Фільм пра Святлану Алексіевіч выкладуць у інтэрнэт на суткі

Шэсць гадоў беларуская пісьменніца інтэрв'юявала людзей для таго, каб стварыць кнігу пра каханне. Шведскі рэжысёр Стафан Юлен увесь гэты час хадзіў за ёй з кінакамерай. Вынікам гэтага чалавечага даследавання і стала дакументалка, прэм'ера якой адбылася ў Стакгольме ў лістападзе 2017-га. Беларусам фільм упершыню паказалі 20 чэрвеня 2018 года ў Галерэі TUT.BY.

У «LYUBOV» паказаныя многія вядомыя людзі Беларусі, аднак іх знакамітасць не адыгрывае ніякай ролі ні для пісьменніцы, ні для рэжысёра – у кіно не называюцца нават іх прозвішчы. Так, напрыклад, Саша Варламаў аказваецца проста «Сашам, мадэльерам».

На здымкі Святлана пагадзілася далёка не адразу: «Мне гэта было не так цікава, паколькі я ўсё пра сябе ведаю. Але Стафан быў настойлівы, і мне давялося яму саступіць».

Фільм «LYUBOV» з'явіцца на сайце праекта «Рэальнае кіно з Віталіем Манскім» 7 сакавіка ў 23: 00 і будзе транслявацца ўсяго толькі суткі.