арт-перформансы і флэшмобы.

Ідэя ў тым, каб кінааматарам не заміналі глядзець кіно тыя, хто жуе ззаду папкорн або кашляе збоку. Пакуль адныя саладзенька спяць, іншыя віюцца ў танцы і гараць у ночы. Менск – розны. Галоўнае – не перашкаджаць суседзям спаць!

Калі падтрымаеш праект хаця б на 5 BYN, атрымаеш стыкерпак «Ціхі Корпус» – налепкі з персанажамі замалёвак Сяргея Сялецкага. Паспяшайся – засталося ўсяго 49 штук!