Журналісты могуць выйграць прыз ад Офіса па правах людзей з інваліднасцю

 Патрабаванні да матэрыялаў: 

   Тэма: жыццё і правы людзей з псіхічнымі і/або інтэлектуальнымі парушэннямі;

   Дата публікацыі: з 1 студзеня 2018 года па 29 красавіка 2019 года;

   СМІ: беларускія;

   Мова: беларуская або руская;

   Жанр/фармат: любы;

   Выключэнне: рэкламныя і спонсарскія публікацыі.

 Як падаць матэрыял на конкурс? 

Даслаць спасылкі на артыкулы, відэа альбо копіі друкаваных публікацый на пошту pr@disright.org не пазней за 30 красавіка 2019 года ўключна. У суправаджальным лісце ўказаць імя і прозвішча аўтара(-кі), назву медыя і дату публікацыі.

 Крытэры ацэнкі: 

   адпаведнасць матэрыялу праваабарончаму падыходу да дэінстытуалізацыі* псіхічных/інтэлектуальных парушэнняў;

   арыгінальнасць у асвятленні тэмы;

   журналісцкія якасці матэрыялу: прапрацаванасць тэмы, захаванне аб'ектыўнасці і гэтак далей.

*Дэінстытуалізацыя – гэта такі спосаб арганізацыі жыцця грамадства, калі людзі з любымі, нават самымі складанымі праблемамі здароўя маюць магчымасць без дыскрымінацыі вызначаць свой лад жыцця. Гэта значыць, людзі не павінны быць пастаўлены ў бязвыхадную сітуацыю, калі адзінай магчымасцю выжыць служыць перасяленне ў інтэрнат толькі таму, што дома немагчыма атрымаць неабходную дапамогу.

 Хто будзе судзіць? 

Эксперты і эксперткі ППУ «Офіс па правах людзей з інваліднасцю», прадстаўнікі сацыяльных службаў і міжнародных арганізацый.

 Як вылучаць пераможцу? 

Прызамі адзначаць тры лепшыя матэрыялы. Цырымонія ўзнагароджання адбудзецца ў пачатку траўня ў рамках «Тыдня даступнасці», якую традыцыйна ладзіць Офіс па правах людзей з інваліднасцю.