«Кветкі для Сенькіна» – праект пра жыццё медыка ў менскім канцлагеры Stalag 352

Як і шмат іншых вязняў лагераў для ваеннапалонных, пэўным днём малады фельчар Міхаіл Сенькін быў застрэлены. Нягледзячы на ўмовы жыцця ў Stalag 352 і тагачасную звыкласць да смерцяў, Міхаіл быў пахаваны у асобнай магіле, з ушанаваннямі ды аркестрам. Зрэшты, большасць загінулых хавалі ў брацкіх магілах, а прывозілі іх на месцы пахавання проста ў тачках. Пахаванне Міхаіла Сенькіна стала незвычайнай падзеяй для вязняў лагера, бо ён сам быў незвычайным чалавекам.

Пазнаёміцца з гісторыяй фельчара можна будзе праз новы праект ініцыятывы: аднастаронкавы вэб-сайт, распрацаваны адмыслова для смартфонаў.

Марына Сяменчанка, кансультантка ініцыятывы

«Міхаіл Сенькін быў фельчарам, чалавекам, які выратоўваў жыцці ва ўмовах вайны, жудаснай небяспекі і дэфіцыту рэсурсаў. Сучасныя медыкі, як і Міхаіл, выконваюць свой прафесійны абавязак нягледзячы ні на што, і да іх мы адчуваем удзячнасць ды захапленне. Да таго ж у праекце нашая каманда вырашыла адысці ад вобраза надзвычай ахвярнага героя, уласцівага для савецкага наратыву пра Другую сусветную вайну. Мы разумеем, што цяпер важнасць набываюць паўсядзённыя, руцінныя акты гераізму – яны могуць падавацца менш значнымі, але насамрэч маюць важную ролю ў перамозе над злом».

Глядзець «Кветкі для Сенькіна»