Як законна трымаць хатнюю жывёлу?
- Рубрыка: ПРАЦЭС
- 03.06.2016
- 14006
Натуральна, катоў і сабак. З птушак можаш прапісаць у сваёй хаце не толькі канарэйку з какаду, але і варон, галак, сініц, драздоў, аролаў-маркутаў, сокалаў-падарожнікаў і нават таўстадзюбаў (іх можна завесці праз адну толькі назву). Акрамя пацукоў і марскіх свінак, трымай на здароўе вавёрак, шыншылаў і дэгу ці нават можаш заснаваць невялічкую трусіную ферму на гаўбцы. А вось калі ты амбіцыйна замахнешся на пакупку хамяка звычайнага, гэта ўжо будзе парушэннем закона. Астатнія хамякі, а таксама тхары і вожыкі дазваляюцца. У спіс легальных хатніх жывёл уваходзяць таксама неатрутныя земнаводныя, паўзуны, рыбкі ды суставаногія з казюркамі. Карацей, павукі-птушкаеды, вужы і нават скарпіёны – ок.
Калі ў кватэры, дзе ты жывеш, адзін уладальнік, то запомні магічную лічбу «два»: два каты, два сабакі ці кот з сабакам. У тым выпадку, калі ўладальнікаў некалькі, дазваляюць трымаць максімум адну котку ці аднаго сабаку на сям’ю. Наконт дробных звяркоў настолькі суворых абмежаванняў няма. Уладальнікі прыватных дамоў таксама могуць выдыхнуць – іх абмежаванне не кране.
Да трох месяцаў можаш чыліць і ў вус не дзьмуць. Пасля – кіруйся наўпрост у ЖЭС, каб зарэгістраваць свайго сабаку ці ката – для гэтага трэба заплаціць ад 0,5 да 1,5 базавай. Жывёліну занясуць у спецыяльны журнал і выпішуць уліковую картку. Плануецца, што ЖЭС будзе выдаваць спецыяльныя жэтоны, якія можна, напрыклад, нашыць сабаку на нашыйнік, але на практыцы такога яшчэ няма. Будзь рашучым: часцяком цётачкі з ЖЭСу просяць забіць і не рэгістраваць жывёлку, бо не ведаюць, як гэта робіцца.
Пасля рэгістрацыі ў жыроўцы з’явіцца яшчэ адзін артыкул выдаткаў: падатак на валоданне сабакам. Невялікія пароды сабак да 40 см у карку – 0,5 базавай, 40-70 см – 1 базавая, болей 70 – 1,5 базавай. Апошні пункт тычыцца і патэнцыйна небяспечных відаў. Калі што, базавая зараз складае BYR 210 000. Можаш зарэгістраваць сабаку на свайго дзеда ці бабулю – пенсіянеры, якія не працуюць, плацяць падатак па стаўцы 0%. З коткі і іншых жывел плаціць падатак не трэба.
Таксама табе прыйдзецца стаць нефіговым дрэсіроўшчыкам: паводле законапраекту, жывёлы павінны сядзець ціха з 23.00 да 07.00.
Калі ў цябе пасяліўся які-небудзь шпіц, а не сабака патэнцыйна небяспечнай пароды, чыпаванне не абавязковае. Гаспадарам мастыфаў ды бультэр’ераў на працягу 10 дзён пасля рэгістрацыі трэба зазірнуць да ветэрынара і паставіць чып.
Сапраўды, на «прыдамовых» тэрыторыях выгульваць псіну нельга. Палётаць з асалодай і беспакарана сабачка можа толькі на спецыяльных пляцоўках для выгулу ці па агароджаным двары прыватнага дома. Спіс пляцовак вызначаецца кожным раёнам. За горадам можна тусіць дзе заўгодна.
Сабака заўсёды павінен шпацыраваць на павадку і ў намордніку. Аднак, калі твайму гадаванцу яшчэ няма паўгода або яго рост у карку меней за 35 см, наморднік не абавязковы.
Калі твой Бобік куснуў асабліва непрыемнага суседа ці пагрыз чыюсьці маёмасць, будзь гатовы заплаціць ад 10 да 30 базавых штрафу (BYR 2 100 000 – 6 300 000) або нават трапіць пад адміністрацыйны арышт.
Упэўнены, што, калі ты сочыш за 34mag.net, табе не ўлом сабраць «бомбаклад» за сваім гадаванцам у поліэтыленавы кулёчак і данесці яго да бліжэйшага сметніка. Калі не, цябе абавяжа новы закон – згодна з ім гуляць з сабакам можна толькі з савочкам.
Прабач, але не. Нават самым выхаваным сабакам забаронена тусіць не толькі ў шопінг-молах, але і ў кавярнях і барах, школах ды ўніверах, на стадыёнах, кортах і басейнах і на іх тэрыторыі, а таксама на дзіцячых пляцоўках. Акей, калі на стадыёне ладзіцца дог-шоу, гэта правіла аўтаматычна не дзейнічае. Дарэчы, прывязваць сабачку пад крамай, пакуль выбіраеш джынсікі ці ёгурт, таксама забаронена.
