ПЭН-цэнтр запрашае галасаваць за найлепшую кнігу 2018-га

Беларускі ПЭН-цэнтр прапануе ўсім жадаючым абраць найлепшую кнігу 2018-га. У спісе намінантаў – 11 фаліянтаў, якія сёлета намінавалі на прэмію «Кніга году».

 

 Абірай, што заслугоўвае ўсіх букераў свету, на свой густ: 

 

   Альгерд Бахарэвіч. «Мае дзевяностыя»

   Андрэй Федарэнка. «Сузіральнік»

   Алена Брава. «Садомская яблыня»

   Ольга Шпарага. «Сообщество-после-Холокоста: на пути к обществу инклюзии»

   Юлія Шарова. «Вяртанне Ліліт»

   Сяргей Шупа. «Падарожжа ў БНР»

   Марыя Мартысевіч. «Сарматыя»

   Ілля Сін. «Libido»

   Віктар Марціновіч. «Ноч»

   Зміцер Вішнёў. «Калі прыгледзецца – Марс сіні»

   Яўген Зубовіч. «Беларускі палкоўнік»

 

Пакінуць ажно тры свае бясцэнныя галасы можна на адмысловым сайце. Галасы прымаюць да 18:00 28 траўня. Паспей укінуць свой бюлетэнь.

 

 

Чытацкае галасаванне чыста сімвалічнае. Усё роўна 1000 еўра па курсе Нацбанка і ганаровую статуэтку атрымае той, каго абралі 103 сябры журы – прафесіяналы-літаратары. Але і меркаванне простых смяротных тут штосьці ды важыць. Гэта ж народная любоў тыпу.

Раней «прыз чытацкіх сімпатый» атрымлівалі Андрусь Говарт з «Радзівам "Прудок"» і Павел Севярынец з «Беларусалімам».