Як ратавацца ад кляшчоў і зладзіць экапікнік? Падкажа «Зялёны тэлефон»
- Рубрыка: УЛОЎ
- 19.05.2025
- 1466
Экакам’юніці «Зялёны тэлефон» запрашае ў Zoom на размову пра тое, як адпачыць на чыстым паветры і не нарабіць шкоды ні сабе, ні людзям, ні навакольнаму свету.
Вэбінар «Экалагічны адпачынак на прыродзе» адбудзецца 22 траўня ў 19:00 па Менску.
Што плануюць абмеркаваць:
карысныя летнія экапрактыкі;
якім чынам ратавацца ад кляшчоў;
як тусіць на прыродзе без шкоды ўласна прыродзе;
як развесці вогнішча і не спаліць лясы ці палі;
як зладзіць гарадскі пікнік у экастылі
і яшчэ ўсялякае рознае.
«Зялёны тэлефон» – гэта бясплатная інфалінія па пытаннях экалогіі. Туды можна звяртацца, напрыклад, калі знайшлі раненую птушку, непакоіцеся праз вырубку дрэваў на раёне, выявілі стыхійны сметнік, засмуціліся якасцю вады з-пад крана ці выйшлі на гаўбец і адчуваеце, што нечым патыхае. Таксама можна падпісацца на «Зялёны тэлефон», каб глядзець нязмушаныя рылсы і цік-токі на экатэматыку.