Надыходзіць дэдлайн конкурсу фота/інтэрв’ю па гісторыі Беларусі

Удзельнікам(-цам) прапануюць падрыхтаваць даследчую працу, прысвечаную малавядомым бакам гісторыі беларускага грамадства і мясцовых супольнасцяў з 1945 па 2000 гады. Арганізатараў конкурсу найперш цікавяць: паўсядзённы побыт, моладзевыя субкультуры, трансфармацыя гендарных роляў у сем'ях, гісторыя грамадскіх рухаў – але ты можаш прапанаваць і іншую тэму.

 Фармат: 

  праца з фотаздымкамі з сямейнага або лакальнага архіва і іх аналіз,

  гутаркі са сведкамі падзей ці з'яў, адлюстраваных на фатаграфіі(-ях).

Удзельнікамі(-цамі) конкурсу могуць стаць старшакласнікі, студэнты, актывісты і актывісткі НДА, моладзевых клубаў, гурткоў ва ўзросце ад 15 да 25 гадоў. Таксама можна падключыцца да конкурсу ў якасці куратара(-кі).

Усё-ўсё пра конкурс можна пачытаць на адмысловым сайце.

Работы прымаюць да 31 сакавіка па спасылцы.

Пераможцаў ад Беларусі абвесцяць улетку на афіцыйнай цырымоніі ўзнагароджання. Іх чакаюць дыпломы і прызы, а лепшым з лепшых прапануюць восенню адправіцца ў гістарычны лагер разам з даследчыкамі мінулага з Украіны, Малдовы і Грузіі.

Упершыню конкурс «Па-за кадрам: ад гісторыі сям’і да гісторыі супольнасці» праводзіўся ў 2017–2018 гг. Азнаёміцца з яго вынікамі і ацаніць свае шанцы можна па спасылцы.