Гарадская ляснічая Брэста правядзе вэбінар пра гарадскія агароды

Ініцыятыва «Зялёны тэлефон» запрашае на вэбінар «Усё, што вы хацелі ведаць пра гарадскія агароды».

Спікеркай тут выступіць Лена Штык – гарадская ляснічая Брэста з 2017 года, якая закладала паркі, азеляняла Менск і ўжо выйшла на інтэрнацыянальны ўзровень, стварыўшы грамадскі агарод у польскай сталіцы.

На якія пытанні можна будзе атрымаць адказы:

  Чаму гарадскія агароды сталі трэндам?

  Хто карыстаецца такімі градкамі і што на іх вырошчваюць?

  Ці здаровая ўвогуле ідэя – есці тое, што вырасла ў асфальтавых джунглях?

  Як капанне зямлі ўплывае на менталачку?

​​​​​​​  Як адчуваецца, калі гадуеш цукіні на грамадскім гародзіку, а нехта выкопвае іх раней за цябе?

​​​​​​​  Чаму ў такой справе не хочацца спыняцца?

  Вэбінар адбудзецца 9 красавіка ў 19:00 па менскім часе. Платформа – Zoom. Удзел вольны, патрэбна толькі зарэгістравацца па спасылцы.