У метро сабаку, ката ці іншага сябра можна везці толькі ў пераносцы. З наземным транспартам трохі прасцей: кот ці птушка ў пераносцы, сабака – у пераносцы ці на павадку з наморднікам (да 35 см у карку можна абысціся адным павадком). Асобны талончык набываць не трэба. Калі твой сабака трапляе ў спіс патэнцыйна небяспечных парод, суправаджаць яго павінны два чалавекі.
Калі ты вырашыў вывезці жывёліну на прыроду, правілы залежаць ад транспартнага сродку. «Мінсктранс» не супраць, калі сабака пракаціцца ў прыгарадным аўтобусе, нават даплачваць не прыйдзецца. Праўда, усіх, каго можна, просяць запхнуць у клеткі і пераноскі. Вялікага сабаку павінны суправаджаць пасажыры з 16 гадоў.
У электрычцы таксама можна гнаць без дадатковага квітка ці выкупання месца. Праўда, па правілах, нават самаму салодкаму коргі прыйдзецца самотна ехаць у тамбуры.
Іншая справа, калі ты вырашыш праехацца ў цягніку. Па-першае, спатрэбіцца ветэрынарнае пасведчанне ці даведка на жывёліну. Па-другое, давядзецца выкупіць цэлае купэ. Нават пры такім раскладзе котка павінна вандраваць у пераносцы, а сабака – сядзець на павадку.
Для таго каб твой гадаванец трапіў у ЕЗ ці Вялікабрытанію, трэба правесці сур’ёзную падрыхтоўку: чыпаваць, завесці (калі няма) пашпарт і ўзяць даведку, а таксама зрабіць міжнародны сертыфікат, які выпісваюць у Дзяржаўным ветэрынарным наглядзе акурат у аэрапорце Мінск-2. Вывозіць жывёлу, маладзейшую за тры месяцы, нельга.
У цягніку пракатвае толькі варыянт з 4 месцамі ў купэ, а з самалётам давядзецца пытаць пра правілы ў кожнага перавозчыка паасобку. Скажам адразу, што з лоўкостарамі – суцэльнае расчараванне: ні WizzAir, ні Ryanair жывёлу на борт не возьмуць, а вось ужо airBaltic з Vueling больш animal-friendly. «Звычайныя» авіялініі дазваляюць везці сабак і катоў да 8 кг (разам з клеткай) у салоне, а цяжэйшых – толькі ў грузавым адсеку.
Па-першае, на працягу 10 дзён ты мусіш паведаміць пра гэта ў ЖЭС. Па-другое, хаваць жывёлак можна толькі ў спецыяльных месцах, дзе гэта дазволена. Канкрэтныя адрасы для раёна павінны падказаць у ЖЭСе. Штраф за незаконнае пахаванне – 1-15 базавых (BYR 210 000 – 3 150 000).
Ілюстрацыя by Sheeborshee
Чытаць яшчэ:
Як знайсці свае карані?
Дзе шукаць, як працаваць у архіве і хто можа зрабіць гэта замест цябе – кароткая інструкцыя па аднаўленні ўласнай гісторыі.
Што трэба ведаць пра смяротнае пакаранне ў Беларусі?
Чаму смяротнае пакаранне яшчэ існуе і навошта яго трэба скасаваць – разбіраем у дэталях.
Digital-бяспека. Як абараніць сваю інфармацыю?
Той мінімум, які трэба ведаць пра інфармацыйную бяспеку, каб твае перапіскі не сталі «здабыткам грамадскасці».
На галоўнай:
Юрый Сямашка: «Калі быць змрочнымі было б нацыянальнай асаблівасцю беларусаў, то я быў бы самым папулярным рэжысёрам»
Гутарка пра прызы, фестывалі, магчымасці і мары.
Юрый Сямашка: «Калі быць змрочнымі было б нацыянальнай асаблівасцю беларусаў, то я быў бы самым папулярным рэжысёрам»
Гутарка пра прызы, фестывалі, магчымасці і мары.
«Мне адгукаецца гісторыя вечных чужынцаў»: размова з мастачкай Марыяй Гвардзейцавай
Пра дом, пра памяць, пра боль, у якім усе роўныя.
Ад «Салюту» да світання: менскі клубны рух другой паловы 1990-х
Росквіт размаітасці і крызісны заняпад.
КАМЕНТАРЫ (7)
Люди против собачников:
кто кого? bouriac. narod. ru/DOGS. htm
Па-другое, давядзецца выкупіць цэлае купэ. - гэта ж толькі сабак буйных парод датычыцца
Увы, это не так
"Дубонос" па-беларуску - таўстадзюб!
Яны крутыя)
Что касается "За горадам можна тусіць дзе заўгодна."
Законом «Аб абыходжанні з жывёламі» не регулируется, но знать полезно.
Если вы имеете привычку гулять с вашим лабрадором или Джек Рассел терьером по лесу без поводка, такие действия приравниваются к незаконной охоте караются штрафом. (Правила ведения охотничьего хозяйства и охоты)
Проверить, попадает ли ваша собака в список охотничьих, можно в приложениях к этим самым правилам.
"Да трох месяцаў можаш чыліць і ў вус не дзьмуць. Адсвяткаваўшы першы юбілей гадаванца, кіруйся наўпрост у ЖЭС, каб зарэгістраваць свайго сабаку ці ката – для гэтага трэба заплаціць ад 0,5 да 1,5 базавай. "
дык тры месяца ці юбілей?
Дзякуй, выправілі