Культурным ініцыятывам прапануюць дапамогу

Для ўдзелу трэба найперш запоўніць заяўку, у якой адзначыць свае прыярытэтныя патрэбы, што патэнцыйна дазволяць пераадолець крызіс. Далей трэба дачакацца вынікаў адбору.

 Крытэрыі адбору: 

   запрашаюць выключна незалежныя культурныя інстытуцыі і ініцыятывы Беларусі, якія не працуюць на атрыманне прыбытку;

   гэта сацыяльна арыентаваныя суполкі, якія прытрымліваюцца такіх каштоўнасцей, як экападыход, інклюзія, захаванне правоў чалавека, гендарная роўнасць;

   важна мець досвед супрацоўніцтва з іншымі сацыяльна-культурнымі ініцыятывамі ці НДА;

   з парога скажуць «bye-bye» тым, хто дзейнічае афлайнава ў перыяд пандэміі.

 Што прапануюць тым, хто адбярэцца: 

   анлайн-навучанне па стварэнні і прасоўванні дыгітальных прадуктаў ды паслуг;

   юрыдычныя кансультацыі;

   стварэнне анлайнавых калабаў;

   іншую дапамогу па запыце.

Заяўкі прымаюць да 17 траўня.

Да праекта таксама могуць прылучыцца людзі, якія валодаюць ведамі, навыкамі ці рэсурсамі, што могуць быць карыснымі культурнай супольнасці для трансфармацыі ў анлайн. Жадаеш дапамагчы – пішы на artonist.org@gmail.com.