Slow Rave Party: (((O))) (Live), Ponty Mython (LT)

Выходзім на іншы ўзровень: пачынаем не толькі ладзіць вечарыны, але і рабіць невялікія прывозы. Першыя гракі – гомельскі электроншчык ((((O))), які зусім нядаўна выпусціў новы альбом на «Першаку», і літоўскі дыджэй Ponty Mython, пладавіты прадзюсар, падпісант Futureboogie Recordings, Omena LTD і іншых знаных еўрапейскіх лэйблаў. Клуб «Молодость», 6 красавіка!

 

 Slow Rave Party  працягвае канцэпцыю slow media, якую ў цэлым пастулюе 34mag: мы не імкнемся да нястрымнага хайпу, нашая мэта – актыўнае слуханне і ўнікальны танцавальны экспірыенс, які ты атрымліваеш разам з асалодай ад якаснага гуку. Мы ўпершыню перамяшчаемся ў бескампрамісныя сцены менскага тэхна-клуба «Молодость», які месціцца ў самым цэнтры, на фарпосце Зыбіцкай. Там нас чакаюць 9 кВт чыстага гуку, мінімалістычны танцпляц, два бары і сацыяльныя сцежкі паміж імі. А цяпер пра нашых гасцей.

 

 

 (((O))) (Live) 

Загадкавы персанаж беларускай электроннай сцэны. У першай палове 2010-х актыўна прасоўваў змрочны віч-хаўс, за які атрымаў шэраг узнагарод, з’ездзіў на шоукейс у Вільню, а пасля непрыкметна знік з алгарытмаў сацыяльных сетак на тры гады. Мінулай вясной ён вярнуўся з сінглам «Mantra», які падняўся на шосты радок у топе «Young Blood» расійскай музычнай прэміі Jager Music Awards, пасля чаго мы звязаліся з хлопцам і прапанавалі выдаць новую плытку на «Першаку».

«Vigilance» выйшла зусім нядаўна – 12 сакавіка. Гэта гісторыя пра суседнія лаўкрафтаўскія вымярэнні і істоты, якія там непрыкметна існуюць. Па гучанні плытка вызвалілася ад жанравых рамак – цяпер гэта моцныя электронныя ландшафты, якія ствараюць свой уласны сусвет гукаў і хваляванняў. На вечарыне (((O))) выканае альбом жыўцом. Мурашкі па целе!

 

 

 Ponty Mython (LT) 

Літоўскі дыджэй і прадзюсар расійскага паходжання. Свае ўласныя плыткі, пераважна на вініле, рэлізіць з 2012 года. Выпускаўся на маскоўскім Capital Bass, нямецкім Dirt Crew Recordings, лонданскім Fina Records і іншых еўрапейскіх хаўс-лэйблах. Апошні рэліз – Pink Tango EP – выйшаў у сакавіку 2018-га на брыстальскім Futureboogie Recordings.

«Pink Tango EP» – гэта няспешная, вытанчаная электроніка з багатай, арганічнай перкусіяй. Калі слухаеш яе, сапраўды адчуваеш, быццам знахозішся ля возера, якое атачыла незлічонае мноства фламінга, і іх ногі сплятаюцца ў мудрагелістыя рытмічныя малюнкі. Увогуле творчасць Ponty Mython – гэта нейкі своеасаблівы свет, дзе людзі з жывёламі нароўні тусуюцца на рэйвах. Зацані толькі гэты «кусок»:

 

Хосцяць івэнт рэзідэнты вечарын 34mag і «Першака» – Stereobeaver і KorneJ.

 

Падзея ў FB і VK


Калі: 6 красавіка
Пачатак: 23:55
Дзе: клуб «Молодость» (вул. Інтэрнацыянальная, 21)
Кошт: 7 BYN (першыя 100 квіткоў), 10 BYN (далей і ў дзень мерапрыемства)

 

 Набыць квіткі 

«Есть Есть Есть»: душевный квартирник в Re:Public

«Есть Есть Есть»: душевный квартирник в Re:Public

Фотоотчет с концерта питерских экспериментальных скороговорщиков в Минске.

Неизданная музыка учеников Ableton School

Неизданная музыка учеников Ableton School

Создатель продюсерской школы Вова Потапенко рассказывает про четыре новаторских, но неопубликованных проекта своих учеников.

34 Mixes #8: Papa Bo Selektah

34 Mixes #8: Papa Bo Selektah

Спакойны, як зімовая ноч, мікс ад вядомага беларускага рытмшэйкера.

5 полезных для музыкантов youtube-каналов

5 полезных для музыкантов youtube-каналов

Видеоуроки для гитаристов, клавишников, барабанщиков, диджеев, а также каналы, которые расскажут, как создать мировой хит.

Где зимует Murovei?

Где зимует Murovei?

Большое интервью с беларусским рэпером о переезде в Варшаву, предстоящем альбоме и силе олдскула.

Музыка улиц #4: что люди слушают в наушниках?

Музыка улиц #4: что люди слушают в наушниках?

The Weeknd, Depeche Mode, «Скрябін» и еще несколько групп, которые слушают на улицах Минска.

Презентация сингла: «Кассиопея» – «Веревочка»

Презентация сингла: «Кассиопея» – «Веревочка»

Душещипательная история обыкновенной человеческой любви.

34 адценні Piarshak Party

34 адценні Piarshak Party

Ці хто смактаўся на тусоўцы 34mag у гэтыя выходныя? Фотарэпорт з вечарыны.

Планета Mustelide

Планета Mustelide

Наташа Куницкая – о новом альбоме, резиденции OneBeat и бродяжничестве музыкантов.